fabia .. grand punto .. i20 .. sirion 1.5

يا جماعة ... انا معايا 50000 وهدفعهم مقدم في عربية
بس متحير اوي ما بين الفابيا الاوتوماتيك ... والسيريون ال 1500 glx .... وال grand punto اوتوماتيك وال hyundai i20
عايز اعرف مين افضلهم ... قطع غيار معقولة .. تستحمل سفر كتير ... مشاكلها قليلة ... مريحة في فعدتها ... توكيلها محترم .. وشكرا
وكمان سؤال لو حد دفع مقدم في عربية وما عرفش يكمل اقساطها ... سمعت هنا في المنتدى عن حلين
ياما باتنازل عنها لحد تاني ... او باديها لمكتب تأجير
يا ريت حد يفهمني الحلين وخصوصا الاولاني مع العلم ان التقسيط بضمان وديعة في البنك
وكمان شكراااااااااااااااا

جراند بونتو احلي واحدة فيهم و عملية جدا

جراند بونتو

جراند بونتو ممتازة
وفيها كماليات جامدة جدا

جراند بونتو بس مش عمليه طبعا
وبعدين سيريون وبعدين i20

يا جماعة ازاى بس الجراند بونتو ,, دى 77 حصاااااااان !!! و الله حرام ادفع 100 الف جنية و فى الاخر العربية 77 حصان ,, حتى لو مش بتاع شد و جرى ,, يبقى حراااام
المقارنة دى المفروض تتلخص فى الفابيا و السيريون ,, عشان الجراند ضعيفة و ضيقة جداا ,, و ال i20 توكيلها زبالة و دة معروف طبعا " غبور "

و طبعا انا برشح الفابيا عشان موتور قوى " 105 حصان " ,, اوسع من السيريون بكتير ,, المانى و فخمة و فيها اوبشنز كتير

أعتقد أفضلهم فابيا .. كماليات و موتور و جير تيبترونك و صاج 0.8 مم و تكنولوجيا ألمانيا .. معظم القطع عليها شعار فولكس .. و دي مواصفاتها

- موتور 1600 سي سي بقوة 105 حصان و عزم 153 نيوتن عند 3800 RPM
- التسارع من 1-100 في 11.5 ثانية.
- نظام ثبات كامل ABS + MSR + Dual Rate + ASR
- الفرامل الأمامية ديسكات بمبرد داخلي.
- الفرامل الخلفية ديسكات و ليست أسطوانات.
- حجم صندوق الأمتعة 300 لتر و بطي المقاعد الخلفية 1163 لتر (طي الكنبة تلت و تلتين).
- سعة تانك البنزين 45 لتر.
- إستهلاك البنزبن 6.5 لتر لكل 100 كيلو متر.

- تكييف كليماتك يدوي بفلتر.
- جنوط 14 عادية.
- باور ستيرنج كهربائي.
- رفع و خفض الزجاج كهربائيا وباليموت و نظام حماية للأطفال.
- مصابيح عادية مقاومة للكسر بدون بعدسات.
- كومبيوتر متعدد الوظائف للرحلات.
- ضبط عجلة القيادة في أربع إتجاهات (العمق و الإرتفاع).
- درج تابلوه بخاصية تبريد المشروبات و الأطعمة.
- مسند يد يمكن ضبط إرتفاعه.
- ضبط إرتفاع الكراسي الأمامية.
- حامل نظارة.
- راديو دانس 2DIN + CD + MP3 + Audio Socket.
- المقاعد الخلفية قابل للطي.
- سنترلوك مع نظام أمان و مفتاح قابل للطي.
- 2 إيرباج و الإيرباج الخاصة بالراكب ممكن تعطيلها/تشغيلها.
- فوانيس شبورة مع خاصية الحركة الجانبية للفوانيس.
- تصفيح أسفل الموتور و الجيربوكس.
- غلق مصدر الوقود عند التصادم (لا قدر الله).
- مؤشر بالتابلوه عند فتح الأبواب.
- مصابيح للقراءة و ماسك لليد.
- زجاج ملون.
- إنذار في حالة تناقص مياه الرادياتير.
- إنذار في حالة التحرك بفرامل اليد مرفوعة

و ده الموضوع الكامل للمواصفات لكل الفئات فيها.

http://www.nilemotors.net/Nile/showthread.php?t=80068

انا في نفس موقفك بالضبط و إن شاء الله هاغير في خلال اسبوعين بعد الرجوع من السفر و فعلا كنت محتار بين العربيات اللي إنت قلت عليها ما عدا ال i20 عشان كانت لسه ما نزلتش. الجراند بونتو كانت شداني أوي بشياكتها و كماليتها لكن بعد كماليات الفابيا غيرت رأيي خاصة و موتور البونتو 77 حصان و التانية 105 حصان. السيرون برضه شدتني أنها شيك و ياباني 100% لكنها أيضا بالنسبة للفابيا أقل من ناحية الموتور و الكماليات.

