-
نهاية حساس - الجزء الأول
من كام يوم الشيطان لعب في دماغي قلت اعمل زي الجماعة المهرة بقيادة ممدوح وانضف الحساسات بقيت كل ما ألاقي حساس افك وهاتك يا wd 40 لحد القطنة ما بتكدبش وكان كل حاجة تركب تشتغل ومفيش مشكلة علي الرغم اني فعلا محستش بتغيير في كل مرة انضف فيها حساس جديد و اعمل ايدل ليرن وثورتل ليرن و ادلع القطة لحد ما في يوم لعبت في حساس بتاع ضغط الهواء ودة في عربيتي النوبيرا البريميوم لراكب علي صدر العربية ناحية التابلوة وواصل لة خرطوم فاكيوم رفيع من المانفول وفيشة ثلاثية الأطراف بخيت شوية من المنظف المذكور ونفضطة كويس وبركب و ادور وكانت الطامة الكبري السيارة بتدور وبعدين ال rpm ينخفض لحد اقل من 500 ثم تتوقف و طبعا لأني في شرم الشيخ و لأن البريميوم زي ما تكون عربية من كوكب تاني بقيت محتار اعمل اية مفيش سكانر بيقرأها وبعد فشل الميكانيكية في تدويرها والوصول للسبب قررت اقطرها لورشة تبع توكيل شيفرولية وهو اقرب حاجة للنوبيرا بعد ما اتصلت بمهندس معرفة في توكيل منصور في القاهرة قلي روح الورشة بتاعتنا يكشفو عليها ولو طلع دة السبب انا موجود عندي الرقم بتاعة لأنة زي بتاع الأوبترا ابعتة ليك ودة تمنة 261.5 بالتمام والكمال رحت وقطرت العربية وانا حزين منظر عمري مكنت اتصور اني اعيشة ابدا اني اشوف القطة الي لسة شاريها من شهرين وبدلع فيها كأنها واحدة من بناتي مقطورة بالشكل دة وسبتها ست ساعات عند ورشة شيفرولية وانا معتقد ان الأسكانر هيعمل عمايلة ويجيب التايهة اقي المهندس وفريق العمل عمالين يفكو البوابة و الطرمبة بتاعت البنزين و البوجيهات وبرضة نفس العرض موجود ويقولي انت عملت اية في العربية اقلة صدقني انا فكيت البرص دة بس وركبتة تاني متتبع الخطوات الأفعوانية اللوزعية من فصل الكابل السالب ثم الموجب ثم فيشة الحساس ثم اعادة كلة بالعكس تماما ولا تزال القطة في الورشة لحد بكرة ولا عزاء في الحساسات وورش مصر .
-
, و الله قلبي عندك عموما ربنا يقومها بالسلامة و ان شاء الله خير
-
حتتطلع منها ان شاء الله
بس لازم تصالحها
-
-
السلام عليكم
اخي اكريم لا تقول الا قدر الله وماشاء فعل
طبعا لازم تتاكد انك بس مجرد سبب في حدوث هذا العطل وكمان انا مقدر اد ايه الواحد سعتها بيبقي عايز عقارب الساعه ترجع للخلف عشان يرجع عن هذا الامر اللي سبب العطل
لاني والله حدث معي ما هو اضخم وابكي ولكن الله لطيف بعباده وهو ارحم بالعبد من الام بولدها
شوف بقي اللي حصل معاي
معي رينو كليو 2004 جير اتو مجودة معي بالسعوية في منطقة نائية ومفهاش مسمار للرينو وطبعا ياباشا الرينو هنا قطع غيارها توكيل فقط
المهم بعد ما استلمت السيارة من صاحبها السعودي طبعا حبيت اعمل فيها واعي واغير زيت الجير ورحت لواحد دارس ميكانيكا وكمان شغال بورشة والكل يشيد به وجبت الزيت وكله تمام وقلت له عايز اغير زيت الجير قال ماشي وفك مسمار ماسك غيارات الجير والروس علي انه طبه الزيت وركب الزيت ويجي يركب المسمار لا يمكن وفضلنا خمس ساعات نحاول وبعدين اتصلت علي مهندس التوكيل قال الله يعوض عليك في الجير وجيب السيارة نغير ليها جير وما ادرالك ما التكلفه
المهم ربنا كريم وفضلت ملازم الدعاء والتضع لله ثلاث ايام ومفيش حل ولا حتي اي توكيل راضي يقبل انه تدخل عندهم المهم جاي واحدي علامات التقوي والصلاح علي وجه نحسبه كذلك ولا نذكي علي الله احد وبسم الله شغلت السيارة وبدأت اغير الغيارات ووضع المسمار وتم بعد عدة محلاولات تركيبه مكانه وتحركت السيارة بعد ما كانت جثه هامدة
عايز اقول لك لا تنسي ذكر الله والتضرع والبكاء لله في صلاتك وصدقني حلها قريب ان شاء الله والله يوفقك
اسف علي الاطاله
تقبل تحياتي
-
انت بتنضف الحساسات ليه ؟ هي بتتنضف اصلاً
-
-
يا جماعة مفيش حساسات فى الدايو بتتنضف... الحاجة الوحيدة اللى بتتنضف هى الايدل كونترولر
MMamdouh
-
متشكر ياجماعة علي المشاعر دي وعلي فكرة في عندي اتنين حساس علي المانفول نضفتهم قبل كدة وكانو فعلا متسخين بشدة لكن حساس ضغط الهواء لانظافة لة
-
الحمد لله الحساس map اتغير واتكلف 310 جنية + جوان غطاء تاكيهات 45 ج +طقم اسلاك بوجيهات 75 ج و العربية اتظبطت احسن من الأول بس عاوز طقم رشاشات.
يرجى تحرى الدقة فى كتابة لفظ الجلالة
مشرف القسم
Content Relevant URLs by
vBSEO 3.6.0 PL2