رجاء المساعدة

**shhassan** · 22-06-2009 12:19 PM

العربية بتعتى فيها صوت تخبيط فى العفشة من قدام (حديد فى حديد) فأتصلت بالراجل اللى أنا أشترتها منه قلى إن صامولة الكاليبر محتاجة تتغيير وعشان أغيرها لازم أشترى طنبورة إستيراد ,اخذ منها الصامولة دي بس بصراحة أنا مفهمتش حاجة خالص فياريت أحد الخبراء يدلنى أعمل أيه وهل فى ممكن يكون هناك سبب أخر ذى صامولة علبة الدركسيون اللى المهندس سبعاوى أتكلم عليها ولا إيه.

جزاكم الله خيرا

**aYaBooY** · 22-06-2009 12:40 PM

بيانات العربية الله يكرمك

**shhassan** · 22-06-2009 02:43 PM

الانترا 2006 الشكل القديم

**aYaBooY** · 22-06-2009 03:53 PM

اولا مبروك العربية يا باشا و ربنا يديك خيرها و يكفيك شرها
تخبيط من الامام حديد في حديد انا معرفش ايه العلاقة التخبيط بالطنبورة و معرفش ايه الصامولة الي انت بتتكلم عليها
بس موضوع التخبيط ده عاوز وصف اكتر ليه يعني انت بتسمعة طول ما انت ماشي و ولا في المطباط او الحتت المكسرة
و هل بتسمعة بس ولا بيترجم لاحساس تخبيط في ايديك و تحس ان الدركسيون بيلعب في ايديك
و انت عموما جربت تربط عفشة عند اي عفشجي او ميكانيكي

**shhassan** · 22-06-2009 04:26 PM

الله يبارك فيك يا باشا وربنا يكفينا ويكفيك شرور السيارات
جزاك الله خيرا على الرد
أنا بسمعه بوضوح عند فواصل الكوبرى وفى النقر الجامدة وأحيانا بحس برجة فى الدركسيون
الحقيقة أنا مجربتش أربط العفشة بس قولت قبل ما أربت أسئل الأول علشان مروحش لصنايعى ويلاقى حاجة فيعمل عليه شغل
وتقبل منى وافر الاحترام

**aYaBooY** · 22-06-2009 04:51 PM

بتسمعة بوضوح عند فواصل الكبرى يبقي انت كدة محتاج طقم جلب مقصات و ممكن بيض مقص برده
بتسمعة بايدك في الدركسيون يبقي كدة ممكن تربيط او ممكن يكون بارات الطرف او بيض داخلي او العلبة فيها بوش
انت تروح لحد بتاع عفشة يربط و يبص و بعد ما يبص قولة ماشي لما ربنا يسهل و شوف هاؤل ايه بس ربط الاول
و بعدين نحلل كلامة و نشوف

**shhassan** · 22-06-2009 05:52 PM

جزاك الله خيرا
إن شاء الله هربط وأقول اللى حصل

**aYaBooY** · 23-06-2009 05:13 PM

في انتظار ردك

**shhassan** · 24-06-2009 11:53 AM

إن شاء الله خلال هذا الأسبوع

**shhassan** · 28-06-2009 10:11 AM

أنا رحت ربط وطلع إن صوت الحديد ده هو صوت التيل بيخبط فى الطنبورة بسبب المسمار اللى كنت قلت عليه
أنا ناوى أمشى بيه شوية وبعد كده ربنا يسهل هبقى أشوف إيه حله

على العموم جزاك الله خيرا على المساعدة

الموضوع: رجاء المساعدة

LinkBack

أدوات الموضوع

عرض

-

-

-

-

المواضيع المتشابهه

رجاء المساعدة

رجاء المساعدة

رجاء المساعدة

رجاء المساعدة

رجاء المساعدة

الكلمات الدلالية لهذا الموضوع

المفضلات

المفضلات

ضوابط المشاركة