الى كل من استلم الكارينز ,, ياريت يا جماعة تساعدونا شوية ,,
مش لازم تقرير كامل لو متعب اوى كدة ,,
ياريت الاستلم يقول فى الموضوع دة ,, عشان فى ناس كتير واضعة قرار شراء العربية دى بناء على اجابات الاسئلة العايزين يسئلوها
ياريت يا جماعة محدش يكسل ,,
و شكرا
تعاطفك لوحده مش كفاية
اتبرع و لو ب Post
مفيش ولا واحد من ملاك الكارينز عايز يعمل تقييم ولو مبدئي حتى. مش لازم بعد الف كيلو او الفين
طب و بعدين ,,
طب ممكن بس لو حد استلم يقول ,, و احنا هنجمع الاسئلة المهمة عشان نسألها مرة واحدة
انا شوفت العربيه النهارده وتفرجت عليها من بره بصراحه واضح ان العربيه جميله ووسعه من جوه وشكلها فعلاً عائليه
على ما حد يرد
انا شوفت العربية في ابورواش
العربية تقفيلها ممتاز ..
واسعة جدا جدا
صالونها ذكي و مقنع جدا
و الله العربية تحفة ولو موتورها هوهو موتور السيراتو هايبقى معقول
أنا الحمد لله عملت صيانة الأف كم و العربة ممتازة الحمد لله من كل النواحى و أنا جاهز لأى استفسارات
اولا ربنا يباركلك فى العربية و يديك خيرها و يكفيك شرهااقتباس:
المشاركة الأصلية كتبت بواسطة shahata
و شكرا يا استاذ شحاتة على تعاونك ,,
دلوقتى فى كام سؤال ناس كتير بتسألهم و انا منهم ,, و العربية مانيوال صح ؟؟
1- هل التكيف مكفى العربية ,, بذات انها بتنزل برة بتكيفين منفصلين ؟؟
2- هل حكاية انهم عاملين ال4 عجلات ديسكات دى مفيدة و مكفية الحجم دة ؟؟
3- هل الموتور قوى كفاية انه يشد معاك على الطريق ؟؟
4- هل العربية تنفع فى الشد و الحرق ولا صعب تجرى بيها ؟؟
5- هل حسيت بأى عيوب تقفيل فى العربية ؟؟
و ياريت تقولنا ملاحظاتك الوحشة و الحلوة ,,
طبعا الاسئلة كتيرة بس عشان محدش عمل تقرير ,,
تحياتى
فى الحقيقة أنا شايف ان الفرملة بتاعتها كويسة ومش شايف أى عيوب فى التقفيل و شدها فى الطرق كويس فعلا و التكييف كويس كمان و لكن ما جريتش بيها أكتر من 120 كم / س لغاية دلوقتى و شايف انى فيها مميزات كتيرة زى الوسع من جوة و اتساع الشنطة و انها ناعمة و فيها متعة فى القيادة و كرسى السواق بتاعها مريح بس ركنتها مش سهلة أوى يمكن عشان لسة ما خدتش عليها أو انى نازل من عربية صغيرة و بردة مستعد لأى استفسارات أخرى.
الف شكر على ردك السريع دة ,,
بس ممكن حضرتك تشرح اكتر موضوع الشد و الجرى ,, يعنى هل حضرتك حاسس انها عربية كبيرة و تقيلة فعلا و لا العربية بتجرى عادى ؟؟
و ايه العيوب الحضرتك شايفها فيها ؟؟
هى عربية كبيرة فعلا و لكن مش تقيلة و تتميز باستقرار على الطريق و جريها و سحبها معقول اعتقد شبه شوية سكودا a5
الله ينور يا شوحتة انا بامسى عليك بس
ايوه كده اعمل لنا منظر فى المنتدى برضه
و ربنا يباركلك فيها يا ابو مصطفى
ياريت يا استاذ / شحاته تقلنا اخبار العفشة هل ناشفة ولا كويسة وهل ظهر اي عيوب امامك طبعا ربنا يحفظهالك .
[justify][justify][/justify][justify]الاخ شحاته[/justify]
السلام عليكم ورحمة الله
الف مليون مبروك عليك الكارينز وربنا يرزقك خيرها ويكفيك شرها
لو تكرمت كنت عايز اسأل حضرتك بعض الاسئلة عن العربية دي وارجو الاجابه من سيادتك بحيادية
اولا هذه السيارة تحفة شكلا من برة ومن جوه وانا من ساعة ما شفتها في معرض اوتوماك وانا عايز اشتريها وانا بفكر في النسخة الاتوماتيك منها وانا عارف ان وكيلها انتزع منها الكثير من الكماليات لينزل من سعرها اللذي كان 285 للنسخة الكاملة 2000 سي سي ليصبح 100 للعادي و 110 للاوتوماتيك في النسخه الحالية المعدله 1600 سي سي موتور جاما تايب و هو موتور متطور القدرة تكنولوجيا ليعطي 124 حصان..... ومن هذه المكونات اللتي تم انتزاعها صف الكراسي الثالث /وفتحة السقف/ وحساسات الركن /ومثبت السرعة/ والوسائد الهوائية /وكذلك كونسول الوسط بين الراكبين الاماميين/ واضواء الشبورة /ونظام الفرامل المانعة للانغلاق abs /ونظام توزيع قوة الكبح على العجلاتEbd ولكن قد يعادل ذلك بوجود اربعة فرامل ديسكات بالعجلات الاماميه والخلفية .........
