احسن عربية هى اليااااااااااارس
عربية مصر الاولى فى المطبات الصناعية"
عرض للطباعة
احسن عربية هى اليااااااااااارس
عربية مصر الاولى فى المطبات الصناعية"
This aint good :(
السيريون فعلا سيئة جدا فى المطبات
انا قلت نفس الملحوظة قبل كدة
بس 99% من المطبات اللي معمولة صح مش بتحك فيها حتى لو محمل تلاتة ورا
إنما كتير من المطبات اللي بيعملها السكان قدام بيوتهم بتحك فيها
ازيكم ياشباب
انا بصراحة اول مشفت الموضوع من يومين تلاته اتخضيت وقولت لازم اجربها بنفسى وفعلا جربتها امبارح وانا راجع من الشغل وكان معايا فى العربية 4 : واحد جنبى و3 ورا وكنت راجع من العاشر من رمضان ومشيت فى السريع والبطيئ والمطبات لما دخلت القاهرة وكله :)
ملاحظتى انى مشفتش ان العربية بتحك فى مطب ومحصلش معايا انها حكت فى مطب وانا محمل وانا رأيى ان السيريون من العربيات العالية اصلا واستغربت ان الناس بتقول انها واطية وقريبة من الارض ... ده رأيى واللى جربته بنفسى
ملحوظة هامة جدا ::
تفرق لما تاخد المطب براحة ولما تاخده بسرعه
واىىىى عربية مهما كان علوها لو اخدت مطب وانت ماشى بسرعة اكيد هتحك
وانا فعلا والله جربت مطبات رخمه اوى امبارح ومحصلش انى حكيت اصلا الحمد لله
شكراااا واتمنى اكون افادت الناس
العربية من ساعة مجبتها حكت مرة واحدة بس لما خدت المطب بزاوية و مكانش معايا حد
انما لما باخد المطب عدل مهما كان شكل المطب و حتى لو محمل العربية مبتحكش
الحمد لله يا جميل ان عربيتك كدة
بس انت راجع من طريق العاشر يعنى المطبات ناس فاهمة اللى عملاها
انا كنت روحت الاسكندرية ورجعت ولفيت البلد وكنت محمل4 بخلافى وماحكتش فى ولا مطب
كذلك انا ساكن فى 6اكتوبر ومافيش مشكلة
المشكله فى مطبات الشوارع الداخلية فى القاهرة والجيزة وطبعا بحكم سكن العائلة او اى مناسبة وتدخل الشوارع دى وانت هتعرف اللى بنتكلم عليه مهما خدت المطب بالراحة تحس بيها وبجد هيسببلك فى لحظتها الم شديد.........وربنا يبعد عنك السوء ان شاء الله:lurk5:
امبارح كنت جاى من القطامية عشان كنت رايح عين شمس وكان راكب معايا فردين وراء وواحد قدام المهم دخلت من حته كدة(عشان مش حافظ المنطقة دى كويس)هي تقريبا كدة وانت رايح علي العاشر حته كدة استغفر الله العظيم ما نصحش حد يعدى منها ووللاسف انها تكون فى منطقة جديدة كلها مكسرة وحفر بعرض الشارع.......حاجة زفت
وفى اخر حفرة طبعا كان فيها مياه وبعرض الشارع كله يعنى هتنزل فيها هتنزل
وحاولت اعدى باقصى راحة نزل الكاوتش الامامى بسلامة الله وطلع نيجى بقي للكاوتش اللى ورا
تخيلو ينزل لحد ال الفبرة بتاحة الاكصدام حكت وطبعا الكلبس فك من الاكصدام واضطريت ارجعه بايدى كدة مؤقتا لحد ما شوفلى حل لما اروح التوكيل
بجد حاجة نرفزتنى طول النهار ولحد د الوقتى
وعلي فكرة العربية زى الفل بس دى الحاجة اللي مديقانى منها لما ابقى مركب حد واجى عند كل مطب يبقو عايزين ينزلو عشان ماحكش(احراج ما بعده احراج) واقعد اقولهم مش مشكلة ده الاستبليزر اللي ماسك العجل مش بياثر علي حاجة
بس بجد الخبطة بتبقى جامدة
اعمل ايه يا شباب دلونى هل ممكن يتم تعليتها شويه من الخلف فى التوكيل؟حد جرب كده
انا عارف ده لو تم هيبقى علي حساب الثبات بس مش مشكلة احنا فى بلدنا مابنجريش قد ما بنمشى بسرعات بطيئة؟