صلي إستخارة و ربنا يوفقك للي فيه الخير و أهم حاجة ربنا يبارك فيها أي كانت ماركتها.

الفابيا والرومستر من سكودا من اقوى العربيات فى فئتهم السعريه مقابل المواصفات اللى بتاخدها

انا متشكر يا جماعة على الردود الجميلة .. بس كان نفسي تاخدوا بالكم من الجزء التاني من السؤال

اقتباس:

---

المشاركة الأصلية كتبت بواسطة kareemhisham

يا جماعة ازاى بس الجراند بونتو ,, دى 77 حصاااااااان !!! و الله حرام ادفع 100 الف جنية و فى الاخر العربية 77 حصان ,, حتى لو مش بتاع شد و جرى ,, يبقى حراااام
المقارنة دى المفروض تتلخص فى الفابيا و السيريون ,, عشان الجراند ضعيفة و ضيقة جداا ,, و ال i20 توكيلها زبالة و دة معروف طبعا " غبور "

و طبعا انا برشح الفابيا عشان موتور قوى " 105 حصان " ,, اوسع من السيريون بكتير ,, المانى و فخمة و فيها اوبشنز كتير

---

العربيه الفابيا اللى بتتكلم عليها دى سعرها أعلى من 100 ألف
الجراند بونتو الكوبيه سعرها125 ألف و موتورها تيربو 1.4 120 حصان وفتيس ست سرعات و أفضل من العربيه التشيكى فى تقفيلاتها لأنها سبور جدا و فيها كراسى ريكارو و شكلهاأجمل
الجراند بونتو أكتر أقتصاديه و واخده 5 نجوم فى أختبارات السلامه الأوروبيه
و السيريون أوسع من الفابيا بكتير لكن تقفيلاتها أى كلام و أنا مجربها أصلها عند صحبي
أنا مش بحب الفابيا بصراحه لأنى مش مقتنع بموضوع عربيه صغيره بالوزن ده كله

اقتباس:

---

المشاركة الأصلية كتبت بواسطة beihoo

.....
- جنوط 14 عادية.
.....
- مصابيح عادية مقاومة للكسر بدون بعدسات.
.....
.....

---

تصحيح بسيط .. العربية جنوط 16 عادية و المصابيح هالوجين بحركة جانبية للفوانيس (يعني بتتحرك يمين و شمال مع عجلة القيادة)

العربية تيبترونك و ب 110 ألف

اقتباس:

---

المشاركة الأصلية كتبت بواسطة kareemhisham

يا جماعة ازاى بس الجراند بونتو ,, دى 77 حصاااااااان !!! و الله حرام ادفع 100 الف جنية و فى الاخر العربية 77 حصان ,, حتى لو مش بتاع شد و جرى ,, يبقى حراااام
المقارنة دى المفروض تتلخص فى الفابيا و السيريون ,, عشان الجراند ضعيفة و ضيقة جداا ,, و ال i20 توكيلها زبالة و دة معروف طبعا " غبور "

و طبعا انا برشح الفابيا عشان موتور قوى " 105 حصان " ,, اوسع من السيريون بكتير ,, المانى و فخمة و فيها اوبشنز كتير

---

ma3a e7teramy bas el golf 6 we azon de ma7adesh ye2dar yetkalm 3anha fe mawdo3 el mator nazla 79 HP ya3ny akter men el Grand Punto be 7osanen bas ;)
el grand punto a2al fe2a (90000 LE) betgeb men 0 : 100 Km fe 13.9 sec bel 77 HP dol azon da ma32ol
plus enaha italian 100 % we ro7 etfarag 3aleha
kaman tawkelha omatra mesh 3'abbor we men kalam el nas hena fel montada tawkeel mo7taram geddan

