-
فلتر سبورت k & n للانوس
السلام عليكم ورحمه الله وبركاته
حتكلم مع حضراتكم عن تغييرى لسستم الهوا فى عربيتى اللانوس
أنا كنت بغير فلتر الهواء دايما وبأنتظام كل 10 الاف كيلو بالأصلى وبواظب على تغييرة ولكننى لاحظت أن سسيسم الهواء مخنوق مش زى اليابانى بيدخل أكبركمية هواء للمحرك فققرت أعمله تعديل
رحت لمحل فى مدينة نصر أسمه الزغل وأتفرجت على الفلاتر الرياضية على شكل مخروطى منه التيوانى وأعلى نوع أمريكى الصنع أسمةhigh air flow filter k&n معمر جدا لغاية مليون مايل فققرت أقرص على نفسى شوية وأشترية ب550 جنية +180 كوع خاص بة بركبة أصريت علية عشان يكون فلتر الهواء بعيد عن سخونة المحرك وكمان يسحب هواء بارد يبرد بية الماتور
قام الفنى برفع العربية من الأمام وفك فبر الكاوتش الأمامى وخرج مجموعة الهواء القديمة عبارة عن
فلتر سلك أو تيل منقى هواء بيدى علبة والعلة بتدى فلتر الهوا الى كلنا عارفينة وركب الفلتر الجديد من تحت عشان يسحب هواء بارد من تحت مش هواء سخن من حوض الماتور تم التقفيل مرة أخرى الملاحظات/
1-طلعت بعد مخلصت تركيب وبعد لما وصل مؤشر الحرارة لوضعة الطبيعى الى ماقبل النصف وثبت كالعادة لاحظت مع المشى المؤشر بينزل والحرارة بتقل معقول!! عمرها مانزلت بعد لما تاخد وضعها الطبيعى بس بعد السير مسافة رفع تانى لوضعة الطبيعى ودا دليل أن الهواء وكميته أثرت على سخونة المحركب زى واحد بتنفس مرتاح وواحد بيتنفس بصعوبة :B4_388:
2- الصوت هوا هوا فى المشى نفس نعومة صوت الماتور العادى بس جرب كدا وأكبس بنزين حتحس أن فى أسد قاعد فى الكبوت بس أنعم من صوت التربو
3-السحب حدث ولا حرج بسم الله ماشاء الله ولا سحب 1600 سى سى والتسارع زاد بنسبة كبية وكمان أدتنى ثقة على الطريق يعنى العربية دلوقتى بتعدى مرتاحة وبتتخطى عربيات من غير حتى ما أكبس
4-على الطريق أنا مش من هواه السرعة عمرى ما عديت بالعربية 140 عشان الأمان ودايما أقول مش فارقة كتير وكفاية الرادار الى هارينا قلت أجرب العربية بعد الفلتر والله جبت 160 ومش كابس والعربية قابلة كمان وانا الى خفت وهديت ماشاء الله
5-أستهلاك البنزين هوا هوا عشان سواقتى هادية 320 على الطريق بس لو حتسابق وتكبس أكيد حيزيد الأستهلاك عشان يوازى السحب الجبار
عايز أقولكم على موقف مضحك كان فى عربيتين فرنا ماششين ورا بعض فوق ال 100 ممكن 120 وقارصيين والله عديت منهم وهما بتفرجوا بأسغراب وقرصوا ورايا بس مافيش فايدة الحمد لله على اللانوس
وشكرا ودا كان تجربنى مع الفلتر الرياضى ولكم تحياتى
-
-
-
100000000000000000000 lمبروك
-
الله يبارك فيكم وشكرا للردود الجميلة
-
بس غريبة ان عربية لانوس تطلع من الفيرنا دى الفيرنا موتورها حيواااااااااان مع body خفيف يعنى بطير معنا كدة ما شاء الله على العربية وربنا يحميهالك وخلى بالك انا سمعت ان فى زيت كدة وبتنظف الفلتر مش عارف كل كام الف كدة
-
فعلا فى عبوة تنظيف للفلتر بخاخ عرضها عليا بس انا قلت بعدين أبقا أجبها وشكرا على زوقك
-
-
-
مبروك عليك الفلتر وياريت تقولنا عنوان المحل ده فين بالظبط فى مدينه نصر
Content Relevant URLs by
vBSEO 3.6.0 PL2