الموضوع: ملحوظة + معلومة + استفسار (تأثير التكييف)

المشاركة الأصلية كتبت بواسطة samirayad

هى فى الحالات الطارئه فمفيش مشاكل لو الواحد ساب التكييف شغال لفتره بسيطه وقت الأنتظار على مايجيب طلب .......وأولاده فى العربيه مثلا لفتره وجيزه .............ومن ناحية البطاريه ( فالبطاريه بتطلع بره الموضوع بمجرد المكنه ماتشتغل .....والمسؤؤل عن الأمداد الكهربى بيكون الدينامو ) ..........ومن ناحية الحمل فى اللحظات دى فبرضه مفيش مشاكل (وحدة التحكم بتقوم بالازم وقت السلانسيه لتعويض الحمل المطلوب من المكنه وقت السلانسيه ).............ولكن!!!!!!!!!!!!!!!!!!!!!!!!!!!! !!!!!!!!!!!!! كثرة تشغيل التكييف على السلانسيه لساعات طويله ومتكرره غير مفضل فنيا .....لأن الحمل اللى بيكون متأخد من المكنه وقت السلانسيه بيكون حمل جزئى ..........وده بيولد تكون كربون على ظهر بلوف السحب وأجزاء المحرك ............وطبعا تكون الكربون على البلوف بالذات غير مفضل فنيا وليه آثار سلبيه على المدى البعيد ........لأن تواجد الكربون على ظهور بلوف السحب بالذات بيبلقى عامل زى السفنجه ( بيمتص بنزين ويحوشه داخله ) وفى الحاله دى مع تقادم المكنه بيحصل تضارب فى موجات حريق المحرك وبيبوظ آداء ونغمة الحريق .............دا غير تكون كربون فى منظومة الشكمان مع كثرة التشغيل على الحمل الخالى (السلانسيه ).............وبرضه فرصة سخونة المكنه بتكون أكبر مع وقوف السياره ...........لأن السياره وهى متحركه أو مسرعه بيقابلها الهواء مع المراوح وبكده بتزيد كفاءة الانتقال الحرارى بين مكثف التكييف والرديادير والهواء الخارجى

الله ينور يا هندسة

الف شكر

ياجماعه انا نفسى افهم حاجه ليه الناس كلها او اكثرها بتقول التكبف ده غلط على الموتور طيب ليه اجيب عربيه بتكيف ما اوفر فلوسى احسن ؟؟؟
ثانيه ايه المشكله ان الموتور بتاع العربيه يتعب ولا ميتعبش هو مش كده كده هيبوظ فى الاخر سواء بالتكيف او من غيره ؟؟؟
اكتر واحد هنا محدد لعربيته معاه كام سنه ومحدش يقولى انا بحب عربيتى ومش هابيعها كلنا بنحب عربياتنا بس اول ما تبداء تعمل معانا مواقف مش ولا بد بيتحول الحب الى هروب من السياره صح ولا غلط وبعدين انا ليه دافع فلوس على شان تصعب عليا يوم ما ابيع العربيه هات كده عربيه مستعمله ومفيهاش اى حاجه وموتورها تمام وعربيه زيها برده بس موتورها تعبان شويه هتقل كام عنها 1000 او 2000 وده الى انا شوفته فى السوق ال 1000 او 2000 دول يستهلو انك تحرم نفسك من حاجه متوفره عندك وربنا كرمك وجبتها ؟؟؟
وبعدين محدش قال ان المفروض اشغل التكيف وانام فى العربيه زى تكيف الشقه انا اقصد زى ما انا بعمل سواء صح او غلط الله اعلم انا بشغله عادى جدا وانا ماشى وبرده وانا واقف يعنى الفروض انى مثلا لما اقف فى الاشاره اقفله طيب ليه يعنى

واخر حاجه هو ليه عملو تكيف فى العربيه طالما انه خطر والكلام ده ما السعودين الجو عنهم حر اكتر من هنا كمان وطول النهار التكيف شغال انا فعلان كنت بشوف ناس كمان نايمه فى العربيه وعادى جدا وعربيتهم هناك مشاء الله عليها كلها مش بيجرى لا دى بتكون اكنها غول على الطريق بس عربيات ماركات مشوفتهاش هنا فى مصر اصلا بس مش مهم نوع العربيه المهم انها عربيه زى اى عربيه فى الاخر انا عن نفسى مش شايف مشكله فى التكيف بس هحاول افكر زيكم يمكن انتم صح وانا غلط الله اعلم انا فعلان فى واحد صحبى لايمكن يشغل التكيف غير لو على طريق سريع يمكن العربيات الى بتنزل مصر فيها حاجه غلط الله اعلم