الموضوع: حلقة القاهرة اليوم عن ماتش ( امريكا ومصر )

قال تعالى
بــسم الله الرحمن الرحيم :{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6

يا جماعة هوا عمرو أديب قال إيه غير الكلام اللى اتنشر فى جنوب أفريقيا ومحدش من بعثتنا المحترمة رد عليه ولو بالنفى ، وبعدين فى الأول والآخر هيا دى وظيفة الإعلام ... نشر الأخبار ... محاورة جميع الأطراف ... عرض الرأى والرأى الآخر.
انما نتهمه انه سوأ سمعة المنتخب ومصر والكلام الكبير ده ، هوا دا بقى الكلام الغلط.
يعنى نعمل زى النعامة ونحط دماغنا فى الأرض ونعمل مش شايفين ولا سامعين ولا نفتح الموضوع ونناقشة ونعرف مين السبب فى الفضيحة دى ونحاسبه
يعنى لو صحف جنوب أفريقيا غلطانة يبقى تاخد على دماغها ونوصلها لأعلى المستويات.
ولو منتخبنا هوا اللى غلطان يبقى ياخد على دماغه ويتحاسب ويخرب بيت الكورة اللى تبوظ أخلاقنا كده.
والأحسن نقضيها دومنة وطاولة وسيجا واهو دول ممكن نحقق فيهم مراكز كويسه بدون مفاجات

والله انا مع اديب فى كل اللى قاله

اولا هو نقل خبر من شرطه يعنى من جهه رسميه

ثانيا هو محددش اسامى ناس بعينها

ثالثا وده الاهم نكد على اللعيبه الله ينكد عليهم كلهم واحد واحد

وكمان يتصلوا ويقولك ايه يعنى متش خسارنه بجد كانوا فى قمه الاستهار

يعنى هما مدفعوش عن نفسهم هناك فى المؤتمر ويقولك علشان افريقيا هى اللى منظمه البطوله واى كلام يعنى هما خافوا على جنوب افريقيا واول ما جنوب افريقيا عملت كبش فداء كان مصر

كانت كل حاجه فى صلحنا حتى ايطاليا اتغلبت 3 والاخر انت خسرت وياريت خسرت فرق 2 والله كنا فرحنا برضوا وصعدنا لا خسرت فرق تلاته

عمرو أديب ده مستفز بشكل ... ربنا يحرق دمه زي ما حرق دمى

إنسان مهزأ ولا يعرف عن الأخلاق أو أدب الحوار شيء

عامل نفسه بتاع الشعب وهو الحكومة الي بتحميه ... يعنى لو مكنش أخوه عماد أديب كنا شفنا قرعته دي أساسا ً

حرام الإستفزاز والأسلوب المقزز بتاع المذيع وكلامة غير المحترم
يا سادة يا كرام كل الكلام اللي قاله مبني علي تقرير في جريدة من جنوب أفريقيا اسمها sunday world
لو قريتو التقرير ... كله كلام فارغ وناس بتبعد الشبهه عن بلدها ...
لا جابو صور ... ولا ذكروا أسماء
وكمان في التقرير مكتوب أن الأمر مازال تحت سير التحقيقات ... يعني التقرير مش هو نتيجة التحقيقات ..
وبعدين نفسي كل واحد يفكر بينه وبين نفسة ويختار 5 لاعبين ممكن يكونا عملوا كدة .... مش ممكن
وبعدين مين اللي بيتكلم .. عمرو أديب و عزت أبو عوف وهاني شاكر !!!!!!!!!1 عجبي