ممكن حد يوضحلي الفرق بين الأتنين و مميزات و عيوب .. انا نويت اشتري بس مش عارف اختار ايه
ممكن حد يفيدني برأيه
عرض للطباعة
ممكن حد يوضحلي الفرق بين الأتنين و مميزات و عيوب .. انا نويت اشتري بس مش عارف اختار ايه
ممكن حد يفيدني برأيه
عارف انا ممكن انصحك بطريقه الناس القدام " يا ابني اللي تعرفه احسن من اللي متعرفوش"
اللنوس شكلها زفت و متغيرتش من سنين و لكن بقت مشهورة زي 128 اما اللوجان و كمان المجمعه في المغرب بيقال ان قطع غيرها غاليه جدا و نظرا لانتشارها قطع غيرها نادره و ممكن تتصل تسال علي قطع الغيار في التوكيل و لكن بجد العربيه دي زي البطيخه محدش عارف عنها كتير و بالذات المغربي
شكرا يا شباب على الردود ,, بس ايه موضوع فرق سعر قطع الغيار
خليك فى لانوس عربية معروفة ومتجربه
شكرا اخواني على مشاركاتكم
فانوس امامي ----------565
فانوس خلفي-----------225
اكصدامامامي----------1150
اكصدام خلفي----------1065
سير دينامو ~~~~~~ 75
- فلتر الزيت ~~~~~~~ 35ج
- فلتر الهواء ~~~~~~ 60ج
- فلتر بنزين ~~~~~~~ 55ج
- بوجيهات ~~~~~~~ 90ج
- تيل فرامل أمامي ~~~~ 230ج
- تيل فرامل خلفي ~~~~ 350ج
- طلمبة مياه ~~~~~~ 475ج
- طقم كاتينه ~~~~~~ 575ج
د ه قطع غيار اللوجان الاوروبى وطبعا تقدر تجيب ارخص
تقدر ع القطع الغيار هاتها
اللوجان احلي ........بس اللانوس عملية
شوف أنا مش هأقولك هات لانوس بس هأقولك مميزاتها أيه:
- عربية متجربة و منتشرة و مافيش منها شكاوي كتير
- عربية مطلوبة يعني تقدر تبيعها في أي وقت و بسعر كويس مش هاتخسر كتير
- قطع غيارها موجودة في كل سوبرماركت
- الواد بلية يقدر يفكها و يركبها مش لازم توكيل و حجز و مصاريف
- أقتصادية في البنزين
- من أجمد العربيات الموجودة و تتحمل شوارع و طرق مصر و ميكروباصاتها و نقلها
- حمالة قسية في السفر و الجري و البهدلة
- مناسبة جدا لعائلة صغيرة و لو عايز هات الكبيرة بتاعتها النوبيرا
- سهلة القيادة و سلسة
وشوف برضه متطلباتك ايه و روح معارض و جرب تقعد في العربيتين و شوف أنت هاترتاح في مين أكثر و مدي موائمتها لك
و ربنا يوفقك في الاختيار
ده اقتباس لكلامى من موضوع سابق
اقتباس:
اللانوس اشتريتها بعد مقارنات عديدة بين الكورسا سيدان واللانسر مكواة ونزلت لفيت وسالت سماسرة عربيات
( معرفة ) ومحلات قطع غيار وخبراء المنتدى هنا . المهم الكلام النهائى كان لانوس وللاسباب دى
1- عربية متجربة بقالها 10 سنين فى السوق
2- قطع غيارها رخيصة ومتوافرة والاصلية سعرها معتدل جدا بالنسبة لعربيات من نفس فئتها
3-سهولة الصيانة وميكانيكىا كتيير دايسين فيها
4- عربية بايعة مش هتتعبك لو عوزت تبعها
5-اوبشنها حلو ( تكييف / باور - ازاز كهرباء ) ولو عاوز تزود زود
اما الشكل ( فى دى مسائلة اذواق)
اما اللوجان معرفش عنها حاجة وراىء خد العربية المتجربة واشترى راحة بالك
