اظن كفاية لحد كده بقا !! لانها زادت اوى اوى اوى

ياريت بقا نبطل نتكلم فى حوار المنتخب وانه بتاع بنات والحوارات الفاشلة دى

ونبدا بقا نجهز نفسنا ونظبط حالنا علشان الماتشات الجاية ونركز فيها و مش عيب بقا اننا غلطنا وطلعنا برة البطولة والحمد لله على كده


ومهما حصل ومهما خسرنا برده هقول (( مصرى وكلى فخر وعزة )) انا والله بحب جدا مصر والمنتخب:36_7_7[1]: وننسى بقا شوية وبلاش ننشر غسلنا ال..... قدام الناس الغريبة وده يتكلم وده يعمل نفسه حلو علشان فى برنامج

مشكلتنا اننا مش بنخاف على بعض ولا نغطى مصايب بعض لازم نخلى الغريب يدينا على قفانا ويضحك علينا امثال اللى اسمه عمرو اديب يموت ويشوف جنازة ويشبع فيها لطم

أنا بتفق مع حضرتك تماما و بفكر الناس لو كان المنتخب حتى أخد كاس القارات و بعدين ما طلعش كاس العالم كانوا هيتحسروا أكتر و ماكانش هيبقى عزاء ليهم إنهم تفوقوا فى البطولة دى ادعوا للمنتخب و خليكم مساندينه لأن الفرصة لسه موجودة و هى الأهم و الله أعلم رب ضارة نافعة الأهلى طلع من بطولة دورى أبطال أفريقيا على إيد فريق تعبان و بسيناريو يضحك و بعدها كسب الاسماعيلى فى أوج تالقه و خد الدورى. يا رب اللعيبة تبقى رجالة فى الماتشات اللى جاية و تطلع كاس العالم و ساعتها هزيمة أمريكا دى هتبقى كأن لم تكن

عمرو اديب له زلاته وسقطاته وفضائحه واللي بيته من ازاز ميحدفش الناس بالطوب
وغير مقنع بالمرة في تمثيل دور التقي والغيور على سمعة المنتخب
ولا يصلح كاعلامي كفاية اسلوبه والفاظه السوقيه

والله عندكم حق ورايكم صح

مشكلتنا دايما بنبص تحت رجلينا مش بنبص لقدام ياريت نخاف على بعض اكتر واكتر

وخلاص يعنى مش اخر العالم بيتهيالى لما احنا كسبنا ايطاليا مقعدش الشعب الايطالى يشتم فيهم ويطلع عليهم كلام زبالة ويقولوا دول لعيبة كذا وكذا

ياريت نخاف على بعض ونحب بعض اكتر وكل واحد يبدا من نفسه ونبص لقدام مش تحت رجلينا