حادثه بين صنى وكرولا وقت ماتش مصر وامريكا

الحمد لله رب العالمين

يوم ماتش مصر وامريكا كنت مروح من الشغل بعربيتى الصنى مو99 وماشى سريع نسبيا علشان الحق الماتش

المهم لفيت صلاح سالم زحمه قلت اخرم من جوه ناحيه التوحيد والنور

وفى احد التقاطعات قبل ما اخرج على صلاح سالم عند كوبرى الجلاء - كنت ماشى حوالى 60 فوجئت بعربيه كرولا برضه ماشيه بسرعه جايه من على يمينى فى التقاطع

مسكت فرامل وهو كمان مسك فرامل بس للاسف هو دخل فى الجنب اليمين عندى فلفيت معاه شمال علشان اقلل تاثير الخبطه يقدر المستطاع

نزلت لقيت عربيته منتهيه تملما وبقت اشلاء ( كبود فوانيس شبكه رادياتير و كمان الشاسيه اتلوح يمين كله )

اما عندى لقيت رفرف يمين - عفشه الناحيه اليمين كلها ( العجله اليمين قدام داخله لجوه ومسمعه فى الحوض شويه وطبعا الرفرف والباب اليمين )

العربيه بتدور بس مش بتمشى لان غالبا المقص والكولبن والمجموعه التوجيه اليمين مدغدغه

المهم الولد كان شاب محترم ومعملش اى حركه نقص - كلمته وقلت الحمد لله ماحدش اتعور

كل واحد جاب ونش وشاله القيتل بتاعه

والحمد لله على كل حال

السوال هل فيه حد ممكن يساعدنى اصلحها فين عند سمكرى وعفشجى كويس ؟

انا ساكن فى مصر الجديده وقريب من الحرفيين

كنت سمعت ان كريم منير يعرف سمكرى وبتاع بويه كويس

ياريت حد يساعد يا اخونا اخوكم مزنوق


نصيحه بص كويس قبل كل تقاطع ومتستعجلش وانت مروح !

قدر الله و ما شاء فعل
حمدآ لله على سلامتك
أهم حاجة أنك بخير
أن شاء الله العربية تتصلح و ترجع زى الأول

قدر الله و ماشاء فعل ياباشا

قدر الله وما شاء فعل

الحمد لله انها جت على اد كدة
المهم انت كويس

معلش يا جميل محدش عارف كان ممكن يحصل ايه لو مشيت متر زيادة . اقضي اخف من اقضي و الحمدلله انها جاءت علي اد كده
انا عربيتي صني 2009 وواحد متخلف خبط العربية من الخلف و انا واقف في اشارة مرور بعد المعادي متعرفش بقي كان نايم و لا بيتكلم في الموبايل
المهم عملتلوا محضر عشان شركة التامين و العربية استلمتها و كلفت 9000 جنيه في التوكيل شنطة و فانوسين خلفي و اكصدام و صدر خلفي لأن التوكيل مصلحش حاجة .. شال القديم و ركب جديد علي طول
عشان كده العربية مقعتدتش كتير في التوكيل .

بس السؤال الذي يطرح نفسه الكورولا كانت موديل كام ؟

الكرولا موديل 2002

اقتباس:

---

المشاركة الأصلية كتبت بواسطة largeman

معلش يا جميل محدش عارف كان ممكن يحصل ايه لو مشيت متر زيادة . اقضي اخف من اقضي و الحمدلله انها جاءت علي اد كده
انا عربيتي صني 2009 وواحد متخلف خبط العربية من الخلف و انا واقف في اشارة مرور بعد المعادي متعرفش بقي كان نايم و لا بيتكلم في الموبايل
المهم عملتلوا محضر عشان شركة التامين و العربية استلمتها و كلفت 9000 جنيه في التوكيل شنطة و فانوسين خلفي و اكصدام و صدر خلفي لأن التوكيل مصلحش حاجة .. شال القديم و ركب جديد علي طول
عشان كده العربية مقعتدتش كتير في التوكيل .

بس السؤال الذي يطرح نفسه الكورولا كانت موديل كام ؟

---

هى شركه التامين الى انتا معاها اسمهاايه؟
ومامن بكام %؟
وايه الاجرائات عشان تصلح العربه؟
وهل شركه التامين ادولك فلوسك على طول ولا دايقوق وغلبوك ؟
انا هاشترى صنى جديد ومحتار اامن فين لان الاسعار متفاوته تبدا من 2.6 الى 4.25
وكلهم بيدوك وعود بالخدمه الكويسه لكن انت عارف ان احنا احسن ناس بنبيع كلام وطبعا التجربه خير برهان
وشكرا ليك
م/ اسلام

قدر الله وماشاء فعل متزعلش نفسك دى كلها اقدار

قدر الله وماشاء فعل
خد النصيحة من مجرب اوعي تصلح برة التوكيل اللى حضرتك هاتدفعه فى الحرفيين هاتدفع زيه فى التوكيل يعنى هاتصلح عند اى ميكانيكى مهما يكون مش هايطلعها بنفس نتيجة التوكيل يعنى بعد ما تستلم العربية من الميكانيكى كل شوية هاترجعلوا تانى والدهان هاتلقيه شكله بيتغير بعد فتره من الأفضل روح التوكيل حتى لو الموضوع هاياخد وقت...............