بص حضرتك انا هقولك وبكل أمانة

انا فى راى الفابيا أفضل بكتير من الجراند بونتو وهتستغرب لو قولتلك إنى كانمعايا جراند بونتو وبعتها بسبب التوكيل اللى مش فاهم أصلا فى العربية . العربيةممتازه وانا فى الأسكندرية فطبعا توكيل أوماترا مش موجود عندنا ومش عارف إزاى تحصلحاجة زى كدا. المهم توكيل أوماتر ا أعطى حق الصيانة فى الأسكندرية لفرع إسمه الطارقالنيل . كنت باروح هناك وبحس إنى داخل عند ناس مش فهمة اصلا العربية ومره عصاية المساحةاللى ورا إتكسرت البلاستيكة بتاعتها وكانت ممكن تتصلح وروحتلهم قالولى ماينفعش تتصلح قولتلهم مفيشمشاكل ممكن أشترى واحده وياريت أعرف سعرها
لقيت رد غريب جدااااااا . قالولى إن المساحة مش موجوده وهيتصلوا بتوكيل أوماترا ولو مش موجودهويارب تكون هناك ولو مش هناك هيجيبوها من إيطاليا .......... طبعا كنت هتجن إيطاليا إيه اللى هيجيبوا منها عصاية مساحة وكمان طلع سعرها 200 جنيه
أمال لو كان ماتور المساحة ولا لو كان فيه حاجة فى الماتور أو الكارته ....
المهم انا ليه زميل ومعاه العربية وبيروح أوماترا فى القاهره وراح عمل صيانة 20000 ودفع 3000 جنيه وبيقولى إنهم غيروا حاجات غريبة زى الطنابير .. وقالهم انا مش عايز أغيرها دلوقتى لأنها مافيهاش حاجة قالول لو مغيرتهاش إحنا مش مسؤلين عن أى error ..... وكمان حضرتك لما بعتها كانت إعادة بيعها غريبة جدااااااااااا ومحدش عايز يقرب ناحية الفيات وانا كنت بابيعها مضطر وكانت عاملة 5000 كيلو ومافيهاش عيب واحد ولا خبطة حتى ومع ذلك خسرت فيها 11000 جنيه.....
نصيحتى لحضرتك إبعد عن الفيات لأن توكيلها وإعادة بيعها وقطع غيارها مش متوفره لكن هى عربية كويسة لكن حرااااام تدفع فيها المبلغ ده .....
وانا رأى الفابيا .........

وانا أسف لو كنت أطلت على حضرتك أو على أى شخص بس حبيت أنقل كل اللى أعرفه للناس

بس بعد كل الكلام دا انا برده مش فاهم انتا بعتها ليه؟؟؟

حضرتك مقولتش اي سبب مقنع برده

اقتباس:

---

المشاركة الأصلية كتبت بواسطة DRguevara

بس بعد كل الكلام دا انا برده مش فاهم انتا بعتها ليه؟؟؟

حضرتك مقولتش اي سبب مقنع برده

---

ما هو الاستاذ قال ان التوكيل مؤرف و قطع الغيار غالية و اعادة البيع وحشة ,,

فى ايه اكتر من كدة ,,

معلش يا استاذ DRguevara بجد من غير زعل بس انا حسيت ان حضرتك منحاز لفيات جامد اوى ,, و انا لاحظت الموضوع دة من كذا مشاركة لحضرتك ,,

و ياريت متزعلش منى :Oc_sun1[1]:

يا باشا مفيهاش زعل خالص والله انتا منور الموضوع و احنا بندردش يعني

بس هوا ليه العربية جديدة و ماشفش اي حاجة وحشة من التوكيل بنفسه و محصلتش معاه اي مشاكل!!!!!

يعني مش غريبة انك تبيع عربيتك الجديدة عشان خايف منها " فالمستقبل "؟؟؟؟؟؟؟؟؟؟؟؟

وانا فعلا منحاز لفيات شوية بس دا عشان حاسس انها بتعمل عربيات بجد بغض النظر عن العك الي في اوماترا

اقتباس:

---

المشاركة الأصلية كتبت بواسطة DRguevara

وانا فعلا منحاز لفيات شوية بس دا عشان حاسس انها بتعمل عربيات بجد بغض النظر عن العك الي في اوماترا

---

انا لازم اعترف ان فيات بتعمل عربيات حلوة و خصوصا البرافو و سعرها منافس جدا ,,
بس المواتير ال1.4 العادية لازم تشد حيلها شوية :Oc_sun1[1]:

فابيا ..تكسب

اقتباس:

---

المشاركة الأصلية كتبت بواسطة kareemhisham

انا لازم اعترف ان فيات بتعمل عربيات حلوة و خصوصا البرافو و سعرها منافس جدا ,,
بس المواتير ال1.4 العادية لازم تشد حيلها شوية :Oc_sun1[1]:

---

يا باشا انتا معاك فلوس

تاخد

هيا الموضة دلوقتي فالفئة دي = مواتير 1400+تربو = 2 في 1

حتي اودي!!!

