الموضوع: مكنة الإزاز

المشاركة الأصلية كتبت بواسطة tananybasha

جرب الأفتكاسه الأول و جرب نفعت خير وبركه ما جتش هات ماكنه استيراد

شكرا
أنا أصلا بحب الإفتكاسة بس تكون صح تكون حل للمشكلة مش مدارية

لا للاسف انا جربت لانها حصلت عندى للاسف فشلت جبها استيراد افضل بس شوف لو عرفت خير وبركة ونتعلم منك التريقة مراقب بعتمام

الإفتكاسة إنى أبدل البلاستك بحتة ألامونيا أشكلها زيها و أضربها مسمارين برشام عمى كان عاملها فى إزاز العربية عنده

عاشت الافتكاسات و.......... الصنايعه

مساء الفل إنهارده صحيت من الساعة ال10 صباحة شديت الرحال للجراج و فكيت الباب و بصيت عليه كان مليان تراب و طين نضفته شوية و بعدين قولت سيبه يعزل الحرارة لقيف فى المجرى الثابتة البلاستكة بتاعهتها راكبة بس الدراع سايب إنما الدراع الى بيمسك الإزاز ملقتش غير بلاستكة واحة فى الإتنين المهم خلعت الزجاج و نزلت لف على كل بتوع قطع الغيار ملقيتش حاجة من الساعة 12 لحد الساعة 3 كنت جيبت أخرى من الشمس روحت راجع الجراج و قررت أفتكس قولت لما أبص على الكلاكس الى إتكسر "محدش يسأل إزاى" لقيت 3 كلاكسات راكبين فى العربية روحت مشغلهم كلهم و بقى صوتى عالى و كمان ربطت الإكصدام "المسامير الى تحت " زيت المراوح و دا كله و أنا بحاول أفتكس المهم جاتلى الفكرة إنى أجيب رولمان بلى أو أكبر حجم الراس الى بتمسك البلاستك و هتمشى زى الفل و تبقى زى المسطرة الحرف تى البلاستك راسها بتتخلع بنفس الفكرة لقيت واحد صاحبى معدى فشافنى فقالى ما تشوف بتوع الإستيراد أو كلم واحد صاحبنا تانى كان شغال عن واحد من بتوع الإستيراد يخلعلك البتاعة الى أنت عايزها قولتله فكرة خدت العربية لفيت على كل بتوع الإستيراد فى بوقهم كلمة واحدة خد المكنة كلها و أنا فى بوقى كلمه واحدة لا حرام المكنة سليمة و دا كله و أنا بتصل بصاحبى غير متاح غير متاح كان معايا إبن عمى الصغير لما وصلنا الجراج قالى إستنى أشوفهالك جوا الباب تانى الحتة البلاستك الى واقعة كان فى فلينة كدا مكنتش أنا فكيتها فكها هو و دور على البلاستكة و فعلا لقاها بس فوجئت بكمية إزاز مكسر طبعا المغرب كان إدن فروحت و قفلت بس كنت ركبت البلاستيكات
و فاضل دلوقتى تركيب الإزاز و مسمارين برشام عشام يسبتوا المكنة فى مكانها ولا أخليهم مسمار و صامولة
و معلش مافيش صور لآن إيدى كانت سوداء و مكنتش فايق أصور

إنهارده أنا كنت ماشى بحمد ربنا على نعمة العربية و بحمد ربنا على نعمة التكيف
و عرفت ليه الناس بتبقى بصالى فى العربية لما بيبقى الجو حر