ارجو من الساده الأعضاء اللى يقدر يفدنى فى الموضوع ده
انا عارف ان فيه اعضاء محترفين مقارنات
عاوز مقارنه بين شيفورليه كروز و كيا سيراتو الجديده و مازدا 3 و هوندا سيتى و كمان نيسان صنى
ارجو من الساده الأعضاء اللى يقدر يفدنى فى الموضوع ده
انا عارف ان فيه اعضاء محترفين مقارنات
عاوز مقارنه بين شيفورليه كروز و كيا سيراتو الجديده و مازدا 3 و هوندا سيتى و كمان نيسان صنى
ايه طبق الكشري ده ، ده اقل سعر فيهم 100000 ( نيسان صني ) واغلى سعر 145000 ( مازدا3 ) يعني فرق 45000... عموما لو مش فارق معاك فروق السعر ، يبقى مازدا3 من غير ثانية تفكير وكمان الشكل الجديد مش احلى من القديم وفيه شبه اجماع على كده واصلا مفيش اجمل منه حتى الان في هذه الفئة واحلى من كل العربيات المذكورة بكتيييييييييييييييييييييي ييييييييييير ، وغير الشكل مفيش عربية من اللي انت حاططهم تضاهي المازدا3 كعربية على الاطلاق
اولا بين الوحوش دى لازم تستبعد النيسان صنى ,,
و الهوندا سيتى مش منافس لدول خالص ,,
الكروز حلوة و كل حاجة بس متشال منها حاجات كتييييير اوى حرام تجيبها و تسيب النيو سيراتو
كدة يتبقى النيو سيراتو و المازدا 3
لو المازدا 3 الجديدة يبقى المازدا بدون تردد ,, لو القديمة يبقى افضل السيراتو عشان شكل لسة نازل ,, بس لو موضوع الشكل دة مش فارق معاك يبقى المازدا احسن
نـيـو سـيـراتـو
نيو سيراتو اولا ومازدا ثانيا وذلك للوكيل الممتاز لكيا وتوافر قطع الغيار مقارنة بالمازدا بس المازدا كعربية محترمة جدا وتقفيلها ممتاز بس مش واخده حقها في مصر قوي
أنصحك بالنيو سيراتو عربية مستقبلها واعد وليها توكيل محترم
اشجع الراى دااقتباس:
المشاركة الأصلية كتبت بواسطة mohammedsamirabdeen
المازدا برده ليها بعض العيوب زى انها واطيه على الارض
الكنبه الخلفيه ضيقه والشنطه مش واسعه
ملهاش توكيل او مركز معتمد لقطع الغيار
اعاده بيعها نقطه لازم تاخدها فى الاعتبار انها بتبقى ضعيفه شويه
و فوق كل دا انك هتاخد عربيه بماتور و فتيس قدام نازلين فى موديل العربيه اللى قبليه
مفيش حاجة اسمها موتور وفتيس قدام ، شوف التكونلوجي بتاعتهم والكفائة العالية وانت تعرف ليه متغيروش ، ويا ريت اللي بيتكلم يبقى بيتكلم بمنطق وعن علم ، مش هري وخلاص ، ومراكز خدمة مازدا مالية القاهرة وقطع غيارها في اماكن كتير ومنتشرة ، يا ريت منقعدش نردد كلام وخلاص ويا ريت اللي يتكلم يكون عارف مش سمع وبيردد وخلاص ، وباقي الكلام ملوش لازمة الرد عليه ، ومن الآخر يا اما الناس بتغالط نفسها ، يا اما نفسيات ، والله اعلماقتباس:
المشاركة الأصلية كتبت بواسطة blazer
انا راى زى مستر سامح بالظبط انا هختار المازدا 3 لو مكانكاقتباس:
المشاركة الأصلية كتبت بواسطة justs
1-شياكة تلاقى
2-تسارع تلاقى
3-ثبات تلاقى
4-قطع غيار معمرة تلاقى
5-قطع غيار غالية بردة تلاقى
فيها كل حاجة تتمناها:,:
على فكره انا العربيه مع اتنين اصدقائى واحده موديل 2007 وواحده موديل 2008اقتباس:
المشاركة الأصلية كتبت بواسطة justs
وانا لو مش عارف مكنتش هرد !
