الى كل خبراء المنتدى ممكن المساعدة
السلام عليكم....الموضوع باختصار انى كنت ناوى اشترى سيارة جديدة فى حدود 70 الى 80 الف بس لقيت بعض المشاكل الكبيرة اللى مكنتش واخد بالى منها
اولا: انى خبرتى كلها بالسواقة يادوبك تعليم فى مركز سواقة اى كلام وكام مرة كدة خدت عربيت واحد صاحبى وسوقتها معاه بليل والشوارع فاضية
ثانيا: انا اكبر اخواتى وليا اخين ولدين 20 سنة و17 سنة وطبعا دول ميح فى السواقة وعايزين طبعا ينولهم من الحب جانب
ثالثا:انا لسة فى بداية حياتى المهنية وعايز اوفر شوية فلوس من 80 الف واعمل مشروع غير ان شغلى فى مكان مش عارف اوصفهولك ازاى ممكن تنزل من الشغل بليل تلاقى عربيتك مبهدلة ومخبوطة
المهم فكرت ولقيت ان انسب حاجة انى اجيب عربية مستعملة فى حدود 40 الف تقريبا واوفر الباقى للشغل وكمان حتى علشان لما تتخبط تتخدش ما ازعلش عليها وكمان اخواتى يخبوطوا فيها ويتعلموا فيها براحتهم على الاقل يتعلموا السواقة صح
المهم قلبت سوق المستعمل ولقيت ان ال 40 دول ممكن يجيبوا لانسر او كورولا او حتى صنى موديل التسعينات بس طبعا هيكون طالع عنها وعملة بتاع 200 الف كيلو اقل واجب
واحد صديق نصحنى بالشاهين قاللى هيجبولك شاهين من 2003 ل 2005 وهتكزن حالة كويسة وتظبطها كدة بالفين تلاتة وحتى كمان هتعيش معاك وممكن تخليها عجبتنى الفكرة وانا عموما بحب الشاهين واهى على الاقل تستحمل البهدلة ...........بس المشكلة انى محتار وخايف استعجل ومش عارف اعمل اة ....
ياريت كلة يقولى رأية خاصتا المهندس سبعاوى لانة كان معاة شاهين .....ولو كدة اة احسن موديل سنة ممكن اشترية واة عيوبها وومميزاتها واستهلاك البنزين والكلام دة .....ساعدونى ارجوكم .....وشكرا