-
يا جماعه ساعدونى فى e21
السلام عليكم انا لسه شارى عربيه e21 (316i model 1982( من دكتور فى الجامعه و العربيه سألت عليها كتير و الناس كلها قالتلى مش هتلاقى حاله زى ديه تانى المهم جبتاها الحمد لله بس الممشكله بأه انها مش بتجيب اكتر من 110 تقريبآ و عداد ال rpm و انا على الرابع مش بيجب اكتر من 4.5 المهم انا سألت الراجل صاحبها قالى انوا كان بيحطلها بنزين 80 و موطى الكهربا قالى لو عايز تجرى عالى الكهربا بتاعتها و حطلها بنزين 90 و بعدين سألت واحد تانى صاحبى قالى ده من الكربراتر انا مش عارف المشكله ديه من ايه بصراحه و عايز احلها علشان ببقى ماشى و القى كل العربيات زى الصاروخ جمبى و كمان استفسار العربيه ديه طبعآ زى ما انتم عارفين 1800 cc بس بتحرق بنزين كتيييير اوى يعنى مثلآ حرقت 50 لتر فى 330 كيلو متر و انا مسافر ياريت ي جماعه تقولولى اعمل ايه و اكشف على ايه و استخدم بنزين 80 ولا 90 و لو 90 ازاى اقلل نسبه البنزين المستهلكه ديه علشان طبعآ كدة يتخرب بيتى و شكرآآ
-
مبروك عليك العربيه الجديده وان شاء الله ربنا يديك خيرها ويكفيك شرها
انا كان نفسي اني افيدك بس للاسف مش هقدر لانو معنديش فكره
بس ان شاء الله الاخوه هنا هيفيدوك وهيدولك كل المعلومات الي يعرفوها ومش هيسيبوك غير لما تحل كل المشاكل بأذن الله
استني انتا بس كدا شويه وهتلاقي كل الناس بترد عليك
وان شاء الله تكون بسيطه وتخلص كل حاجه علي خير
-
ألف ميروك عليك إن شاء الله
العربية المفروض ليها ظبطة معينة و ليها نوع بنزين معين ( غالباً هتلاقيه مكتوب على غطاء التنك من جوة ) لو لقيته مكتوب 87 يبقى أقل حاجة تحطها 90 .
قولى أنت ساكن فين عشان أوصفلك ميكانيكى كويس ؟
-
شكرآ جدآ على الردود و انا ساكن فى حلميه الزيتون
-
عندك منصور........هتلاقيه بعد المستشفى العسكرى بشوية فى شارع يمين ( أنا ناسى أسم الشارع )
و عندك طارق فوزى ليه ورشتين..........واحدة فى جسر السويس بعد كوبرى التجنيد على اليمين عند بنزينة التعاون و التانية فى الكيلو 4.5 طريق السويس و أنت راجع فى اتجاه القاهرة جنب بنزينة شل.
-
بص ياسيدى انا كان عندى نفس المشكله
هتلاقى الكربراتير مش مظبوط اما انك توديه لحد يظبطه ويغير بيكات او تجيب واحد استيراد حالته حلوه مش هيزيد عن 300 جنيه المدور اما البيضاوى اقل
انا لما غيرت بقت بتعمل 400 ف الصفيحه على الطوالى
-
-
نفس مشكلة صديق عزيز عليه استهلاك بنزين مريع و دخان من الشكمان و الموتور حالته تعبت ..ممكن اعرف ايه المكن اللى يركب فى ال e21 موديل 82
-
ياراجل مكن ايه اللى هتدور عليه
ارخص سعر مواتير ف السوق هى البى ام
موتورها مش هيزيد عن 3000 ج وبالكمبيوتر ف الحرفيين بس من غير الفتيس
-
بص حضرتك عشان توفر وكلة تمام اللى بقولهولك ده عن تجربة طبعا :)
العربية تحطبها 80
جميل
وتتأكد ان الكاربياتير بتاعها الأصلى مش متركبلها بتاع اى عربية تانية
وتطلع على واحد اسمة ابراهيم فى شبرا :) وتشوف هوة هيظبطهولك ولا هيبعتك تجيب واحد استيراد :) ولو جبت تجيب البيضاوى مش المدور :)
وتطلع تغير طقم الكهربا بتاع العربية كلة :) ومعاه الفلتر بتاع البنزين بالمرة
وادعيلى بعديها :)
ومتسمعش كلام اى حد بيفتى زى صاحبها اللى بيقلك موطى الكهربا فعشان كده مبتعديش 100
100 إيه !!! انا بحط 80 بقالى سنة مثلا وفعلا مبقلش عن 100 :) مش مبعديش 100 :) اعمل اللى بقلك عليه وهترتاح قوى متقلقش :)
Content Relevant URLs by
vBSEO 3.6.0 PL2