والفتيس و الماتور متغيروش ودى نقطه ضعف فى اى عربيه انها تستمر بنفس تكنولوجى الماتور والفتيس بدون ادخال اى تعديلات عليه
يعنى اشترى عربيه جديده شكلا فقط بدون اى ادخالات جديده فى المضمون
تقدر تقولى ايه اللى اتغير فى المازدا و اتجدد فيها غير الشكل فقط !! وكام اوبشن زياده؟؟
لو حضرتك شايف ان الماتور والفتيس ملهمش حل كد وجامدين جدا و تكنولوجى هلامى سابق عصره بمئات السنوات الضوئيه
تفسر بايه ان اى شركه اوربيه لما بتنزل موديل سنه جديده من نفس العربيه بتحدث سوفتوير العربيه اقل واجب ما باللك بشكل جديد
غي كل دا فى فرق بين العربيتين الهاى لاين حولى 19 الف جنيه لو هى تستاهل الفرق يبقى مبروك على اللى يشتريها وربنا يحفظهاله
و فى الاخر اعوذ بالله من كل نفس اماره بلسوء
نيو سيراتو اولا
المازدا 3 دلوقتي لا لسبب بسيط جدا ان اللي هيجيب الشكل ده هيموت بحصرته لان كلها كام شهر وموديل 2010 ينزل وده شكل متغير تماما بس حلو
فلو عاوز مازدا 3 استنى الشكل الجديد
اقتباس:
اشجع الراى دا
المازدا برده ليها بعض العيوب زى انها واطيه على الارض
الكنبه الخلفيه ضيقه والشنطه مش واسعه
ملهاش توكيل او مركز معتمد لقطع الغيار
اعاده بيعها نقطه لازم تاخدها فى الاعتبار انها بتبقى ضعيفه شويه
+1
+1
+1
+1
ده من ركوبتي للمازدا بتاعت صاحبي
بس بردو النيو سيراتو من ورا الكنبه الخلفيه مش واسعه
http://www12.0zz0.com/2009/06/23/21/530763420.jpg
http://www6.0zz0.com/2009/06/23/21/602772891.jpg
http://www6.0zz0.com/2009/06/23/21/805909918.jpg
http://www6.0zz0.com/2009/06/23/21/378320423.jpg
http://www6.0zz0.com/2009/06/23/21/202178138.jpg
خليك ما بين النيو سيراتو
والنيو مادا
انما الكروز تابلوها وخاماتها بالداخل وحشه قوي على تمنها
وضيقه من ورا وشكلها من ورا وحش
المازدا عربيه ممتازه شبابيه قويه ....ومعمره وشكلها حلو سواء الجديده او القديمه
عيوبها
انها واطيه علي الارض بتخبط في المطبات.....ومع التحميل فيها سواء ناس قاعده او حاطط حاجات في الشنطه بتبقي ماساه
الكنبه الخلفيه صيقه جدا ومسافه الارجل ضيقه ....القعده في الكنبه مش مريحه عكس الكراسي الاماميه
الشنطه فتحتها صغيره بضايق عند التحميل فيها ابعادها طوليه كانها طرقه ...........
التوكيل مفيش........قطع الغيار غاليه ( لو كان بيفرق معاك)
وفي اوقات كثيره مش موجوده
هي ليها مراكز صيانه ....بس انت وحظك
اما السيراتو
العربيه شكلها حلو جدا
خامات التبلوه فقير في الفئات القليله لكنه حلو في الفئات الsx لوجود الجلد والنيكل
العربيه اوسع من المازدا بالذات في الكنبه
الشنطه اوسع وفتحه التحميل واسعه
قطع غيار ووكيل متوفيرين.........
طبعا موتورها رائع وتكنولوجي جديده وفيها عوامل الامان
عيوبها
العربيه مبقالهاش شهرين في مصر ولم يحكم عليها
ولكن من سمعه كيا وعربياتها علي مستوي مصر ممتازه
الخلاصه ........العربيه لو ليك لوحدك وشبابي ميفرقش معاك شنطه وكنبه ومعاك فلوسها تبقي المازدا
العربيه عائليه وعايز شكلها مميز ومعندكش مانع انك تركب عربيه ممشيتش كتير في مصر تبقي السيراتو
الكروز لالالالالالالالالالا
النيسان عربيه ممتازه لا غبار عليها وعائليه وقويه وشركه محترمه وقطع غيار وتوكيل ممتازيين
عيبها في نظري شكلها بقاله سنين لم يتطور
والكنبه اللي وراء ضيقه شويه مقارنه مع حجم العربيه ..بس الشنطه ماشاء الله واسعه
ومعاها حتوفر في فلوسك جامد وكمان حتبقي مطمن جدا....ومريح بالك من ناحيه العربيه
ملحوظه انا مجربه ال3 عربيات
اقتباس:
المشاركة الأصلية كتبت بواسطة blazer
دا برده راى ناس مجربين العربيه :Oc_sun1[1]:اقتباس:
المشاركة الأصلية كتبت بواسطة nano1980
أنت إيه الطريقة اللي بتتكلم بيها دى في الاول بتقول مافيش زي المازدا 3 وطبعاً مازدا من غير تردد كأن اللي يجيب غيرها يبقى غبي ودلوقت بتتخانئ مع الرجل عشان بيقول رأيو كل واحد حر يقول اللي يقوله لو حضرتك شايف حاجة غلط تقولهالو بشويشاقتباس:
المشاركة الأصلية كتبت بواسطة justs
اقتباس:
المشاركة الأصلية كتبت بواسطة blazer
متهيألي لو طريقتي مش عجباك ، كنت المفروض انت تتكلم بطريقة كويسة طالما مش عجباك طريقتي اللي هي مفيهاش غلط في اي حد ، لكن للاسف لا يتسم باي ذوق في الحوار ، وبعدين أنا مقولتش ان مفيش غير المازدا في كل العربيات ، لكن في المقارنة بكل ثقة المازدا افضل بمراحل منهم ، واللي مش عاجبه رايي هو حر ، انا بقول نصيحة لوجه الله ومحدش بيشتري حاجة لحد من جيبه وفي الآخر كل واحد بيشتري اللي عاجبه ، وبصراحة انا مش فاهم انت اتحمقت قوي كده ليه وبترد نيابة عن ناس تانية من غير مناسبة ويا ريت حتى بذوق ، عموما مفيش مشلكةاقتباس:
المشاركة الأصلية كتبت بواسطة mando_07
حاول تنزل تشوف كل عربيه على الطبيعه
انك تشوف العربيه على الطبيعه وتقعد فيها
بتفرق كتير فى الاختيار وهتلاقى نفسك حذفت بعض الاختيارات
وهتحصر نفسك فى عربيه او اتنين وساعتها تجى المقارنة والكلام