صنايعي جابلي المراره

**rasha96** · 22-06-2009 04:25 AM

السلام عليكم اولا احب اعرفكم بنفسي انا رشا دكتوره بيطريه اولا انا ازعجتكم معايه وانا اسفه للازعاج المشكله عندي طبعا كانت في ترصيص الكاوتش والرجه عند السرعات معينه وتختفي على بعد 140 كم من حوالي يومين ابن خالتي راح خد من العربيه وقالي في واحد صنايعي بتاع عفشه فاتح جديد تعالي اربطلك العربيه عنده علشان كنت بحس بخبط خفيف في العربيه الصنايعي رفع العربيه بالاربعه علقها زي الدبيحه (خروف العيد) نزل تحت العربيه وطلع قالي البيض بتاع المقص خفيف شويه ولاسكتره فيها بوش خفيف قلتله امممم طيب العمل قالي ولاتخافي بسيطه حل المقصات الاماميه ودق على البيضات بالشاكوش وتقل حركتها خد مني 100 جنيه تكلفه حل وتركيب المقصين بعد يومين لقيت البيضه اليمين بتاعه المقص بتجيب شحم مغرقه المقص وديه اكتشفها الراجل الي بيغير الزيت انا دلوقتي خايفه ومش عارفه اعمل ايه وهل لو مشيت بيها كده خطر ولو قلت اغيرها بكام حد يدلني ربنا مايرميكو في ايد صنايعي زي ده وشكرا

**rasha96** · 22-06-2009 04:26 AM

العربيه بتاعتي نيسان صني 2008 شهر 5ex

**أبو إياد** · 22-06-2009 08:00 AM

حضرتك لو قريبه من فيصل عندى فى المركز هايعلجولك الموقف زى ما تحبى
عندك حلين اذا فعلا كان العيب عيب بيض المقص
1 انك تشترى مقص جديد وده افضل
او ان البيض والبارات يعاد كبسهم عند خراط مش على الشاكوش زى العفشجى ما عمل
وبعدين حضرتك بتقولى العربيه 2008 وفيها بيض يبقا اكيد حضرتك بتمشى فى مطبات كتير باستمرار او ان العربيه عدد الكيلو مترات بتاعها مش هايقل عن 60000كم

**ahmed_su** · 22-06-2009 12:59 PM

مش عاوز ازعلك بس عربية 2008 ...يعنى لسه فى الضمان
يجيلك قلب توديها لعفشجى ويتعامل معها كأنها 128

حاجة غريبة شوية - بس من شرحك اعتقد انه كان بيعمل شغل

بفك المقص والدق على بيض المقص (الدق ده عجل بنهاية عمر بيض المقص)

انا معرفش شكل البيض فى مقص النيسان لان فيه انواع قابلة للتغير

وانواع اخرى بيتغير المقص بالكامل (معلش ماحدش بيتعلم ببلاش)

**DELL** · 23-06-2009 05:10 AM

طبعا العفشجي دة مش فاهم اي حاجة موضوع الشاكوش دة فاشل واوعي تسافري بالعربية لان بيضة المقص لو ملصت وانت علي الطريق مش هتعرفي تتحكمي في العربية وتروحي لمركز صيانة معتمد او التوكيل لو في الضمان وتخليهم يشوفوا الشحم جاي منين لان شحم البيض مش ممكن يكون بالكمية دي كلها وفي نصيحة مهمة العفشة تتجاب كلها جديدة متتجبش استعمال لانها مستهلكة فمتتكبس ولا تتجاب استعمال وممكن تكتبي مكانك والاعضاء يقوللك علي مركز عفشة كويس