قطع غيار النيو سيراتو ناااااااااااااااااااااااا ااار

انا عملت حادثة بالنيوسيراتو و الحمد لله
كبوت و رفرف ( يتسمكروا على البارد ) ، فانوس ، شبكة ، اكصدام
ورحت وديتها eit ابو رواش عشان اعملها مقايسة اصلاح ( على فكرة انا مش مأمن على العربية ) و قلت التوكيل اضمن ، ده العربيه مكملتش شهرين ثلاثه حلاقي قطع غيار بره فين ؟؟
و كمان احب ااكد اني رحت بالعربية من المعادي لابو رواش سايق على 120 و مشغل التكييف و الحمد لله العربيه مفيهاش اي حاجه من تاثير الخبطه....................
وقلت اعرض على رواد منتدانا الكرام تفاصيل المقايسة

مقايسة اصلاح النيو سيراتو ( الصدمة )

قطع غيار و اكسسوار

كبوت............................2000 جنيه حرام و الله ، هو اصلا عايز يتسمكر و على البارد كمان
مفصلات كبوت..................300 جنيه هو الكبوت بيتباع حتت و لا ايه وعلى العموم هي سليمه
كالون كبوت......................150 جنيه هو كمان مفهوش حاجه بيفتح و يقفل زي الفل
رفرف امامي................... 750 جنيه الخبطه اللي فيه 10 سم في 10 سم تتسمكر في 10 دقايق
فانوس امامي...................1250 جنيه OK مع اني قريت في المنتدى انه ب 1100 بس
صدر امامي.....................1250 جنيه OK لكن السعر مبالغ فيه جدا
حوامل صدر صاج...............200 جنيه هو الصدر كمان فيه حتت
اكصدام امامي.................1250 جنيه OK
حوامل اكصدام امامي.........50 جنيه حتت حتت حتت حتت حتت حتت
شاسيه اكصدام امامي........400 جنيه حتت حتت حتت حتت حتت
فوم اكصدام امامي........... 180 جنيه حتت حتت حتت حتت حتت
شبكة نيكل....................550 جنيه OK
وصلة عمة هواء................225 جنيه مفيهاش حاجه اصلا

سربنتينة تكييف................1950جنيه بيقولوا احتمال اتاثرت
رادياتير..........................1500جن يه بيقولوا احتمال اتاثر
مروحة..........................850جنيه بيقولوا احتمال اتاثرت
وصلة عمة هواء................225 جنيه بيقولوا احتمال اتاثرت

اعمال سمكرة و تركيب........1500 جنيه هي تركيب بس مفيش سمكرة خالص
اعمال دهان.....................2700 جنيه اكصدام + كبوت + رفرف..!!!!!!!!!!
اعمال فك و تركيب..............450 جنيه تركيب ايه تاني امال اللي فوق ده ايه
اعمال سروجي.................300 جنيه ؟؟؟؟؟؟؟؟؟؟؟؟؟؟؟؟؟؟؟؟؟!!!!!!!! !!!!!!!!!!!!!!!!!!!!!!!
اعمال كهربائي..................400 جنيه تمن توصيله لكبس الفانوس
اعمال تكييف....................600 جنيه ؟؟؟؟؟؟؟؟؟؟؟؟؟؟؟؟؟؟؟؟؟!!!!!!!! !!!!!!!!!!!!!!!!!!!!!!!
اعمال ميكانيكا..................400 جنيه مين اللي جاب سيرة ميكانيكا

الاجمالي (قابل للزياده و النقص) 19500 جنيه + 10 % ضريبة مبيعات يعني
21500 جنيه
الكبوت و الصدر مش موجودين اصلا و قالوا اكلمهم بعد اسبوعين

انا سيبت العربية هناك و مش عارف اعمل ايه
اصلح في التوكيل وللا اعملها بره ، ولو حعملها بره اعملها عند مين
اسف على الاطاله انا حبيت افضفض لحسن يحصللي حاجه
اترك لكم التعليق

اعملها بره واسأل كويس الاسعار ديه سرقة ونصب عينى عينك مش كفاية بيكسبو تلت تمن العربية لا كمان قطع الغيار والمصنعيات مضروبة *4 مش حتكلفك فى رأى بره اكتر من 2500 جنيه

عليك وعلى الحرفيين أكيد هتلاقيها نزلت أستيراد الا نسر شارك أول ما نزلت لقيتها موجوده هناك وربنا يعوض عليك ويوفققك وسيبك من حوارات التوكيل اللى ما بتجيبش همها دى

