العربية بتنهب بنزين

**samirayad** · 22-06-2009 11:34 PM

علشان العربية فيها علبة شكمان اللى بيقولوا عليه تربو انا اصلا عايز اعرف هو بيعمل ايه غير انه يعلي صوت العربية

سورى على تعليقى السابق بخصوص علبة الشكمان التربو ......وأنا علقت على التربو تشارجر اللى بيكون على مدخل المكنه بهدف تزويد قدرة المكنه والعمليه لفت معايا فعلا.................أما علبة الشكمان التربو .....فدى بيعملوها الشباب علشان يعملوا المفرقعات ......وتقريبا بتبقى علبه فاضيه مش زى العلب الكاتمه للصوت التقليديه معانا .............وده اللى أنا متخيله بالنسبه للعلب التربو .................وعزرا مره ثانيه

**samirayad** · 23-06-2009 02:50 PM

برضه كناحية أطمئنان ......أفصل الخرطوم رقم 10 ده اللى فى الصوره من عند مدخل بلف منظم ضغط البنزين ......وشوفه كده فيه بنزين ولا لا ......طبعا عملية الفصل حتكون بعد ماتشغل العربيه شويه وأنت واقف ...............قول بعد 5 دقايق مثلا

**faron525** · 23-06-2009 03:38 PM

بشمهندس / سمير انت انسان عبقري ربنا يخليك لينا

**samirayad** · 23-06-2009 06:11 PM

المشاركة الأصلية كتبت بواسطة faron525

بشمهندس / سمير انت انسان عبقري ربنا يخليك لينا

ياباشا ربنا يكرمك ويخلينا دايما أخوات وأحباء على طول .......لأن ده هو اللى دايم ........( السيره الحلوه ...............مش أكتر )

**abouzaid555** · 25-06-2009 09:12 AM

معلش يا استاذ سمير لو الخرطوم ده فيه بنزين يبقى العيب من ايه

**samirayad** · 25-06-2009 09:24 AM

الخرطوم ده بيشغل بلف منظم ضغط البنزين رقم 8 فى الصوره والبلف بيكون راكب على آخر مسطرة الرشاشات........بأشارة هواء تخلخل جايبها للبلف من مجمع الهواء (اللى فوق المانيفول )على أساس لما بيعمل تخلخل خلف الرداخ بيرفع أبرة البلف ويرجع البنزين الزياده لتنك البنزين من خلال الخرطوم بتاع الراجع الى ماسورة راجع البنزين ثم التنك......لما بيبوظ البلف الرداخ بينقطع مثلا و البنزين بتاع راجع المسطره بيعدى من الرداخ بتاع البلف للخرطوم .....وبكده معظم البنزين الزياده عن حاجة الدوره مابيرجعش لتنك البنزين مع خط راجع البنزين .....وبيدخل يتحرق فى الغرف ....وفيه اللى بيفضل نىء ويخرج من الشكمان فى صورة بنزين نىء وعامل ريحة بنزين ......وبكده المكنه بتأكل بنزين كتير ( وتصميم البلف بتاع منظم ضغط البنزين رقم 8 فى الصوره ) بيشابه اللى حد كبير تصميم رداخ البنزين بتاع المحركات الكربوراتير بتاعت زمان ( زى ال128 وال131 وهكذا )............تمام كده