عرض للطباعة
السلام عليكم و رحمة الله
يا جماعة عايز اطلب مشورة من حد عنده كوردوبا 2008 او 2009
انا دلوقت بفاضل بينها و بين اللانسر .. بصراحة الكودوبا عجباني اكتر بس الفكرة في اللانسر انها منتشرة و بالتالي قطع غيارها و الصيانة ليها هتكون اسهل
الناس كلها بتخوفني من صيانة الكوردوبا و اسعارها و اسعار قطع الغيار و كمان توفر قطع الغيار !
ياريت يا جماعة اللي عنده العربية دي يقولي تجربته معاها و مع التوكيل او الضمان بتاعها لو خليجي !
بص يباشا .. من الاخر بالرغم من اني لم املك العربية .. السيارت المنتشرة واللي عليها اقبال قطع غيارها بالتالي منتشرة ومرمية في كل حتة جوه التوكيل وبره التوكيل وعالرصف كمان لو حبيت .. ده الانتشار ودي ميزة مش عيب .. اما عيبه طبعا انك بتفقد احساس التميز لكن بتكسب ادامه الاطمئنان ... بالنسبة للسيارات اللي مش منتشرة زي الكوردوبا .. قطع غيار موجودة جوه التوكيل بالتاكيد وبره برضه لكن مش بانتشار .. وطبعا بتكسب ادام كده التميز ... شوف انت عايز اه ومحتاج ايه بالظبط من دول : تميز - اطمئنان
وهي عموما بما انك في قسم السيات السيارة الكوردوبا والله ممتازة مزيج من الصناعة الالمانية والاسبانية وتعتبر فخرا وهي من اكتر السيارات المنتشرة في اوروبا وسيارة عائلية .. ده غير طبعا الموتور الفولكس والعفشة الالماني
وتقدر ترجع للمواضيع المثبتة في القسم عشان تعرف معلومات اكتر ن السيارة