تخيل اودي a3 الجديدة 1400 turbo
0-100 5.9 ثواني

يعني من غير تربو الموضوع مش حلو

بس برده راكب فيات

السلام عليكم ورحمة الله وبركاته
والله يا أستاذ DRguevara انا فعلا مش بكره حضرتك فى العربية و انا قولت فى الكلام اللى فات إنى بعتها عشان كنت مضطر فعلا وكمان ملاقيتش خدمة كويسة زى ما الأستاذ كريم قال إنى لقيت ان التوكيل مؤرف و قطع الغيار غالية و اعادة البيع وحشة ..... قطع الغيار فى أبسط شىء فى العربية زى عصاية المساحة اللى ورا مش موجوده وكمان غالية جداا عايزين يجيبوها من إيطاليا و كمان بقول لحضرتك إن العربية إعادة بيعها وحش جداااا ومعاليهاش إقبال مع إن العربية كعربية كويسة ولكن إعاده بيع ضعيفة جدااااا تحسسك إنك جايب أى عربية مش عربية غالية وبقول لحضرتك التوكيل مش كويس وانا عارف إن معظم التوكيلات مش كويسة بس هقولك حاجة تبين إن توكيل الفيات مش فى دماغه أى حاجة... أولا معملش إعلان واحد فى التلفزيون يقول إن عنده عربيات وطبعا حضرتك شايف غبور ومنصور مغرقين التلفزيون إعلانات ... ثانيا انا هقولك حاجة تانية حصلتلى برضه .....العربية بتنزل بكاسيت بلو بانكت طبعا الكاسيت البلو بانكت ده كويس جدااااا ... المهم انا كنت حضرتك اجى أشغل الراديوا فيه اللاقى إنه يستنى حوالى من 30 ثانية لدقيقة عشان يشتغل روحت حضرتك للتوكيل قالولى إحنا مش عارفين السبب وإستنى المهندس اللى بيجى من القاهرة مره كل إسبوع ... إستنيت وروحت جه المهندس وفضل يشغل الكاسيت ويعمل معاه نفس الموضوع ... قالى إنه لما يروح مصر هيقولهم على الموضوع ده وقالى تعالى الإسبوع الجاى ... طبعا الإسبوع اللى بعديه واللى بعديه مجاش وبعدين طبيت عليهم فى يوم اللى كانوا بيقولوا بيجى فيه ولاقيته روحت مكلمه ودخل العربية جوه و قعدت العربية تقريبا 6 ساعات جوه وانا إتحنطت خلاص وفى الآخر طلع قالى إحنا فصلنا البطارية عشان نفضى الكهربا من الكاسيت وشغلناه تانى وبرضه فيه نفس العيب ... قولتله تمام كده العربية فى الضمان وده عيب فى الصناعة نفسه وياريت تغيروه ... رد عليا قالى لأ ده حضرتك تروح توكيل بلو بانكت ويعملوا كشف على الكاسيت وتدفع هناك ويدوك تقرير إن الكاسيت فيه عيب أو يصلحولك وتجيلنا بعد كده ومعاك الفاتوره ...ز طبعا حضرتك ده كلام غريب عربية لسه معملتش 5000 كيلو وفى الضمان ومش عارفين إيه العيب اللى فى الكاسيت ويقولى ملناش دعوة ...
المهم فى الآخر قولتله ممكن تجيب العربية وانا هقعد مع حضرتك ونشوف مش ممكن مايطلعش عيب فى الكاسيت ويطلع حاجة تانية المهم جاب العربية ودخلت قعدت جنبه وشغلت الكاسيت وعمل نفس الحركة ومشتغلش عالطول فضلت أشوف الأوبشن اللى فيه لقيت قناة راديوا بتبقى معمولة فى الدول الأوروبية تقريبا عشان يرسلوا معملومات من خلالها للسائقين عشان يقولولهم إن الطريق مثلا الفلانى فيه إصلاحات أو الطريق مغلق ولقيت القناه معمول ليها on روحت مغيرها وخليتها off وشغلت الكاسيت مره تانيه وإشتغل عادى وطلع إنه كان بيتأخر 30ثانية أو دقيقة لأنه بيعمل Search على القناة دى وهى أصلا مش موجوده فى مصر...

