ايه حكاية حجز النيو سيراتو !

**de3bis** · 21-06-2009 02:11 PM

يا جماعة حد يفهمنى أنا حاجز نيو سيراتو عند الطارق (كارفور اسكندرية) من نصف شهر أبريل و كان حاجز معايا واحد صاحبى (قبلى بإسبوع) .
و بعدين فوجئت بمندوب المبيعات فى الطارق من حوالى 3 اسابيع بيعرض على صاحبى أنه يسلموه العربية بدرى ب over Price مبلغ 3 الاف جنيه , زميلى زعل و رفض الإستغلال و غير الحجز و استلم عربية تانية خالص (انتاج اوربى) و قال انا زهقت من الإنتظار.

واما انا فلسه صامد و منتظر بس اللى حصل مع زميلى ( وانا بنفسى كنت حاضر الحوار ده ) خلانى بقيت شاكك فى مصداقية "الطارق " فى الحجز لأن عرض الأوفر بريس معناه انه ح يسلم العربية لواحد دوره لسه ماجاش قبل من يستحقها (و ده الأرجح)........ أو .........أنه فعلا دور زميلى و هم بيحاولوا يخدوا منه مبلغ زيادة.
و لو رفض يشوفوا حد غيره يوافق و يفضل اللى حاجزين منتظرين الى ما شاء الله.

مش عارف بصراحة الواحد يطمن ازاى أو يعمل ايه حتى لو سحبت العربون اللى انا دفعته و رحت للتوكيل مباشرة يبقى لازم انتظر تانى 3 شهور من الأول ده انا حتى بأفكر الغى الفكرة خالص اصلا

المفروض إن الطارق شركة كبيرة و محترمة مش تاجر من اياهم و فى نفس الوقت موزع معتمد من التوكيل يعنى المواقف اللى من النوع ده ستسيىء لسمعة الوكيل ايضا و تفقد الناس المصداقية فى التعامل معه او الشراء منه مستقبلا.
ايه رأيكم أفيدونى افادكم الله

**Hesham_91** · 21-06-2009 02:32 PM

انا مش حاجز العربية بس رحت للطارق فرع الدقي قالي السيراتو موجودة عندي (الوكيل) و تسليم فوري ال sx ب 122,000 قالي الوكيل غلى سعرها مش عارف الكلام ده مظبوط ولا بيعمل عليا شغل :s

**de3bis** · 21-06-2009 02:48 PM

انا كمان حاجز ال sx و بأكد لك إن السعر لم يزيد و زى ما هو و طبعا كل الناس عارفة ان العربية دى بالذات حجز 3 شهور يبقى ازاى تسليم فورى يا إما دى خليجى أو فيها أوفر برايس (6 الاف جنيه)
و عجبى على المصداقية

**AHMED REFAT** · 21-06-2009 03:25 PM

احبتى فى الله ..يبدو ان الموضوع بدايته تنصب عند الوكيل فكل من حجز معظمهم الى الان لم يتم تسليمهم ومنهم حاجز هاى لاين واستلام الكاتجرى اللى قبله برضه بطريقة مراوغة من الوكيل ... للاسف ان الوكيل نفسه اعطى لجميع الحاجزين مواعيد مبكرة كى يتم الحجز على السيارة وبعدين ربنا يحلها وهو على علم تماما بان الاستلام لن يكون قبل شهر 7 ويمكن يكون فى نصفه كمان ... مما جعل فرصة للسوق السوداء للازدهار فالى الان مازال الخليجى الهاى لاين ونادر برضه ب134900 الكاتجرى اللى قبله على طول ب 128000 يعنى اعلى من الهاى لاين فى الوكيل بس طبعا استلام فورى ( مع العلم بان جميع اسعار الخليجى على جميع انواع السيارات لابد وان تكون اقل من سعر الوكيل وده شئ بديهى سيارة بدون ضمان ازاى تبقى اعلى من الوكيل وهى هى نفس الكماليات ونفس السيارة ) طبعا ده يرجع الى عدم وجود سيارات عند الوكيل وطبعا عند الموزعين زى الطارق اللى بيلعب طبعا نفس اللعبة للحصول على اسعار اعلى ... على العموم المفروض بتوفر السيارت فى الوكيل كل الكلام ده ها يزول وهى لعبة صبر ليس الا .. اللى ها يصبر على الاستلام هايستلم بنفس السعر واللى مش قادر يصبر ينطبق عليه المثل الغاوى ينقط بطاقيته ويكع 3 او 4 الف زيادة ... وربنا يصلح احوال الجميع الى ما يحب ويرضى

**mostafa_fesho** · 21-06-2009 04:26 PM

انا برده حاجز من اول 5 وقالى اخر ستة هيا فى المينا وبتخلص والطارق من شهر 5 قالى هتخدها اوفر بريس 1 جنيه ممكن تروح القصراوى اللى فى المهندسين ده موزع معتمد

**lord0000** · 21-06-2009 05:42 PM

انا كنت حاجز من الوكيل من أول ابريل و كت شوية يغيروا المعاد فرحت سحبت فلوسي

**lord0000** · 21-06-2009 05:42 PM

قصدي و كل شوية

**de3bis** · 21-06-2009 05:50 PM

أعتقد إن احنا المفروض نتجمع مع بعض كل مجموعة من المكان اللى حاجزين منه و نكلم مع اماكن الحجز كمجاميع و ده ح يخليهم يحترموا نفيهم شوية و يمشوا الدور بالحق

وممكن كمان لو منفعش نروح نعمل شكوى جماعية فى جهاز حماية المستهلك لرفع الأسعار بصورة غير رسمية لأننا حاجزين بسعر رسمى معلن و المفروض يسلمونا فى معادنا بنفس السعر اللى حجزنا عليه بدون مساومات

كذلك اعتقد ان الأماكن زى التوكيل و الطارق يهمهم سمعتهم و لما يلاقوا ناس كتير اتجمعوا و بيشتكوا ح يحسوا ان الكلام ده ممكن يسوء سمعتهم