بخصوص تبديل الإطارات

**waleed_home** · 22-06-2009 11:15 AM

يا جماعة انا كان عندى رجرجة جامدة بتظهر بعد 110 كم وبما انى ما كنتش بدلت اماكن الإطارات قبل كدة فقلت ارصص وابدل اماكن الإطارات الأمامية و الخلفيه بالمرة .

المهم بعد ما عملت العمليه دى لقيت وضع طارة الدركسيون اتغير يعنى علشان امشى طوالى فى خط مستقيم اصبح الدركسيون حاود شوية اتجاه اليمين وليس فى المنتصف بالضبط ؟

فهل حد عنده فكرة ايه ممكن يكون السبب ؟

**MMamdouh** · 22-06-2009 11:20 AM

الكاوتش وحش و عايز يتغير

العجل اللى راكب دلوقتى ورا فيه عالى وواطى و العجل اللى موجود فى الامام دلوقتى فيه جنب متاكل عن جنب

MMamdouh

**MMamdouh** · 22-06-2009 11:57 AM

20 الف يعنى نص عمر الكاوتش... و طالما الفرد اللى ورا مش زى الفرد الامامية يبقى اكيد فيه جوز اقدم من جوز

اللى يجيبلك المفيد فى القصة دى واحد بتاع زوايا و اتزان

MMamdouh

**swimmer25** · 22-06-2009 02:18 PM

انا كان عندي نفس الرجرجة دي علي نفس السرعة بس مكنتش رصصت عجلة كنت فكيتها
فروحت رصصتها عند fit&fix عباس العقاد وجربت لاقيت الدنيا تمام

بس من 3 ايام كده نفس الرجرجة دي رجعت بعد نفس السرعة وبتختفي عند السرعات الاعلي يعني بعد 130 او 135
الكاوتش عندي عامل 7000 كم وكلو نفس النوع جود يير
ارصص تاني ولا ايه ولا فيه حاجة في الجنط

ويارب صاحب المشكلة تتحل معاه لان الموضوع ده مستفز وخصوصا علي طريق سفر وماشي 120 والدركسيون طول الطريق بيرج تحت ايدك
انا كنت بحس ان ايدي يتنمل

**samirayad** · 22-06-2009 02:25 PM

بس هو فيه ملحوظة ان الأربع فرد مش من نفس النوع (كل فردة من نوع شكل)

كل فرده من نوع شكل .....يعنى تلت أو أربع أنواع مثلا .............يبقى المفروض تغير الكاوتش للحصول على آداء وأتزان جيد مع السرعات

**samirayad** · 22-06-2009 02:28 PM

بس من 3 ايام كده نفس الرجرجة دي رجعت بعد نفس السرعة وبتختفي عند السرعات الاعلي يعني بعد 130 او 135
الكاوتش عندي عامل 7000 كم وكلو نفس النوع جود يير

أعتقد المفروض تعيد النرصيص تانى .......لأن ممكن تكون رصاصه من بتوع ضبط الأتزان وقعت ولا حاجه مع قوة الطرد المركزى وأنت سايق على سرعه برضه...............طالما بعد آخر مره كان كله تمام ............ومفيش جنط أحتك معاك ببلاعه أو رصيف مثلا ( لأن الحاجات دى اللى ممكن تأثر على الجنوط ) هى والمطبات العميقه المفاجئه ( أى المطبات الهوائيه العميقه ).............طبعا مع الأطمئنان التام لضغط الهواء المتعادل فى جميع الفرد