لانوس بفتحة سقف كهرباء

**want_better** · 22-06-2009 11:12 AM

السلام عليكم ورحمة الله وبركاته

انا لسة جايب لانوس 99 من حوالي شهر بفتحة سقف كهرباء وكراسي طيارة
وكنت معتقد ان فتحة السقف معمولة والبعض كان بيسألني هي دي خليجي وكنت بقول لا على اعتقاد ان فتحة السقف معمولة لحد امس شوفت لانوس1 معدية وفيها فتحة سقف شبه اللى معايا فهل فعلا في لانوس بفتحة سقف ممكن تكون مواصفات خاصة أو من اللي بتنزل معاقين خاصة واني سمعت أن السيدة المالكة الأولى للسيارة اللي معايا كانت تشكو من رجلها
أرجو الأفادة وجزاكم الله خيرا

**wildwest100** · 22-06-2009 11:51 AM

فيه لانوس بفتحة سقف كهرباء دى العربيات اللى بتكون جاية معاقين وغالبا بتكون كمان المكنة 1600 بتاعت النوبيرا ودى انا شفتها

**samirayad** · 22-06-2009 12:02 PM

المشاركة الأصلية كتبت بواسطة wildwest100

فيه لانوس بفتحة سقف كهرباء دى العربيات اللى بتكون جاية معاقين وغالبا بتكون كمان المكنة 1600 بتاعت النوبيرا

....وأدى صورة فتحة السقف والموتور بتاع فتحة السقف ...........

**want_better** · 22-06-2009 12:23 PM

المشاركة الأصلية كتبت بواسطة wildwest100

فيه لانوس بفتحة سقف كهرباء دى العربيات اللى بتكون جاية معاقين وغالبا بتكون كمان المكنة 1600 بتاعت النوبيرا ودى انا شفتها

شكرا جدا للافادة
يعني حضرتك شوفتها فعلا
طب موضوع المكنة ده اتاكد منه ازاي
المثبوت في الرخصة 1500
شكرا جدا

**samirayad** · 22-06-2009 01:11 PM

على فكره فيه مكن 1500 سى سى برضه وراكب فى بعض أنواع الانوس ...........بزوج من الكامات العلويه ( شبه مكنة النوبيرا ال 1600 سى سى )

**want_better** · 22-06-2009 01:32 PM

المشاركة الأصلية كتبت بواسطة samirayad

....وأدى صورة فتحة السقف والموتور بتاع فتحة السقف ...........

شكرا جدا على الصورة دي
استاذنك هو الخط الاحمر ده خرطوم صرف للمياه
اصل ناس بتخوفني من كتر الغسيل
بس الصراحة كان على اعتقاد ان الفتحة معمولة يدوي لكن اللى قالوا قالوا ان العربية اللى بتنزل مصممة بفتحة سقف بيكون فيها خراطيم صرف
شكرا جدا

**samirayad** · 22-06-2009 01:51 PM

استاذنك هو الخط الاحمر ده خرطوم صرف للمياه

لا دا كابل الكهرباء اللى رايح لتشغيل موتور فتحة السقف

اصل ناس بتخوفني من كتر الغسيل

ماهو ده فعلا عيب العربيات المزوده بفتحة سقف .....الميه ممكن تركن فى حرف وتعمل بارومه للأسف ...........وعلشان كده يفضل دايما التجفيف الجيد بعد الغسيل ( ولو حتطلع على كرسى وتجفف بفوطه كل الأماكن المزنوقه بقدر الأمكان ) والباقى على الله طبعا .....لأنك كده أخدت بالأسباب

بس الصراحة كان على اعتقاد ان الفتحة معمولة يدوي لكن اللى قالوا قالوا ان العربية اللى بتنزل مصممة بفتحة سقف بيكون فيها خراطيم صرف
شكرا جدا

تصنيع فتحه بميكانيزم فتح وقفل بطريقه يدويه بيبان من شكل التشطيب والبويه والجوانات وخلافه .......وموضوع أن العربيه بتنزل بخرطوم لتصريف الميه .....وارد جدا برضه وده بيكون حسب الشركه المصنعه للسياره ..........علشان على الأقل مية المطر فى البلاد البارده ماتتحوش كل شويه برضه ..............وأنا بأكلمك فقط من خلال الأطلاع النظرى وليس العملى بالنسبه لجزئية فتحة السقف ........

**want_better** · 22-06-2009 03:01 PM

المشاركة الأصلية كتبت بواسطة samirayad

على فكره فيه مكن 1500 سى سى برضه وراكب فى بعض أنواع الانوس ...........بزوج من الكامات العلويه ( شبه مكنة النوبيرا ال 1600 سى سى )

طب على فكرة أنا برده صاحب موضوع العربية بتنهب بنزين (130 كيلو في الصفيحة)
هل موضوع الكامات ده هو السبب ولو كان يبقى للدرجة دي وما الحل ؟

**want_better** · 22-06-2009 03:06 PM

المشاركة الأصلية كتبت بواسطة samirayad

لا دا كابل الكهرباء اللى رايح لتشغيل موتور فتحة السقف ماهو ده فعلا عيب العربيات المزوده بفتحة سقف .....الميه ممكن تركن فى حرف وتعمل بارومه للأسف ...........وعلشان كده يفضل دايما التجفيف الجيد بعد الغسيل ( ولو حتطلع على كرسى وتجفف بفوطه كل الأماكن المزنوقه بقدر الأمكان ) والباقى على الله طبعا .....لأنك كده أخدت بالأسباب تصنيع فتحه بميكانيزم فتح وقفل بطريقه يدويه بيبان من شكل التشطيب والبويه والجوانات وخلافه .......وموضوع أن العربيه بتنزل بخرطوم لتصريف الميه .....وارد جدا برضه وده بيكون حسب الشركه المصنعه للسياره ..........علشان على الأقل مية المطر فى البلاد البارده ماتتحوش كل شويه برضه ..............وأنا بأكلمك فقط من خلال الأطلاع النظرى وليس العملى بالنسبه لجزئية فتحة السقف ........

انا شاكر جدا لحضرتك هذا الاهتمام
ومن باب التذكير لنفسي ان كله على الله وليس الباقي فقط :)
مرة اخرى لكم جزيل الشكر

**samirayad** · 22-06-2009 03:10 PM

ومن باب التذكير لنفسي ان كله على الله وليس الباقي فقط :)

أفحمتنى بهذا الرد طبعا .....لأن كله على الله طبعا بدون أدنى شك ..............ولكن مرادى هو (أعقلها وتوكل )

الموضوع: لانوس بفتحة سقف كهرباء

LinkBack

أدوات الموضوع

عرض

-

المواضيع المتشابهه

تعديل لانوس 1 من زجاج عادة الى كهرباء

زجاج كهرباء (لانوس 2) .. ارجو المساعده

كهرباء لانوس 2002

كهرباء لانوس 2002

لانوس اتوماتيك فصلت كهرباء

الكلمات الدلالية لهذا الموضوع

المفضلات

المفضلات

ضوابط المشاركة