الموضوع: مشكلة حصلتلي والحمدلله اتحلت

من حوالي سنتين كنت كتبت في المنتدى على مشكلة حصلتلي في عربيتي اللانوس وكانت كالاتي :

وأنا ماشي وكانت العربية كويسة جدا وسحبها وادائها ممتاز وفجأة عند نهاية المحور العربية راحت مبطلة والحمدلله قدرت اركنها وهي ماشية على جنب الطريق

وبعد كدا ادور العربية مفيش طيب قلت بطارية مثلا قلت استحالة لأني كنت مغير البطارية بفارتا الجافا والحمدلله المارش كويس المهم فضلت محتاس لغاية ما كلمت ميكانيكي موجود في شغلي المهم جالي بعربية وكان معاه كهربائي المهم فتحوا علبة الفيوزات اللي عندي جوا واللي في العربية والكهريائي فضل يفحص الفيوزات لغاية ما وصل لفيوز ضارب

المهم شالو وحط واحد تاني مكانو المهم العربية دارت ومشيت كويس

المهم الموضوع ده حصل تاني الخميس اللي فات وبردو على المحور وكنت مروح بليل والحمدلله عملتها وانا جنب نادي 6 أكتوبر على المحور

المهم جبت دليل المستخدم قسم الفيوزات لغاية ما وصلت للفيوز وكان عبارة عن فيوزات الاشعال في العلبة الموجودة جوا في الصالون المهم دورت العربية ما دارتش بردو المهم جبت بسطيت في الدليل تاني قلت ممكن يكون في فيوز تاني ملقتش حاجة قلت طيب نشوف علبة الفيوزات في الكبوت المهم بسطيت فيها لقيت فعلا في 2 فيوز كبير كل واحد 30 امبير ولقيت واحد فعلا منهم محروق المهم الحمدلله دورت على فيوز ممكن استغنى عنو وغيرت واحد مكان واحد مؤقتا المهم دورت العربية دارت وقلت الحمدلله

تاني يوم رحت مركز خدمة في اكتوبر عندنا اسمو الالمانية المصرية لصيانة السيارات وحكيت على المشكلة

الراجل قالي انت كان في حد راكب جنبك رديت وقلت ايوة المهم راح شايل الموكيت اللي تحت الراكب الامامي طلع كمية اسلاك وقالي شايف في سلكين اهم مكشوفين من كتر الدوس على المنطقة ده خلى السلك يتكشف هو واللي جنبيه الخاصين بوحدة الكنترول المهم عزل الاسلاك وراجع على كل الاسلاك في المنطقة ده وقالي الحمدلله العربية زي الفل مفيش فيها حاجة غير بس موضوع الاسلاك ده والحمدلله دالوقتي كدا تمام

وعرفت ان ده مشكلة شايعة فب اللانوس وناس كتير بتشتكي من الموضوع ده

وانا جبيت احكي مشكلتي عشان اللي عندو نفس المشكلة ميخفش والموضوع حلو بسيط جدا

وشكرا ليكم جدا على وقتكم