ينفع أعدل بيجو 305 علشان يتركبلها كشافات أمامية بيجو 504 ؟؟

**walids** · 23-06-2009 02:29 AM

السلام عليكم

انا بدور علي كشافات أمامية لعربيتي ال 305 ، فكنت بفكر في فكرة و هي اني أعمل تعديل لعربيتي بحيث انها ينفع يتكربلها كشافات ال 504 ، بس مش عارف هينفع ولا لا ، و هل هيبقي شكلها ظريف ولا لا ، فأنتم ايه رأيكم في الفكره ؟؟

**the-hero** · 23-06-2009 04:57 PM

غير الشكل لإاهم حاجة فى اى عربية بيجو ضبط الصدر بالفوانيس بالشبكة
وأعتقد انها مش هتنفع خصوصا فرق الطول والعرض وكمان محاذاه الرفارف والكبوت
وكمان الموضوع ده هيتكلف
الأصلى مفيش احسن منه
واعتقد اننا مش هنفهم أكتر من الجماعة المصنعين ليها أكيد هما وصلوا بيها لأحسن وضع
هات جوز فوانيس استيراد اوجديد بتوعها وهما مش غاليين وشوف سمكرى شاطر يضبط لك الصدر

**walids** · 24-06-2009 12:57 AM

أشكرك يبو حميد ،، والله انا سالت واحد في اسكندريه بس حاسس انه غالي : قالي سعر فانوس تايواني جديد ب 110 ج ، و سعر فانوس اصلي فرنساوي جديد ب 195 ج ، فمش عارف اشتري التايواني ولا فيه أرخص من كده

**mood_8210** · 26-06-2009 04:17 AM

اكيد طبعا شكلها مش حيبقى ظريف خالص و نصيحة ليك لو مش عاوز تشترى فوانيس اصلى اعملها جوز فوانيس صب مبيتكلفوش كتير و ممكن تلعب فيهم من جوة سواء تعملهم رينجات او اى حاجة تخلى شكلهم ظريف

**walids** · 27-06-2009 01:43 AM

صب أزاي ؟ أنا عندي 2 فانوس بس نورهم مطفي ، مش مظبوطين ، فيهم واحد اتصب نيكل قبل كده و معملش حاجه

**hesham_shousha** · 27-06-2009 05:06 AM

السعر اللى وصلتله كويس وأنا جبت التايوانى ب 160 جنيه وشغالين زى الفل

**walids** · 27-06-2009 06:10 PM

اهلالالالالالالالالالا بشمهندس هشام ، نورت المنتدي ، طيب تمام اي ريحت بالي ، هجيبهم بقي و خلاص

**islambana** · 27-06-2009 10:34 PM

لو عايز تلعب ممكت تجيب 4 فوانيس بتوع 132 او لادا 2105 وتروح لسمكري يعملك قاعده ليهم تبقي شبه الفوانيس المريكاني بتاعت ال504 (اللي موجوده في توقيع mood_8210 فوق او تشتري الفوانيس بتاعت عربيتك غير كده لا