اى حد هنا اكيد هيقولك لانوس مش عشان ده قسم لانوس وهيكونوا متحيزين لكن لانه مجربها وواثق فيها لكن خبرته فى لوجان ضعيفة او معدومة واكيد طبعا هينصحك باللى مجربها وعارفها
مش شرط , انا شخصيا ممكن أنصحه البريليانس frv لأني لما ركبتها حسيت انها عربية كويسة و ممكن أفكر فيها بعد اللانوس و كمان ممكن أرشح له الجين 2 لو معاه ثمنها
المسألة مش مسألة تحيز بس اللوجان ماحدش لسه يعرف عنها حاجة ده غير أنها تقفيل مغربي
و عموما أنا قلت لك روح المعارض و شوف اللانوس و شوف اللوجان و أقعد جوه العربية و شوف انت مرتاح في مين أكثر و كمان أسأل الناس اللي في منتدي رينو أكيد عندهم معرفة بيها
هى مشكلة اللوجان انها لسة متجربتش كتير بس انا مش بحب شكل الوجان السيدان مش جاى معايا
بس اللوجان الهاتش باك شكلها احلى بكتير من السيدان بس بردو شوف العربية الى هترتحلها نفسيا واتكل على الله
ممكن تشوف الفيات بونتو الكلاسيك عربية تحفة بجد وفى منها مواتير بسعات مختلفة
لو كان السؤال ده من 10 سنين كانت الناس قالت دايو ايه وكورى ايه
لاكن بعد 10 سنين فى الطرق المصريه اثبت الكورى كفائته
ولو انته بدور على حاجه مضمونه ومتجربه وسعر صيانته مقول دون النظر لشكل السياره القديم
يبقى عليك بلانوس وانته لو دخلت منتدى رينو هتلاقى اصحاب الميجان بيصوتو وهى عربيه اعلى
لان الرينو مش نجحه اوى فى مصر وقارن فى الشارع وانته واقف لمده 5 دقائق هتشوف فرق الانتشار
وده رايى الشخصى
بص ياباشا موضوع الإنتشار ده متخدوش مقياس اوي لان اللوجان بالنسبة للفترة اللي نزلت فيها انتشرت بصورة اسرع من الدايو الدايو فضلت كام سنة لحد مانتشرت لكن لوجان بينزل منها 750 سيارة شهريا وكلهم متباعين لحد شهر 12 الجاي ده لو هاتحجز في التوكيل و ثانيا موضوع بياعة و الكلام ده مش مهم اوي لان موضوع البيع ده نصيب و فكرة الانتشار بردو انا محبش اركب عربية موجودة في كل مكان ده ناقص انها تشتغل دليفري بدل الموتسيكلات و لو عايز تعرف عن اللوجان اكتر ادخل منتدي الرينو و شوف مكتوب عنها ايه كل تفاصيلها مكتوبة بالتفصيل و روح شوفها في المعرض و خد رأي الناس اللي اشتروها و شوف قالوا عنها ايه في المنتدي بتاع رينو العربية حققت نجاح مذهل في فترة بسيطة و اخيراً علشان مطولش عليك موضوع التقفيل المغربي ده خده ثقة ده احسن من اللانوس و الفيرنا 100 مرة مش علشان العامل المغربي احسن من المصري لكن علشان اللي بيقفل اللوجان هي رينو المغرب لكن اللي بيقفل فيرنا هو غبور مش هيونداي مثلا و نفس الكلام اللي بيقفل لانوس منصور مش دايو لان مبقاش في دايو اصلا و ده رأي النهائي اشتري لوجان و استخير ربنا قبل ماتجيبها و روح اركبها و اتفرج عليها ,,
الوجان أفضل
عربية موديل أحدث
موتور أقوة-- وللعلم الجيل القادم من لوجان بمواتير ١٦ فلف زي النزلت بلفعل فال-٧ راكب
توكيل ضمانه زي الجنيه الدهب..
