الموضوع: نداء الى العتاوله في الجين 2

المشاركة الأصلية كتبت بواسطة saryrabie

ازيكوا يا عتاولة بروتون
انا الحمد لله اشتريت جميلة الجميلات الجين 2 واستلمتها امبارح وصاحبة العربيه عملتلي توكيل بالبيع
بس كنت عاوز مشورتكوا ف كذا حاجه لأني اول مره اشتري عربيه واسوق يعني معنديش فكره عن العربيات
1- السنتر عندي لما بيقفل او بيفتح مش بيطلع اي صوت غير صوت تكة المسوجر هل دا طبيعي ولا بيبقى فيه صوت موسيقى بسيط كده ؟
2- الميه بتاعت العربيه بذودها بميه عاديه ولا بتتزود بميه مخصوص ليها ؟
3- كنت عاوز اغسل العربيه من بره ومن جوه كويس علشان احس ان العربيه جديده فهل حد يعرف مكان كويس في القاهره اغسل فيه العربيه ؟
مع خالص تحياتي ليكوا يا شباب وخصوصا ان من اكتر الناس اللي اقنعوني بالجين تو منتدى نايل موتورز وبصراحه انا مكنتش متخيلها بالجمال ده
الف شكر وجزاكم الله كل خير

الأول ألف مبروك على العربية وإن شاء الله فاتحة خير عليك

ثانياُ : الإجابات :
1. لا يظهر أي صوت وانت بتقفل السنتر سوي اللى ذكرته وبالعكس لو ظهر صفاره صغيره يبقا يا الكبوت مفتوح يا الشنطه يا باب مش مقفول عدل

2. بص انا العربية بقالى بيها 3 سنوات وشهر عمرى ما فتحت مية الريدياتير لأنها مش بتنقص وعلى العموم يفضل لو زوت ميه تكون خاصه بالريدياتير وديه متوفره فى محطات البنزين

3. انا من اسكندريه مش هفيدك فى النقطه ديه بس اكيد القاهروية هيردوا عليك واي بنزينا محترمه عندنا الموضوع ده العناية الفائقه بالصالون طبعا هتكون غليه شويه بس فرحة العربية الجديده بقا وفى أماكن متخصصه لعمل الحجات ديه


تحياتى وخالص مودتى

محمد باشا
انا شاكر جدا على ردك يا زعيم وجزاك الله كل خير
وعلى فكره انا من عشاق اسكندريه واهل اسكندريه
مع خالص تحياتي

انا من عين شمس يا شباب

يا ريت يا ابو مريم اكون شاكر جداً