فتخيل حضرتك المهندس اللى جاى من أوماترا مش فاهم فى الكاسيت أمال هيعمل إيه لو فيه مشكلة فى العربية منن جوه
والعربية فعلا تكنولوجيا عالية جدااا
وانا صدقنى مش بقولك كده عشان أكرهك فى العربية أو أذم فى العربية أو التوكيل لكن أنا بحكى فقط عشان أوضح ليه انا بستبعد الفيات فى المقارنه .. لكن انا مش بقلل من العربية نفسها ... وشكرا لسعة صدرك وأسف لأنى طولت عليكم

لكن انا فعلا سعيد إنى بتكلم وبتناقش مع ناس محترمة زيكم

يا لهوي

بجد دي كارثة لو مكانوش عارفينها

طب تصدق يا باشا اني عندي بلوبنكت برده.....و فيه نفس الخاصية بالظبط..........وعملت معايا نفس الحوار عشان كانت on برده بس كانت عمالة تصفر وانا مشغل الاغاني

بس بصراحة روحت توكيل بلوبنكت عرفوها و عملوها اوف في ثواني

عالعموم يا باشا انا بس متضايق لانك خسرت فيها جامد وانتا كنت اولي بالفلوس دي بس يلا ان شاء الله تجيب الي احسن منها

ربنا يكرمك على ذوووووء حضرتك .... والحمد لله إن المشكلة إتحلت عند حضرتك بسرعة .... ده كله من فضل ربنا والحممممد لله
وانا فعلا خسرت كتييير بس والله أنا مش زعلان لأن ربنا هدانى وانا بشتريها إنى أستخيره وكمان وانا بابيعها إستخرت ربنا ... فالحمدلله مش ندمان على إنى إشتريتها ولا على إنى بيعتها.... لأنى بفضل الله راضى بقسمة ربنا

وانا قولت إنشاااااااء الله على دخول شهر 9 تكون موديلات 3010 نزلت والواحد إتأكد إن الأسعار هتنزل ولا لأ وأجيب عربية تانية
المشكلة يا أستاذ DRguevara إن برده الواحد عشان الواحد يخار ده موضوع صعب ... يعنى مثلا تلاقى العربيات اليابانى قطع غيارها متوفره وتوكيلها كويس وكل حاجة بس سعرها غالى زبعدين تبص على الكورى تلاقيه قطع غيار موجوده ومش غالية أوى ولكن توكيلات معطو الناس بيشتكوا منها ... فأنا والله فعلا بقالى فتره محتار ومش عارف أوصل لعربية من دول ( هيونداى نيو أكسنت أوتوماتيك - جيتز أتوماتيك - بروتون جين 2 أتوماتيك ) وكل الناس بتقول إن بروتون فيها مشاكل تقفيل وقطع غيارها التوكيل مش بيوفرها وانا مش عايز أقع فى نفس الخطأ اللى وقعت فيه قبل كده بصراحة يا أستاذ DRguevara مع إن العربية بسم الله ما شاء الله تصميمها وإمكانيتها كويسة بس لو سعرها نزل كمان فى 2010 تبقى تحفة . أما بالنسبة للهيونداى فسعرها كويس جدااااا بس الكماليات مش موجوده فلأختيار صعب اوى ...

ربنا يكرمك على ذوووووء حضرتك .... والحمد لله إن المشكلة إتحلت عند حضرتك بسرعة .... ده كله من فضل ربنا والحممممد لله
وانا فعلا خسرت كتييير بس والله أنا مش زعلان لأن ربنا هدانى وانا بشتريها إنى أستخيره وكمان وانا بابيعها إستخرت ربنا ... فالحمدلله مش ندمان على إنى إشتريتها ولا على إنى بيعتها.... لأنى بفضل الله راضى بقسمة ربنا