واريد ان اسألك عن الاتي :
اولا /هل فعلا تشعر ان الموتور ال 1600 الجاما تايب مكافيء لحجم السيارة والسحب والمناورة العادية وانه فعلا ذو قدرة عاليه عن العادي ؟
ثانيا/ ماهو معدل استهلاك البنزين للسيارة ؟
ثالثا /ما هو مدى كفاءة الفرامل ؟ وكذلك في عدم وجود abs \ ebd هل يؤدي ذلك لاي انحراف اثناء الفرامل ؟
رابعا /ما هي كفاءة المكيف ؟ ومدى مناسبته للحجم ؟ خصوصا بعد نزع كونسول الوسط الذي كان يحوي فتحات تبريد للكنبة الخلفية .. ؟
والف مبروك مرة تانية واسف للاطالة ومنتظر ردك مشكورا وجزاك الله خيرا م./ هاني[/justify]
معدل استهلاك البنزين حوالى 9 لتر لكل 100 كم و بالنسية للموتور و التكييف مناسبين للسيارة و الفرملة لغاية دلوقتى اعتقد مناسبة و مش شايف صراحة فيها أى عيوب
بالنسبة للعفشة ممتازة
الاستاذ / شحاتة الف مبروك وربنا يبارك لك فيها
بداية نشكر حضرتك لتعاونك والرد على كل الاسئلة ولكن نرجو منك الرد بإسهاب
وليس على قدر السؤال كمان عايز أعرف أخبار ارتفاع السيارة عن الأرض عشان
المطبات وخصوصا لو حضرتك موجود معاك عدد فى السيارة أيضا السحب فى نفس
الحالة وهل ياترى يمكن إضافة صف ثالث فيها بمعنى هل هى مجهزة لذلك وشكرا
انا لسه هاستلم اخر الشهر بس اقدر افيدك ان ماينفعش تركب صف تالت لانها غير مجهزةاقتباس:
المشاركة الأصلية كتبت بواسطة hany667
يا ريت موضوع الشد و الجري و الغرز و كدا , علشان انا مش بستريح نفسيا غير و العربيه جايبه اخرها تحت رجلي بصراحه !!!!!!!!!!!!!!!!!
باشا عايز اعرف العربية عاملة اية معاك قبل ما اشترى
ؤشى ع ؤشمم ةث خى 0101004137
مبروك مقدما , بس مش مجهزة إزاي ؟ يعني مفيش مكان لها ؟ وإلا حضرتك تقصد إيه؟اقتباس:
المشاركة الأصلية كتبت بواسطة أحمد كمال
انا كمان الحمد لله استلمت ودى بعض الملاحظات الاولية
1- الشد والجرى ممتاز الحمد لله ومش حاسس انها تقيلة
2- استهلاك البنزين حوالى 200 فى الصفيحة بدون تكييف وحسب طبعا المشوار ودة جوة البلد لسة لما اسافر بيها هحسب
3- الوسع جميل جدا والعربية مديالك شعور انك سايق عربية 4x4
والتفييم ورا جميل جدا بس فى الاول بيعاكس فى الركنة لغاية ما تتعود عليها
4- العفشة معقولة وخاصا بعد ما ضبط ضغط العجل
5- الفرامل ربنا ما يحوجنا ليها فى حدود استخداماتى حتى الان ممتازة
لو فى اى سؤال تانى انا تحت امركم
دة المختصر فى الكارينز بناء على تجربة سيارة اخى
عربية عالية عن الارض
واسعة وتديك احساسا الجيب
حجمها من برة مش مزعج زى مكنت فاكر
الرؤية من الداخل واضحة جدا للامام والخلف بفضل المريات الكبيرة
العفشة فوق التوقع ناعمة جدا جدا جدا
الفرامل معقولة لكن لم اقم بختبارها بقوة
لم اجد لهذه السيارة اى عيوب او تعليق سلبى الا ان التوكيل شايل منها حجات كتير زى مسند الايد الامامى الفرامل ال اي بي اس ولكن بالنسبة لهذا السعر فالعربية ممتازة وافضل اختيار خصوصا للعائلة
بصراحة عربية جميلة جدا مش علشان انا اشترتها لا....... والله على ما اقول شهيد
انا مشيت بها فى طريق القطامية 140/150ممتازة ثابتة على الارض وعايزة تجرى معاك فى الملفات العادية كنت على 120/110
وفى ملفات السحنة وانتم اكيد عارفين يعنى اية ملفات السحنة الى عارفةطبعا.... موزونة مرونة فى التحكم بسم الله ما شاء الله ولا اروع من كدة وكان دة قبل المغرب شوية وكنت فى الزعفرانة على 130وكان بالليل اضاءة ممتازة حتى على النور الواطى اما العالى نهار يا جماعة
والله جميلة الى نفسة فيها يتوكل على الله ويصلى ركعتين استخارة زى انا ما عملت
وقلت يارب لو فيها خير يسرهالى ولو فيها شر ابعدها عنى ويسرالى احسن منها ...وربنا يسرهالى فى الكارينز الى انا كنت بحلم بيها ...اللهم مالك الحمد والشكر ..اللهم انت خير حافظ فحفظها لى...اللهم امين
وشكرا لكم جمعيا
دى عربيتى وعربيت صاحبى
مانيوال........واوتومايتك
http://www.moq3.com/up/upfiles/12x60495.jpg
دى تجربتى مع الكارينز اتفضل
http://www.nilemotors.net/Nile/118898-a.html