الموضوع: رابطة مالكي البطة - لانسر 1992 : 1995

و سعرها كام ؟؟

المشاركة الأصلية كتبت بواسطة esso223344

ياجماعة انا دايخ علي كونسولة الفتيس بتاعة لانسر بطة مش لاقيها وسالت عليها في التوكيل قالي القطعه ده بالذات مش بتيجي والكونسوله بتاعت العربيات اللي دريكسيونها يمين مبتركبش عندي ايه الحل بابطاويه انا شاريها مستعمله من غير كونسوله

اناشوفتها عند واحد في المنصورة اسم المحل تقريبا هريدي كانت سالته علي تمنها قالي 200 جنيه ولو نها فيراني

مساء الخير على كل الموجودين
انا معايا عربة لانسر البطة لكن مفهاش باور وكنت عايز اركبها باور حد يعرف ممكن يكلفنى كام واجيبوا منين وهل هيبقى فى مشاكل لو ركبتة ولا هيركب على طول من غير مشاكل على اساس انة بتاعها

انا معايا عربية لانسر مو 93 البطة و التكيف فى الاول كان ضعيف جدااا و ضغط الهوا كان ضعييف جدااا وسرعات المروحة مش شغال غير سرعة واحدة ولما دخل الصيف روحت اشحن التكييف والراجل شحن التكييف والتكييف اشتغل والعربية واقفة زى الفل فقولت تمام التكييف تمام ولكن لما الصيف اشتدد التكييف ابتدى يعمل حاجة غريبة جدااا انة بيقفش والعربية ماشية ويخلى العربية تبطل وبعد لفة طويلة عند بتوع التكييف اللى بيفهم واللى مبيفهمش ولكن للاسف مرحتش لحد بيفهم فكانوا بيقولولى ان دة عيب الماتور واللى يقولى عيب ضغط واللى يقولى الكهربا مش مظبوطة واللى يقولى التاكيهات وتوهان لكن سالت الميكانيكى بتاعى اللى انا بثق فية جدااا قالى ان الكباس او الكومبروسور دة بيقفش لما بحمل عالية وانة ممكن يقفش وانا ماشى وميشتغلش تانى وقالى انى هحتاج كومبروسور وفعلا لما جربت رفعت العربية وجبت غيار وشغلت التكييف ولقين فعلا ان الكومبروسور بيقف ويخلى الماتور يقف اكن حد وقف السيور وبالفعل الصيف دة رحت امبارح عند اولاد عشم فى شارع بيورت اجيب من عندوا المقاومة المسئولة عن السرعات وفعلا الراجل ادهانى ب100 جنية وركبتها وخليتة يبص على التكييف وقالى انى لازم اغير الكومبروسيور والفلتر والاكسبنشن وقالى كل دول بالشحن و تنضيف الدورة وانة هيظبطلى العربية زى الكتاب مبيقول وكمان هيدينى ضمان على التكييف والحاجة اللى هيجبها وهتتكلف 1100بالمصنعية وانة كمان هيركبلى كباس بتاع لانسر 2000 لانة نفس القاعدة واحسن فى الاداء واخف على الماتور
وبصراحة الراجل كلامة كلة ثقة واتفقت معاة انى هجبهالوا اول الشهر
ولكن وانا مروح قولت اعدى على مركز ديافيا الى بسمع عنة فى المنتدى قابلت المهندس وقالى ان الكباس بتاعها مش عندوا وان الكباس جديد ب2200 وان الشحن ب250 والفلتر 225 وانى لازم اغير الاكسبنشن وقولتلوا لو جبتلك الكباس قالى كل مرة هنشحن فيها هناخد 225 شحن و110 مصنعية وتقريبا قالى انت محتاج تقريبا 4000 علشان تعمل التكييف او ممكن نجيب تكيف مش بتاعها اللى هو ساندن ونعدل فية ونعملوا قاعدة والشغل ياخد يومين وبعدين قالى طيب متجيب العربية يمكن التكيف بتاعها بايظ والتلاجة بتسرب واعرض عاليك اركبلك تكييف ب3000 جنية وقعد يقولى انا بركب تكيف فى العربيات من الالف الى الياء وبصراحة كلامة معجبنيش اية رائيكم يا رجالة

السلام عليكم انا كان عندي خرطوم التكييف الواصل من الكباس الي السربنتينة اتقطع وطبعا سرب الشحن الكلام دة من الصيف اللي فات قلت اروح امبارح اظبط التكييف عند محل في شارع دمشق بدون ذكر اسماء مؤقتا المهم رحت فك الخرطوم وكبسة وغيرت بالمرة المجفف وكبس الدايرة هواء قال كلة تمام جينا للشحن انا عربيتي 12 قال عندة 406 قلت مش مهم كبس واشتغل التكييف بس التسقيع مش جامد زي ال12 ما علينا شوية وفك المروحة من غير مااقول عنها حاجة هي كان فيها صوت ونة بسيط ميستهالش اقول عنة المهم فكها وبعدين في حساس بيكون عند الكويل بيخلي الكباس يفصل عند درجة حرارة معينة راح بعدة شوية عن الكويل وطبعا الكباس فضل شغال حوالي 10 دقايق من غير ميفصل وكان بيزود العربية بنزين من الكبوت وبيبص علي الكباس وبعدين قالي بص الكباس بيهرب قلتلة ازاي انت مش كابس هواء الاول وقلت مفيش تسريب قالي اصل دة مش بيبان غير لما الكباس يشتغلمع العلم انا كباسي كان تمام ومفيش اي شكوي منة معاي كلكم علي فكرة في واحد بردة كان مغير كباس بردة عندهم وانا واقف وكان بردة مستغرب ان كباسة كان سليم ودفع 2300 تمن كباس جديد المهم اتنكدت علي المصاريف اللي راحت في الارض قالي انا عندي كباس ممكن اركبة دلوقت وفكر بسرعة قلتلة بكام قالي 700مستعمل وب2500جديد انا مكانش معايا يكمل قلتلة افكر واجيلك المهم دفعت فريون 130 ومجفف 90 وخرطوم 120 طبعا كتيير جدا علي الخرطوم انا عاملة من سنتين ب40 المهم وزيت 20 ومصنعية 30 بعد الفصال دفعت 375طبعا مشيت وانا متنكد وبعديها بشوية قلت ابص علي الكباس والتسريب اللي ظهر فجاءة لقيت مفيش حاجة قلت اتاكد اكتر رحت لبتاع تكييف تاني بص يا عم علي الكباس جاب صابون وقعد يحط قالي تمام مفيش تسريب امال اية انا مش عارف انتوا رايكم اية هل حركة فصل الحساس وتزويد الموتور ممكن تخلية يسرب موقتا عشان الضغط علية من غير فصل وهل هي حركة مقصودة عشان اغير كباس عندة ولا اية معلش طولت عليكم بس عشان اطمن ولو كدة وطلع نصاب هقول اسمة عشان محدش يتعامل معاة وشكرا الكلام دة كان 12/5/2011 ومازال الكباس زي الفل ابعد عنهمممممممممممممممممممممم مممممممممممممم

[size="7"]الناس دية شغلها مش تمام ابعد عنهم خالص انا كتبت الموضوع هنا قبل كدة بتاريخ 12/5/2011 تحت اسم محتاج رايكم ضروري انا اخذت منة كوبي وحطيتة فوق