في فرع روكسي اللي هو كان بتاع بي ام زمان
و التوكيل كله ناس محترمة
ممكن تكون عملت صيانة الألف و الكشف الدوري بتاع كل خمسة ..
اتأكدي منها دفعت فلوي ولا كان كشف مجاني
انا متشكر على المجهود الرائع
وباركولى انا جبت السيراتو الشكل الجديد
وطلعت عربية ممتازة جدا
على الرغم انى جايب المانويل بس انا بحس انها مش اقل من اى عربية اوتوماتك اومانيول اخرى
بل وبحس احيانا انها زى المريدس b150لانها واسعة من جوه اوى
وانصح بان كل واحد يشتريها
أنا حجزت الصيانه بس متردده هو الأحسن إنى أستنى لما أوصل لل 5000 ... أنا دلوقتى عامله 2400 كم ..و قالولى فى الصيانه هايعملولى صيانه الألف أو ال5000 أيهما أقرب ....
أنا عيزه أعرف إيه الأفضل أن أنتظر لغايه ما أوصل لل 5000 ولا مش فارقه أروح و خلاص ؟؟
كمان عايزه أعرف لو هاروح أعمل إيه علشلن أنا هاروح لوحدى و ماعنديش خبره و أخاف يخمونى فى حاجه ؟؟؟
حضرتك الكتالوج فيه ان اول صيانة هي صيانة الألف كم
و عموما هي تغير زيت و فلتر و تأكيد على نقاط الفحص وهي هي سواء في ال1000 أو عملتيها في ال5000
يبقى أضمن و أفضل
تنزلي زيت وفلتر الفابريكة بدري أقرب حاجة لتعليمات الصانع
و تحطي زيت 10 الاف و تنزليه في صيانة العشرة الاف بدري على معاده و ده كويس برضه مش وحش ...
حضرتك لو هاتروحي أبورواش
تروحي الصبح بدري ...
بيبدأوا الساعة 8 صباحا
هاتروحي تطلعي المطلع بتاع الدخول
السيكيوريتي هايحط على العربية مكعب عليه الرقم
تدخلي اليارد بتاعتهم هاتقابلك موظفة جميلة و مهذبة ومتكلمة
وهاتدي حضرتك ورقة فيها اللي هايتم في الصيانات و تكتبي أي ملاحطات عايزاها في العربية
و بعدين تستلم من حضرتك العربية
و هاتنزلي السلم تنتظري في قاعة انتظار ظريفة فيها تلفيزيون كبير و wi fi و ترابيزة بريك فيها شاي و كوفي ميكس و نعناع و حاجات من دي
وممكن تقضي وقتك في سبر أغوار العربيات اللي في الشو رووم بحرية شديدة من أول البيكانتو لحاااد السورينتو ...
هما ساعة ولا ساعتين وهاتلاقي اسمك على الشاشة بيحد انك انتهيتي
تطلعي فوق
تستلمي العربية
تدفعي مبلغ الصيانة المذكور
تاخدي تصريح الخروج
و بس
و هما الصراحة ذوق ..ما بيخموش حد ولا بيدحكوا على حد ومحترمين فعلا
الف مبروك
بجد موضوع رائع تسلم ايدك وياريت تكلمنا اكتر عن الشوما
يا شباب رايكم ايه في optima 2008 2000cc
الف شكر يا باشا على المعلومات الجامدة وربنا يزيد ك كمان وكمان معلش لى استفسار صغير اخى ناوى يشترى عربية كيا برايدعصفورة وعاوز يعرف اخر موديل ليها نزلواسعار قطع الغيار عاملة ايه والاشياء التى يجب مراعتهافى العربية والحاجات اللى يبص عليها وهو بيشترى-------- أسف على الاطالة---- ولكم جزيل الشكر------سبحان الله وبحمده -- سبحان الله العظيم
سبحانك اللهم وبحمدك ، أشهد أن لا إله إلا أنت أستغفرك وأتوب إليك - ايه يا جماعه انتو نمتو ولا ايه