فوانيس شبورة نيو اكسنت

**freeman207** · 21-06-2009 09:36 PM

[justify]
اولا السلام عليكم ثانيا المنتدى ده جامد جدا جدا

انا محتاج مساعدتكم ضرورى الوقتى انا معايا نيو اكسنت 2008 كاملة مانيوال نازلة من غير فوانيس الشبورة عايز اعرف الفونيس دى سعرها كام ومنين بس فى مشكلة ان المكان اللى بتركب فيه مقفول فياريت حد يساعدنى ويفهمنى ولكم منى اقصى احترام تقدير
[/justify]

**osos_lion** · 22-06-2009 03:18 AM

انا اقلك
في فوانيس اصلي وفي مضروب
اولا الاصلي:
ودي بيجي معاها زرار الي هوا بيركب في التبلوه تحت العداد تمام
وبيجي معاها الفبره السوده الي موجوده تحت في الاكصدام بس فيها الفتحات تمام
وتمنها عن غبور حاجه فحدود 1000
وده غالي طبعا
في بقا التقليد
دي 100 حاجه كده
بس بتيجي منغير زرار + انك بتقطع فلفبره عشان تركبهم

في حل تالت
ان اي حد من اخونا الي في المنتدي يجبهوملنا من السوعوديه لو حد عايش هناك يعني
حتي لو جبلنا الفوانيس والزرار ومش مهم الفيبره اهو نقطع فلفبره الي عندنا عند واحد نضييف فلو في حد يتطوع ونزبط كميه وطبعا برضه لازم يكسب فيهم
وهو اولي برضو
بس كده
والسلام عليكم

**nour3alanour** · 22-06-2009 11:01 AM

فيه كمان في اللينك ده
http://www.nilemotors.net/Nile/showt...E1%D4%E3%C7%E1
زميلنا bassamhafez قال في المشاركة رقم 7 انه ركب فوانيس الشبورة لعربيته النيو أكسنت عند محلات عشم نوار في شارع دمشق في مصر الجديدة وقال تفاصيل التكاليف
فياريت لو أ. بسام يتفضل مشكورا ويقولنا اذا كان شغلهم وتقفيلهم للحاجة نظيف ولا ايه النظام ولو اني اعتقد ان شغلهم هيبقي كويس
وانا كمان عرفت من زميلنا AHMEDCAR ان محلات عشم نوار معتمدة ومعترف بيها من هيونداي وبالتالي تركيب اي حاجة عندها ميخرجش من الضمان وكمان عرفت من المنتدي هنا ان هما اللي بيركبوا اصلا المرايات والانذار والكاسيت في النيو أكسنت

اتمني اني أكون أفدت

**basemzaki** · 22-06-2009 11:24 AM

يا ريت لو استاذ بسام يحطلنا صور لفوانيس الشبورة اللي ركبها ويقولنا ايه الفرق بين التوكيل وعشم نوار بفارق السعر الكبير دا.
وهل تقفيل شغلهم كويس؟

وله جزيل الشكر

**BassamHafez** · 22-06-2009 01:33 PM

السلام عليكم جميعا

انا فعلا يا جماعة ركبت عند عشم نوار عشان ضمان العربيه و هو تركيبة مش وحش بش يعني مش زي الفبريكة لانه بيقص في الفبرة السوده في الكصدام باستخدام كتر وعلى فكرة هو بيفك الاكصدام كله عشان يعرف يشتغل (قلبي وقع لما عمل كده لان العربية كانت لسه عاملة 1500 كيلو وكنت خايف ما يعرفش يرجعوا تاني بس الحمد لله تمت بسلام المهم تخلي عينك عليه عشان الصنيعي مايكروتش)

المهم انا جبت الفوانيس من شارع دمشق ب 140 جنيه + اللمض ب70 جنيه + المفتاح اللي بيركب في التابلوة ب 60 جنيه + 80 جنيه مصنعية = اجمالي 350 جنيه والفوانيس جميلة وزي الفل بعيدا عن الحرامي الكبير اللي انتو طبعا عارفينة اللي كان عاوز 1200 جنية عشان الفوانيس الاصليه

ارجو اكون افدتكوا

واللي عاوزني اقابلة ونروح سوا نجيب الحاجة انا تحت امرة بس يكون يوم جمعة عشان اكون فاضي

وانا تيليفوني 0120201057

**basemzaki** · 22-06-2009 02:48 PM

شكرا يا أستاذ بسام علي كرمك و تعاونك.

بعيد عن الموضوع دا، انا لما اشتريت العربية مكنش فيه طفاية سجاير في العربية بالرغم من ان في مكان ليها تحت الفيتيس،

السؤال: هل هي بتنزل من غير الطفاية ولا المعرض بيقلبهم من العربيات؟!

هل عربيتك استلمتها بالطفاية ولا من غيرها؟!

وشكرا ليك مرة تانية

**BassamHafez** · 22-06-2009 02:54 PM

المشاركة الأصلية كتبت بواسطة basemzaki

شكرا يا أستاذ بسام علي كرمك و تعاونك.

بعيد عن الموضوع دا، انا لما اشتريت العربية مكنش فيه طفاية سجاير في العربية بالرغم من ان في مكان ليها تحت الفيتيس،

السؤال: هل هي بتنزل من غير الطفاية ولا المعرض بيقلبهم من العربيات؟!

هل عربيتك استلمتها بالطفاية ولا من غيرها؟!

وشكرا ليك مرة تانية

هما كده قلبوها من العربيه لاني انا استلمتها بطفاية السجاير

**BassamHafez** · 22-06-2009 02:55 PM

المشاركة الأصلية كتبت بواسطة nour3alanour

ميرسي أوي يا أ. بسام علي الافادة
جزاك الله كل خير
وعقبال يا رب ما أجيب عربيتي الجديدة انشاء الله بقي قريب أوي علشان أقدر أستفيد من كرمك المغري ده ونركبلها الفوانيس :c_laugh[1]:
(بهزر طبعا)

يا باشا تحت امرك

بس اهم حاجة تجيبها يوم جمعة عشان اكون فاضي :)))))