صوت زنه فى فتيس الماتريكس الاوتوماتيك الى خبراء نايل موتورز

**thegreatnileman** · 09-10-2007 12:43 AM

السلام عليكم ورحمة الله وبركاته

من كام يوم كنت مروح قبل الفجر بساعه يعنى الدنيا كانت هاديه لاحظت صوت زنه خفيفة بتظهر عند نقل الفتيس من ال Nالى ال Dاو ال R
صوت زنه تتبعته لقيته صادر من عند الفتيس تحت البطارية بيعمل بالضبط كده ززززززززززززززززز لمدة ثانيتين او ثلاثة ويسكت ياترى هلى ده عادى فى كل الماتريكس الاوتوماتيك ولا لا برجاء من الاصدقاء بالمنتدى اللى معاهم الماتريكس اذا كان ممكن يشوفو ده فى عربياتهم ولا لا بس لازم حد يفتح الكبوت ويسمع بنفسه وحد تانى ينقل النقله

معلهش انا اسف لتعبكم بس عاوز اطمئن

**sab3aawy** · 09-10-2007 02:07 AM

ممكن يكون الصوت ده عادى لحظة تعشيق كلاتش النقلة الداخلى

وعلشان تتأكد انه لحظة تعيش الكلاتش خلى حد يركب السيارة ويعشق الD ورجله على الفرامل ، وأول ما يحس بنتشه التعشيقة خلصت يديلك صوت ، ولاحظ عندها هل الزنة انتهت ام لا

لو مكانش كدة او لو كان الصوت مش متكرر فى ماتريكس اخرى جرب تغير زيت الأوتوماتيك

**thegreatnileman** · 09-10-2007 02:38 PM

لحظة تعشيق كلاتش النقلة الداخلى

هو فعلا كده وفيه عضو محترم بالمنتدى اسمه AMIR FAROUK
طممنى وقاللى انه عنده نفس الصوت الحمد لله

والف الف شكر على اهتمامك

**Adham** · 09-10-2007 03:52 PM

لا علامة مش كويسة و مش مبشرة

و اعتقد ان و العربية باردة الصبح مش حاتسمع الصوت دة

لكن و هي سخنة او مركونة شوية اقل من ساعة بعد مشوار سخن حاتسمعه, و دة مش من الكلاتشات, لأن الكلاتشات مالهاش صوت, دة صوت التروس بتعشق, ممكن يكون البودي فالف او الكلاتشات فيها تآكل فابتخلي التروس ماتعشقش على بعض مضبوط و الله اعلم

اكشف على العربية في التوكيل و بالذات لو في الضمان و اشبط انهم يصلحوهالك

وممكن تجرب تغير زيت الفتيس بزيت مضمون بس ماعتقدش ان الموضوع دة حايجيب نتيجه

بس جرب زيت شل ديكسترون في جركن صغير اسود و علية تكت اخضر و صناعه كندي

حاتلاقية في محطات شل بس و الكيلو ب 17 جنية

دة انضف و اضمن زيت ATF في السوق