-
حجز المحلات للشوارع
احنا عندنا فى صقرقريش فى المعادى الجديدة انتشرت الورش رغم قرار محافظ القاهرة باغلق كافة الورش فى صقرقريش الا انة مرمى القرار فى الادارج ولم ينفيذ دلوقتى بقيت ظاهرة حجز المحلات للشوارع تلقى محل ميكانيكى فاتح تيجى تركن فى الشارع يتخنق معاك ولو ركنت يقفل عليك ما تعرف تتطلع ولو محل مش شغال يجبوا فردة كاوتش او احجار وتوضع امام المحل بحجة اكل العيش اللى طلعنا فيها اليومين دوال رغم عندنا فى صقرقريش اساس هذة المحلات جراجات للعمارات الا ان الجمعية بتاعت صقرقريش قريش بيعت الجراجات الا انها محلات طيب نعمل اية
-
دى ظاهره تنفرد بيها مصرنا العزيزه كل محل ولا قهوه تاخد الرصيف اللى قدمها ويبقى تبعها كل واحد نفسه يعمل حاجه قدام محله بيعتبر دا حق اصيل ليه ومدعوق الناس
والاصعب من كده الموضه الايام دى المحلات مش بقت تكتفى بالرصيف لا والله بقت تاخد من الشارع شوف ميدان الجامع وشارع هارون
دى مصر وكل يوم هيبقى اسوء من اللى قبله طالما مهندس الحى والالطيش بتوعه بيمدوا ايدهم ومرتباتهم شهريا من المحلات
واول لما ينزل المحافظ يجروا يحذروا الناس ( شوفت المصيبه ) يبقى مافيش فايده
-
دول استولوا على الشوارع ولو فكرت تركن ممكن يتخانق معاك او ترجع تلاقى العربية متبهدلة
-
حاجة تخنق بجد مجرد ماتفكر تركن قدام حد تلاقى الراجل طلعلك من المحل وعمال يبصلك بصة بتقولك متركنش هنا
والله انا حالف للمحلات فى الشارع الى هيتكلم على عربية واقفة فين وبالزات لو حد كلمنى وقالى متركنش فى المكان دة لهوقفلهم العربية بعرض الشارع ويبقى حد يفتح بقة ساعتها على فكرة الناس كلها فى الشارع بتراعى المحلات بردو مش بيغلسوا بس كان فية كام واحد كان شايف نفسة شوية قومت مظبتة انا وواحد جارى وهو بيركن عربيتة راح رامى كلمة لو شوفت عربية ركنت هنا هجيب عجلها الارض راح واقف قصاد المحل بالظبت مع انة كان قدامة وراح نازل وقافل العربية وقالة العربية عندك اهية لو فعلا دكر ابقى انزل الصبح الاقى العجل نايم
ومن ساعتها الناس كلها محترمة نفسها بالزات الراجل دة شعب بيخاف وميختشيش
-
ياجماعه احسن حاجه الواحد يشوف جراج باشتراك شهرى ويريح دماغه على الاقل ينزل كل يوم يلاقى عربيته مغسوله وبتاع الجراج يجيبهالك بره الجراج ويقولك اتفضل يابيه
انما هتنزل تتخانق مع الناس على مكان وده يخبطلك العربيه والى يجبلك الفرد على الارض والكلام ده كلام ناس تيت اصلا انت المفروض راجل متعلم هتخلى دماغك زى دماغ واحد صايع يعنى دول ناس صيعه اشترى دماغك وطظ فى 120 ولا 130 كل شهر فى مقابل ان عربيتك متحافظ عليها وفى جراج وبتتغسل كل يوم وزى الفل انا كمان احيانا بخلى بتاع الجراج يفول العربيه بنزين بدل ما انا اروح البنزينه واحيانا لما بكون فى مكان تانى بعيد عن البيت ومش لاقى حاجه اركبها بتصل بيه بيجبلى العربيه للمكان الى انا فيه كده احسن ولا افضل اتخانق مع ده ومع ده ومش هتخلص من الخناق دول ناس اصلا بيحبو المشاكل ريح دماغك منهم وخلاص اصلا ده موضوع مش محتاج خناق خالص اذا كان هو معندوش دم اصلا ومش عارف يعنى ايه انت قدام بيتك او حتى جاره دول ناس تيت تيت يعنى سيبك منهم ودور على جراج وريح دماغك ولو حسبتها هتلاقى الى بتدفعه فى البنزينه وانت بتغسل عربيتك هتدفع فى الجراج وخلاص وخصوصا الواحد بيكون راجع من شوغله تعبان مش قادر لا يزعق ولا يتخانق واسئل مجرب انا ال 127 اتبهدلت من الموضوع ده لدرجه انهم وصله انهم خلونى اكره المكان كله من قرفهم كل يوم بس انا عندى كان مش ورشه لا كان واحد شايف نفسه وعامل فيها تاجر عربيات مستعمله وايه راكن يجى 7 عربيات وواخد الشارع لحسابه وعلى العربيات للمخابره اتصل برقم كذا وكان منظر يقرف وعملت معاه الى ما يعمل ومفيش فيده اخر مره كسر الفانوس بتاع ال 127 الى قدام والى وره من غير ما اعمله حاجه كل الى عملته انى كنت جى فلقيت مكان فاضى قولت اركن ركنت وعلى الى حصل قرف هو الشعب ده كده انا نفسى يرجع زمن الملك ويكون فيه باشا والقرف دول يعملو حساب للناس واحترام انما دلوقتى فيه كوسه زمن الكوسه فا اشترى راسك من الكلام ده كله وخلاص
-
وعلى فكرا لو انت حتى فى مكان مش عند البيت بتاعك وبرده مش لاقى مكان اى جراج عام وادخول واديلو 5 جنيه وفيه ناس بتاخود 10 جنيه وزى ما المثل بيقول هين قرشك ولا تهين نفسك انا عن نفسى هنت نفسى كتير فحرمت اعمل كده تانى
والله انت اتكلمت فى اكتر حاجه بتخلينى انفعل فعلان عندك حق حاجه تقرف و الواحد بيكون نفسه ينتقم من الناس دى بس مش عارف ازاى بس خلاص الدنيا فعلان بقت كوسه ده اخر مره كان هيضرب السكان الى فى البيت حاجه تغيظ
-
حسبي الله و نعم الوكيل
البلد خلاص اصبحت غير قابلة للعيشة فيها (عيشة آدمية)
انا زهقت بجد.. كل شوية من دا
Content Relevant URLs by
vBSEO 3.6.0 PL2