اقتباس:
المشاركة الأصلية كتبت بواسطة haitham10
أ / ايمن
متشكر جدا لردك انا بس كنت عايز اقول اللي محيرني
انا عايز ثبات بجد ... واقصد بيه هنا حاجه زي اللانسر لان كان معايا سوبر اكشن وثباتها ممتاز بجد وعفشتها الرياضيه تحفه
وطبعا صوت هادي للموتور وعزل كويس للكابينة عن الموتور .. وبموت في الصوت الناعم
تسارعها جيد مش لازم قرص وتنعير (اوتوماتيك) عشان السرعة تزيد واحس بيها وبعزمها
انا بس اللي مقلقني اني شفت ارقام في الصيانات هنا غريبه وقطع الغيار ودة العيب الوحيد الي انا شايفه غير كدة حضرتك ممكن ترد عليا في الباقيين وتكون فهمت قصدي لاني مجربتها
وكمان ياريت تكون عالية عن الارض
وهي اخدت كام في اختبار التصادم الاوروبي
دول اللي فبالي فياريت تكون فهمت قصدي وتجاوبني عليهم فهل البيرسونا اختيار صحيح ؟
ياباشا انا تحت امرك فى اى استفســـار
بخصوص الثبات ... اولا هى دى اول ميزه بقولها عن سيارات بروتون قبل اى حاجه ..
ثباتها يضاهى الثبات الالمانى فعلا .... وافضل من الانســر.
عزلها كويس جدا جدا ... بس صوتها مش ناعم خالص ... صوتها قوى وبالذات لما تحرق ... ودا تصميم الموتور الكامبرو اللى فيها (لانه بيدى الطابع الرياضى فى القياده)
---
تسارعها جيد جدا ... ومش محتاج تقرص جامد عشان تزود سرعه معاك
---
وعاليه جدا عن الارض ... باخد اكبرها مطب من غير حاجه خالص..
---
قطع غيارها وتوفرها ... فعلا تعتبر من المشاكل اللى فيها ...
لانها تعتبر غاليه على سعرها ... وكمان بعض قطع الغيار مش بتكون متوافره دايما (على سبيل المثال ماكينة الازاز)
او ممكن نقول بالمختصر انها توكيلها هو اللى فيه المشكله .... يعنى هادى لحضرتك مثال...
حضرتك طلبت ماكينه ازاز مثلا .... فهما يقولولك تمام بعد اسبوعين يافندم هنكلمك
وخلاص على كده ... ولا يتكلم ولا يسال ... لازم العميل اللى هو -انا وانت- اللى نتابع معاهم ... يعنى بعد اسبوعين تكلمهم وبعدها باسبوعين تروحلهم ... بالمختصر عاوز متابعه من العميل
بس الصراحه غير كده ... المهندسيين اللى جوا ماشاء الله عليهم ... اكتر من ممتازيين وشغلهم بجد اكتر من ممتاز
وبخصوص اسعار قطع الغيار ... دلوقتى فى محلات كتير بقيت شاغله فى بروتون .... انا كنت فى الحرفيين من كام يوم ... ولقيت اكتر من 3 محلات شغاله فى -بروتون-
وعندهم من مفتاح العربيه .... لحد اوكره الباب والمرايات والساعه .. وكل حاجه
وكلهم استيراد يعنى اصلى (بروتون)
---
اختبار التصادم الصراحه ماعنديش فكره .... الاخوه البروتوناويه هيفيدوك اكتر منى
---
انت الحاجه اللى هتفرق معاك ... مادام كنت راكب لانسر ... هى الخامات الداخليه فى اللانسر افضل... وصوت الموتور انعم فى اللانسر كمان.
---
ومعانا العضو ا/اسامه ... باردوا كان راكب لانسر ... ومعاه بيرسونا ... وبيشكر فيها .... ودا اكتر واحد ممكن يفيدك
---
ملحوظه ... حضرتك مافيش عربيه كامله ... فــبروتون زى مافيها مميزات كتير وكماليات وعوامل امان كتير ... فيها عيوب تقفيل ....
---
يارب اكون قدرت افيدك ... وانا تحت امرك فى اى استفســـــار
تحيـــــــــــاتــى