الموضوع: إجراءات تسجيل السيارة ؟؟؟؟

يروح بالتوكيل والرخصه وشهاده البيانات من المرور ويطلع على الشهر العقاري
ويطلب تسجيل بيعها لنفسه ويدفع مصاريف التسجيل وبكده يبقى انتقلت ليه اسما
يطلع بشهاده المخالفات وعقد التسجيل على المرور وينقلها "الرخصه " باسمه اذا كان عنوانه على نفس مرور السياره اللى اشتراها
اما اذا كان مرور مختلف
لازم يفحص في اي مرور "فحص خفيف" ويطابق الفحص في مرور السياره القديم وياخد الشهاده ويطلع على المرور بتاعه
ينقل الملكيه بالورق اللي معاه ده كله بعد ما يسلم النمر وياخد النمر الجديده...
ده انا دخت في الموال ده بس الحمد لله اول ما طلعتلي الرخصه باسمي ارتحت جدا
فيه ناس بتمشي بالتوكيل "اذا كان شامل الاداره" حتى موعد نهايه الرخصه وفي هذه الحاله لازم ياخد شهاده مخالفات من المرور التابع له السياره بالتوكيل ويعيد كل الخطوات السابقه مع التسجيل بالشهر العقاري والله اعلم.

للاسف لا اعرف التكاليف بس لو السياره بعد سنه الفين تبقى في حدود الالف والله اعلم.

شكرا يا دكتور
بس ليا أستفسار ممكن أجدد من غير ما أنقل ملكية وللعلم أنا ماشى بكذا توكيل مش واحد بس

والله اعلم الافضل والاسلم والاريح سجل في الشهر العقاري بيع لنفسك واشتري دماغك من كله.انا خليت اللي باعلي يسجلي مباشره في الشهر العقاري وهو عمل حركه " انه سجلي بدون حضوري يعني ما اثبتش توقيعي والموظف سجل وكتب لم يوقع وده خلاني في المضمون وخلاني ممكن اقضي اكتر من شهر لغايه ما انقل ملكيه في المرور
ومع ذلك نقلت ملكيه مرور بعدها بأسبوع.
في رأيي اولا واخيرا لا غنى عن موضوع تسجيل السياره بالشهر العقاري اما نقل ملكيتها في المرور ده ممكن يتساب لحد نهايه الترخيص بشرط حركه لم يوقع دي.اما لو حتسجل لنفسك فيبقى قدامك شهر وتنقل ملكيه على الاكثر والا سيتم اعاده اجراءات التسجيل من جديد والله اعلم.
لو معاك شهاده المخالفات دي تفضل ساريه لشهر من تاريخ اصدارها خلص نفسك بدري بدري بدل ما العمليه تبقى متعبه ليك.

على فكره يا جماعة حكاية تجدد الرخصة بالتوكيل دي ممكن متنفعش حسب نص التوكيل إللي معاك ، يعني لازم يكون مكتوب في التوكيل إنه يحق لك تجديد الرخصة بأسم صاحبها .... حصلت مع واحد صاحبي