وانا قولت إنشاااااااء الله على دخول شهر 9 تكون موديلات 2010نزلت والواحد إتأكد إن الأسعار هتنزل ولا لأ وأجيب عربية تانية
المشكلة يا أستاذ DRguevara إن برده الواحد عشان الواحد يختار ده موضوع صعب ... يعنى مثلا تلاقى العربيات اليابانى قطع غيارها متوفره وتوكيلها كويس وكل حاجة بس سعرها غالى وبعدين تبص على الكورى تلاقيه قطع غيار موجوده ومش غالية أوى ولكن توكيلات معظم الناس بيشتكوا منها ... فأنا والله فعلا بقالى فتره محتار ومش عارف أوصل لعربية من دول ( هيونداى نيو أكسنت أوتوماتيك - جيتز أتوماتيك - بروتون جين 2 أتوماتيك ) وكل الناس بتقول إن بروتون فيها مشاكل تقفيل وقطع غيارها التوكيل مش بيوفرها وانا مش عايز أقع فى نفس الخطأ اللى وقعت فيه قبل كده بصراحة يا أستاذ DRguevara مع إن العربية بسم الله ما شاء الله تصميمها وإمكانيتها كويسة بس لو سعرها نزل كمان فى 2010 تبقى تحفة . أما بالنسبة للهيونداى فسعرها كويس جدااااا بس الكماليات مش موجوده فالأختيار صعب اوى ...

اقتباس:

---

المشاركة الأصلية كتبت بواسطة monsif

......
و السيريون أوسع من الفابيا بكتير لكن تقفيلاتها أى كلام و أنا مجربها أصلها عند صحبي
أنا مش بحب الفابيا بصراحه لأنى مش مقتنع بموضوع عربيه صغيره بالوزن ده كله

---

السيريون مش أوسع من الفابيا كتير و تقفيل الفابيا أفضل.
وزن العربية الفابيا 1070 كجم و السيريرون حسبما أتذكر 950 !!

الفابيا أحسن كتير

استاذ11 cdman انا أعرف انهم حيعملوا مركز صيانة تابع لاوماترا في اسكندرية قبل نهاية السنة دي و باي باي لمركز النيل الهندسي اللي فعلا ما يعرفوش حاجة عن العربية دي بس فعلا يارب المهندسين يبدءوا يخدوا دورات في ايطاليا أو مهندسين ايطاليين ييجوا مصر يدوا محاضرات عشان يعرفوا كل حاجة في العربية دي لأنها بالرغم من عيوب الزجاج الخلفي اللي مش كهربا و أن الناس فاكرة ان موتورها ضعيف الا انها كعربية جامدة جدا والله .
بس والله متضايق انك بعتها و متضايق اكتر انك خسرت فيها.

السلام عليكم أستاذ loodaa أولا ربنا يكرمك على شعورك المحترم ، وانا فعلا سمعت نفس الوموضوع اللى حضرتك سمعته إن توكيل أوماترا هيفتحوا فرع فى الأسكندرية آخر السنة دى وده طبعا هيحل جزء من المشكلة . بس المشكلة كمان إن صيانتها وقطع غيارها غالية . لأن زى ماقولت لحضرتك انا زميل ليا معاه العربية وعمل صيانة 20000 ودافع فى الصيانة حوالى 2600 جنيه .
وبعدين انا مش عارف هما عايزين إزاى يبيعوا عربيات من غير حتى إعلان واحد فى التليفيزيون . وصدقنى حضرتك كل ما العربية إنتشرت كل ما قطع الغيار هتنتشر وتكون أرخص . لكن هما واضح إنهم زى توكيل عز العرب بخلاء فى إنهم يصرفوا دعاية عن العربية .
و فعلا هى عربية محترمة جداااااا بس فى مصر واضح إن ماينفعش الواحد يجيب العربيات دى المحترمة وإلا هيعانى من سوء التوكيل وقطع الغيار .

انا معاك في موضوع الدعاية و عملت شكوى في موقع فيات نفسة وأوماترا ردت بأن في نقص في التمويل وانهم مستنيين يعرفوا الازمة رايحة لفين و بعدين حيعملوا اعلانات.
بالنسبة لقطع الغيار لو المسألة مسألة ان قطع الغيار غالية ما كانش حد اشترى الرينو ميجان اللي اسعار قطع غيارها اغلى عشر مرات تقريبا اسعار الفيات بالرغم ان تمنها ميجيش 3 مرات تمن الفيات, الحاجة التانية ان دي صيانة ال20000 كيلو يعني بتكون مرة كل سنتين تقريبا و حتى لو 2600 جنيه فهي غالية شوية بس معمرة.
انا شايف ان ممكن تشتري عربية قطع غيارها الاصلية مثلا أقل 500 او 600 جنيه بس تدفعهم بنزبن او مشاكل بتحصل في العربية زي مثلا الافيو.