توقع بنتشار العربية للجودتها مقابل سعرها
من أصل رماني فتوقع تنوع في أسعار واشكال و أنوع قطاع العيار بمقابل مناسب
سواء صناعة رماني أو فرنساوي حسب امكانياتك
أما لانوس فهي مرشحة فقط لو امكانياتك لاتسمح بصيانة عربية جديدة من أصل أوروبي
وبرضو كلامي مش معناه إن الدايو وحشة بجميع المقاييس .. بس حان وقت التغيير
صور اللوجان ٢٠١٠ سيدان وهاتشباك، البتنزل مصر
http://photo.netcarshow.com/Renault-...8_photo_01.jpg
http://i41.tinypic.com/2gw6y54.jpg
http://photo.netcarshow.com/Renault-...8_photo_09.jpg
عربية جميلة
فعلا الانتشار مش شرط لضمان جودة العربية
أمال الانتشار دليل أيه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟اقتباس:
عربية جميلة
فعلا الانتشار مش شرط لضمان جودة العربية
دليل انها عربية كويسة....بس مش احسن عربية فالسوق يعني
و بعدين انا قولت مش شرط!!!! يعني الجين 2 مش منتشرة زي الاوبترا مثلا لكني افضلها عنها بكتير
اللوجان ممتازة لكن مش لازم تبقا عربية الشعب عشان تبقا ناجحة
معلش أسمحوا لي أسأل : سعر اللوجان وصل لكام دلوقتي ؟
الي صاحب الموضوع..
كل ماتريد معرفته عن اللوجان موجود في اللينك ده :
http://www.nilemotors.net/Nile/showthread.php?t=25682
و طبعا أنت هنا في قسم الدايو تقدر تشوف كل مايخص اللانوس
و القرار لك سيدي الفاضل
ده أخر الأسعار ٢٠١٠
لوجان 1.6 M/T 2010 62900
لوجان 1.6 F/O M/T 2010 66900
لوجان 1.6 M/T MCV 5 Seats 2009 86900
لوجان 1.6 M/T MCV 7 Seats 2010 92900
لوجان 1.6 F/O M/T MCV 7 Seats 2010 99900
لوجان 1.6 Basic 2010 55900
لوجان 1.6 M/T H/B 2010 66900
لوجان 1.6 F/O M/T H/B 2010 70900
لوجان 1.6 A/T MCV 7 Seats 2010 102900
لوجان 1.6 F/O A/T MCV 7 Seats 2010 109900--
:coool::coool::coool:
ألف شكر ياباشا
هاتلك سيينا 2009 ..احسن من الاتنين
اللي تعرفه احسن من اللي متعرفوش
بس يا احمد باشا للاسف الي بتنزل 2009 صيني شكل البترا...اقتباس:
هاتلك سيينا 2009 ..احسن من الاتنين
ال2008 كانت تحفة بجد
و بصراحة فعلا هيا احسن من التنين
انا رحت شفتها...فى معرض شرين كار....الميرغنى..
عربيه تحفة..موتورها كويس جدا والعربية واسعة وشنطها واسعا والتقفيل باين انه كويس...يعنى العربية تحس انها صلبه كدة ومفهاش عيوب ..الباور سهل الحركة وصوت الموتور ناعم..الموتور ايطالى والعفشة وغيرو..التقفيل هو اللى صينى...العربية انا كنت بجربها لانى كنت هاجيبها بس محصلش نصيب
الصين بتصنع عربيات دلوقتى ..مش هتعرف تقفل...
انا رايى تروح تلقى نظرة كدة وانت مش خسران حاجة..العربية ب 63 اللف فول اوبشن بس الازاز اللى ورا انا فاكر انو مش كهرباء