-
صيانة الألف
يا أحلي منتدى وناس أنا عندي سؤال مهم أنا معايا نيو أكسنت ٢٠٠٩ المفروض أعمل صيانة الـــ١٠٠٠
إيه المفروض يحصل بالظبط فيه وكمان لو عندي تعليق عن أي حاجة في العربية أقولهم زي مثلاً
١- العربية بعد ال٨٠ كيلو كده بترقص شوية
٢- تحت عند قدم السواق أو الراكب الأمامي يوجد فتحة تكيف الغطا بتاعها من النحيتين مهزوز شوية فل ده طبيعي
٣- كنت بمون في موبيل وقالي عن سائل كده مفيد قوي للعربية وللبنزين أسمهPostive Power -Mobile-
من فضلكم حد يقولي عن خبرته ولو في حد من المنتدي هناك في أبو رواش يقدر يساعدني
وكمان معلش أخر سؤال لو العربية فيها خبطة في الفانوس والإكصطدام الخلفي خبطة صغيرة في أي مشاكل
-
المفروض هتغير زيت و فلتر ولو عندك أي شكوي تبلغهم بيها
بالتوفيق
-
اولا ياسيدى الف مبروك على العربية وربنا يديك من خيرها ويبعد عنك شرها بص ياسيدي صيانة الألف هيغيرولك فيها الزيت ب5000 او 10000 زي مانت عايز وكمان هيغرولك الفلتر بتاع الزيت وهيبصولك على البطارية والبوجيهات وهيشيكولك على التكيف ودورة التبريد والفرامل طبعا لو في حاجة في العربية انت ملاحظها لازم لازم تقولهم عليها اما بالنسبة للسائل الى انت بتقول عليه فانا بصراحة مسمعتش عنه لو في حد في العضاء سمع عنه ممكن يفيدك
ومبروك مرة تانى
-
متشكر خالص والله يبارك فيك وبجد متشكر على الإهتمام والرد
-
انا كمان قربت اوى على الالف بعد متروح تقولنا حصل اية
-
العربية لسة زيرو متحطش أسمهPostive Power -Mobile ولا اى حاجة الكلام دة على بعيد قوى مش دلوقتى
-
ماشي الكلام يا ريس ده رأيك
-
انا عملت صيانة 1000 فى شهر 4 فى فرع ابو رواش
بس يا سيدى المهم ان حضرتك لازم تحجز معاهم وتاخد رقم فى الاول ولازم تروح بدرى يعنى الساعة 8
علشان الصيانة تقريبا بتاخد من3-4 ساعات
بيجى مهندس يستلم العربية منك وكل الملاحظات اللى عندك قولهالو ما عدا الخبطات هيقولك روح الهياكل ولو عربيتك متأمن عليها مش هتدفع حاجة
المهندس هيسألك عاوز زيت 10000ولا 5000 انت اللى تحدد بناء على استخدامك للسيارة يعنى لو بتمشى كتير يبقى10000 بس خلى بالك ان الزيت 10000 هو زيت تخليكى وطبعا سعره بالفلتر حوالى 237 جنيه (زيت شل الترا) وعقبال صيانة 5000
-
شكراً يا أستاذ سيد ده كلام جميل قوي ربنا يباركلك في عربيتك ويكفيك شرها
المهم أنا عندي سؤال أنا مخبوط في الأكصطدام الخلفي والفانوس كمان بس أنا مأمن في مصر للتأمين فهل هايعملوا العربية فعلاً من غير ما ادفع فلوس
لو حد يعرف ايه الإجراءات يقولي بعد أذنكم
-
حضرتك هتروح الهياكل وهيطلع معاك مهندس يعاين العربية ويقولك هتاخد وقت تصليح اد ايه وبعدين بياخد منك بيانات شركة التأمين وبيتصل بيهم علشان يبعتوا مهندس من عندهم لمعاينة العربية ودى كلها اجراءت بينهم وبين بعض وممكن حضرتك تتصل ايضا بشركة التأمين وتقول لهم ان عربيتك فى التوكيل وان هما يبعتوا مهندس من عندهم والمفروض ان الاصلاح على حساب التأمين يعنى حضرتك ماتدفعش حاجة
-
أنا متشكر قوي يا أستاذ سيد بجد على ذوقك ومساعدتك معلش أنا عندي سؤال أخير أنا العربية بحس بالمطبات قوي وكمان بحس بالأرض تحتي لو مش مظبوطة وأنت عارف شورعنا عاملة أزاي وكمان العربية بترقص شوية على ٩٠ أو فوق أنا أخري كان ١٠٠ بس فهل ده طبيعي أنا مستغرب
وكمان عايز أعرف إنت بتظبط العجل هوا على كام
جزاك الله خير
-
بصراحة انا مش عارف افيد حضرتك بخصوص هذه الملاحظات اصل انا عربيتى ماتريكس بس ممكن حضرتك تسأل المهندس اثناء عمل الصيانة واكيد هيجاوبك
-
Content Relevant URLs by
vBSEO 3.6.0 PL2