قدر الله و ماشاء فعل ..
و 1000 حمد لله على سلامة حضرتك ..

اقتباس:

---

المشاركة الأصلية كتبت بواسطة eslamenan

هى شركه التامين الى انتا معاها اسمهاايه؟
ومامن بكام %؟
وايه الاجرائات عشان تصلح العربه؟
وهل شركه التامين ادولك فلوسك على طول ولا دايقوق وغلبوك ؟
انا هاشترى صنى جديد ومحتار اامن فين لان الاسعار متفاوته تبدا من 2.6 الى 4.25
وكلهم بيدوك وعود بالخدمه الكويسه لكن انت عارف ان احنا احسن ناس بنبيع كلام وطبعا التجربه خير برهان
وشكرا ليك
م/ اسلام

---

الاستاذ / اسلام

انا مأمن في شركة قناة السويس للتامين
التامين بـ 2300 جنيه في السنة مع نسبة تحمل و نسبتها 004, %
بصراحة انا لسة مأخدتش الشيك لسبب انا مقدره و هو ان الشركة الايام ديه في تقفيل سنة مالية
و قالولي ان هستلم الشيك بعد 01\07\2009 فقولت مش هتفرق كتير
المهم تكون مستنداتك حاضرة عشان الشيك ميتأخرش عليك
الاجراءات :
1- اول لما تحصل الحادثة تعمل محضر علي طول
2- تتصل بالشركة و تخطر بالحادث خلال ثلاثة ايام
3- تروح بالعربية التوكيل و تخليهم يحضوا مقايسة بالاصلاحات
4- تتابع مع الشركة عشان تتاكد من ان المهندس راح يعاين العربية في التوكيل
5- اول لما العربية تتوافق مع الشركة بالتصليحات ... عليك بالمتابعة مع التوكيل عشان يخلصوا العربية
6- اول لما العربية تخلص تتصل بشركة التامين عشان المهندس يروح يعاين العربية بعد التصليح مباشرة
7- و بعد كده تطالب شركة التامين بالشيك

و ربنا يحافظ عليك و انشألله ميحصلش اي حاجه لعربيتك لأن المشكلة الوحيده في الموضوع ده كله العطلة لما بتكون العربية مش معاك

و اي خدمه

قدر الله و ما شاء فعل
حمدآ لله على سلامتك
أهم حاجة أنك بخير
أن شاء الله العربية تتصلح و ترجع زى الأول

حاجه جميله ان يتفاعل اى شخص عنده مشكله مع مجموعه من اعضاء منتدانا الحبيب الذين لا يبخلون بالنصيحه او المساعده وهو فى وقت المحنه

الحقيقه انا باشكر كل من تكرم بالمرور او الرد فى هذا الموضوع

انا ولله الحمد راضى بقضاء ربنا سبحانه وتعالى وطالما البلاء جه فى الفلوس يبقى رحمه من ربنا

قدر الله و ماشاء فعل

قدر الله و ما شاء فعل اهم حاجه انك بخير .

قدر الله و ما شاء فعل
حمدآ لله على سلامتك

قدر الله وماشاء فعل

حمدلله على سلامتك

اقتباس:

---

المشاركة الأصلية كتبت بواسطة largeman

الاستاذ / اسلام

انا مأمن في شركة قناة السويس للتامين
التامين بـ 2300 جنيه في السنة مع نسبة تحمل و نسبتها 004, %
بصراحة انا لسة مأخدتش الشيك لسبب انا مقدره و هو ان الشركة الايام ديه في تقفيل سنة مالية
و قالولي ان هستلم الشيك بعد 01\07\2009 فقولت مش هتفرق كتير
المهم تكون مستنداتك حاضرة عشان الشيك ميتأخرش عليك
الاجراءات :
1- اول لما تحصل الحادثة تعمل محضر علي طول
2- تتصل بالشركة و تخطر بالحادث خلال ثلاثة ايام
3- تروح بالعربية التوكيل و تخليهم يحضوا مقايسة بالاصلاحات
4- تتابع مع الشركة عشان تتاكد من ان المهندس راح يعاين العربية في التوكيل
5- اول لما العربية تتوافق مع الشركة بالتصليحات ... عليك بالمتابعة مع التوكيل عشان يخلصوا العربية
6- اول لما العربية تخلص تتصل بشركة التامين عشان المهندس يروح يعاين العربية بعد التصليح مباشرة
7- و بعد كده تطالب شركة التامين بالشيك

و ربنا يحافظ عليك و انشألله ميحصلش اي حاجه لعربيتك لأن المشكلة الوحيده في الموضوع ده كله العطلة لما بتكون العربية مش معاك

و اي خدمه

---

الاجرائات كتيره والعربيه بتعطل فتره طويله حاسس بالشكل الى حضرتك شرحته انها هتاخد اسبوع ده فى حاله ان التصليح هياخد 3 ساعات عمل بس
ربنا يكون فى عونك والف حمد الله على السلامه وقدر الله وما شاء فعل
وشكرا ليك وللتفاعل المثمر
م/ اسلام