انا بصراحه قدر صدمتي في أداء منتخب مصر أمام المنتخب الأمريكي. بقدر ما صدمت من موقف هذا الإعلامي : عمرو أديب.
ليه.
انا واحد من الناس حسيت أن روحي بترجع لي وانا شايف إسم مصر والعرب فوق...
وكنت أتمني ان نفوز في مباراة أمريكا بالذات حتي ولو خسرنا في مبارتي إيطاليا والبرازيل.
كان نفسي نهزم أمريكا... ونقهرهم ولو حتي في مباراة كرة قدم.
ولكنها مشيئة الله.
أداء زفت في المباراة. ومن وجهة نظري الشخصي ان مباراة مصر وأمريكا كانت مباراة مدير فني أخفق وليست مبارات لاعبين... وكانت أسوأ مباراة شاهدتها للمنتخب المصري.
تشكيل غلط. غلط غلط.
ومانقدرش نلوم لاعب. لأنه في حاجه اسمها مدير فني. اللاعب اللي بيهرجل طلعه. اللاعب المكسح ليه تنزله أصلآ (ماكنش في تدريبات قبل المباراة ؟؟ ). وبعدين ماتلعب الماتش. انت خلاص اعتماديتك علي فوز البرازيل ومش مهم نتغلب بس نصعد علشان نحافظ علي للاعيبتنا.
اتغلبنا وطلعنا من البطولة... وكلنا حزن وألم بعد نشوة أداء امام البرازيل ونشوة فوز امام ايطاليا. وأمل في تحقيق بطولة بعد مجرد رغبة في أداء مشرف.
كل ده حلو.
لكن لما توصل لأعراض ناس .
لأ وألف لأ.
تحية إحترام للإعلامي البارز. احمد شوبير.
وعيب يا استاذ عمرو يا (أديب). عيب. عيب. عيب.
يا أخي إتأكد من المعلومة الأول.
راعي ربنا في كلامك وفي أعراض الناس.
مش كلام يتقال ده.
((( طالعين من بلد مافيهاش ستات - محرومين - حبكت اليوم ده - مش قادرين تمسكوا نفسكم )))
ياراجل عيب.
انصر أخالك ظالمآ او مظلومآ.
.
.
.
.
.
.
.
.
بصراحة انت نزلت من نظري أوي أوي أوي.
تابعت كلام شوبير عنك امبارح. قمة الاحترام. وماسمحش لحد انه يقول عنك كلمة. رغم الاستفزاز اللي حصل منك.
وبرغم انك قبل كده اتريقت عليه. (هي الفراولة بتبقع ) فراولة ايه يا أخ. يا أخي إتقي الله.
وبعدين مش ده حسن شحاته اللي انت طلعت بيه السما وماكنت قابل له ب 120 الف وبتقول قليلين. ياراجل عيب.
.
.
.
.
ولا معاهم معاهم عليهم عليهم.
.
.
.
.
ولا انت من العينة دي.
.
.
.
.
.
.
.
.
ولا انت غاوي شماته.
مستني لينا وقعه.
.
.
.
يا أخي حرام عليك بقي.
انت مصري انت مصري. ولا انت حاجه تانيه (مش عارف)
.
راعي ربنا في كلامك وفي أعراض الناس .
عيب
فنيآ المنتخب كان زي الزفت في مباراة أمريكا . ولكن هذا لا يمنع اي حافضل أقول تحيا مصر وادافع عنها ليوم الدين.
مش أشنع وأجعل الباطل حق والحق باطل دون معلومة مؤكدة... حرام.