بص أنا رأي إعمل الي ينفع يتعملة سمكرة ودهان برة بحيث تلمها على قد ما تقدر والباقي إعملة في التوكيل لإن صعب جدا دلوقتي تلاقي قطع غيار برة
والحجات الي بيقولوا ممكن إتأثرت متعملهاش إلا لو حاجة بانت بعد كده

اقتباس:

---

سربنتينة تكييف................1950جنيه بيقولوا احتمال اتاثرت
رادياتير..........................1500جن يه بيقولوا احتمال اتاثر
مروحة..........................850جنيه بيقولوا احتمال اتاثرت
وصلة عمة هواء................225 جنيه بيقولوا احتمال اتاثرت

---

دول لوحدهم 3525
كتير قوي على حاجات يمكن تكون باظت
ده غيرالي هتوفرة في السمكرة برة بس لازم يكون سمكري ١٠\١٠ مش أي حد عشان البودي يرجع مظبوط بالملي

i think this his frist time to have car in his life or he is big idiot or he dont know anything about cars [pls if you have some thing useful say it or if its bullshit save it to your self
pepole like you big reason for in egypt



______________
لقد خالفت القاعدة رقم 13 من قواعد المنتدى مما يستوجب حصولك على إنذار ووقف لمدة اسبوع.
إدارة المنتدى2
(إ.م.2)

لا بجد كدة كتير جدا
انا من رأيي حرام المبلغ دة لانه مبالغ فيه ممكن توفر بالميت نصه لو عملتها بره

اقتباس:

---

المشاركة الأصلية كتبت بواسطة klioahmed

i think this his frist time to have car in his life or he is big idiot or he dont know anything about cars [pls if you have some thing useful say it or if its bullshit save it to your self
pepole like you big reason for in egypt

---

ممكن حضرتك تحتفظ برأيك ده لنفسك وايه المشكله أنها تكون أول عربيه ليه او فى حياتو وايه المشكله انو يشاركنا فى مشكلته ونساعده فى حلها وهو المنتدى معمول ليه أصلا ومكنش فى داعى أنك تشارك فى الموضوع مدام مش عاجبك بدل الغلط اللى غلطه فى الراجل ده ومحدش بيتولد عارف وفاهم كل حاجه واللى يفكر نفسه كده يبقى مكانو مش بينا هنا لأنو مش هياحتاج حاجه مننا

انا تنباتلك اننتا حتعمل حادسسة من اول موضوع الباب بيفتح لوحدة لان كلامك يدل على كدة حتى بعد ما عملت الحادثة اسلوب كلامك مستفز و يدل على صغر سننك و عدم تحملك المسولية واحد عامل حدسة زي كدة ما و بيكتب بلاسلوب المستفز دة حيدل علي عدم الوعي حتي على الشخص الي خبطك ارجع للفىورا احسن ليك وللناس الغلابة الحتتعلم فيهم اسف على لهجتى القاسية بس انت خوت دماغنا :b4_592:

اية يجماعة اهدوا كدة دة الراجل جاي يستشير ماتقفلهوش

ا/ klioahmed
شكرا على حسن ادبك في الحوار ، طريقة كلامك تنم عن شخصية محترمة و متحضرة

اقتباس:

---

المشاركة الأصلية كتبت بواسطة ahmed2000

اية يجماعة اهدوا كدة دة الراجل جاي يستشير ماتقفلهوش

---

بصراحه رد الأخ دايقنى جدا أيه المشكله انو يسال او ايه المشكله انو مستجد ولا حتى ملووش فيها
أهو لو ملهوش فيها داخل يفهم وياخد رأى الناس رودود تنرفز وتضايق بصراحه
كان الله فى عون المؤمن مدام المؤمن فى عون أخيه

لية بنحب نعيش في ارض النفاق



حق الرد مكفول ودي هي الدمقراطية:,:

اقتباس:

---

المشاركة الأصلية كتبت بواسطة klioahmed

انا تنباتلك اننتا حتعمل حادسسة من اول موضوع الباب بيفتح لوحدة لان كلامك يدل على كدة حتى بعد ما عملت الحادثة اسلوب كلامك مستفز و يدل على صغر سننك و عدم تحملك المسولية واحد عامل حدسة زي كدة ما و بيكتب بلاسلوب المستفز دة حيدل علي عدم الوعي حتي على الشخص الي خبطك ارجع للفىورا احسن ليك وللناس الغلابة الحتتعلم فيهم اسف على لهجتى القاسية بس انت خوت دماغنا :b4_592:

---

هو فين الاستفزاز فى كلام الراجل واحد عمل حادثة وراح التوكيل و كتب الى حصل معاة عشان ياخد راى الاعضاء ويستشرهم ويستفاد (سبب وجود المنتدى يعنى ) ابة المستفز فى كدة؟؟؟؟؟؟؟؟؟؟؟؟؟؟؟؟

حق الرد مكفول لكن رد الاستاذ كان مستفز جدا وخارج عن اللياقة

يا جماعة انا هدفي من المشاركة دي اني استفيد من اراء رواد المنتدى المحترمين و كمان اديهم فكرة عن اسعار قطع الغيار لعربية جديدة محدش لسه يعرف عنها كتير

و لمره تانيه بشكر الاستاذ المتنبئ لي باني حعمل حادثه و اقوله ربنا يبارك لك في عربيتك

اقتباس:

---

المشاركة الأصلية كتبت بواسطة mexxxxxx

حق الرد مكفول لكن رد الاستاذ كان مستفز جدا وخارج عن اللياقة

يا جماعة انا هدفي من المشاركة دي اني استفيد من اراء رواد المنتدى المحترمين و كمان اديهم فكرة عن اسعار قطع الغيار لعربية جديدة محدش لسه يعرف عنها كتير

و لمره تانيه بشكر الاستاذ المتنبئ لي باني حعمل حادثه و اقوله ربنا يبارك لك في عربيتك

---

ربنا يسترها معاك ويحفظلك طريقك وسيب اللى عايز يقول حاجه يقولها كل واحد بيتعرف من ردودو وطريقه كلامو وأفضل طريقه ترد بيها على الناس دى أنك تسكت متردش عليهم لأنهم كدا بيحسو بنفسهم قوى ويجعلها أخر الحوادث ليك أن شاء الله ودايما تبقى مفيد لزمايلك وأعضاء المنتدى اللى عايزين يستفيدو من المشاركات

ياباشا سيبك من الكلام اللي لا يودي ويجيب
خلينا نحاول نحل المشكلة بتاعتك
سيادتكم بتقول ان عربيتك لسه بتمشي بدون اي مشاكل بعد الحادث (ان شاء الله بسيط)
يبقى تاخدها وتنزل على الحرفيين وتشوف هناك الوضع ايه
اكيد هتلاقي حل
زي ما اقل اخونا m.mostafa80
ولو محتاج حد من هنا يساعدك اطلب المساعدة ومحدش هيتأخر عنك

بس التوكيل بلاش
انا في مرة رحت عند حمدي لازي اللي في جسر السويس كنت عايز اعمل سمكرة ودوكو
والله العظيم منظر الورشة هي شوية بوص وعاملين شوية عشش
وجه واحد كده مشحم ومزيت وعمل مقايسة وقالي 1200 ج
والله عملتها بره مش فاكر الرقم بالظبط بس كل اللي كلفتني مايعديش 150 سمكرة ودوكو

سيبك من التوكيل (خليه في الحاجات التقيلة بس)

طيب انا لو حعملها بره .... ممكن ترشحولي مركز كويس او سمكري يكون نضيف و امين
و يا ريت لو حد يعرف حد كويس في المعادي عشان اقدر اتابع العربيه

بص ياسيدى فى شركه أسمها الألمانيه موجوده فى 6 أكتوبر ناس محترمه جدا وعمرها ما هتوصل لسعر التوكيل أبدا لو كدا قولى وانا أجيبلك عنوانهم وارقام تليفوناتهم

يا ريت تليفوناتهم و عنوانهم اذا تكرمت
و شكرا على المساعده

حضرتك طبعا طبعا ما تعملهاش في التوكيل بالأسعار دي

لأن الخبطة معظمها صاج يعني مش مأساه

و في صنايعية ممكن يفردو العجينة فراشة

حضرتك انا هاسألك برضه لو ممكن تبعتلي صورة للعربية على الميل أو الخاص

بس ما تقلقش ..هاتتدبر و هاتكون خفيفة ان شاء الله

احنا معاك

اقتباس:

---

المشاركة الأصلية كتبت بواسطة klioahmed

لية بنحب نعيش في ارض النفاق



حق الرد مكفول ودي هي الدمقراطية:,:

---

من يتكلم فليتكلم خيرا او ليصمت

اولا الله يعوض عليك بالخير ....
ثانيا فعلا اسعار مستفزة للغاية وحراقة قوي ونصب وده كده غريب على التوكيل المحترم ده ........
ثالثا سيبك من عملها في التوكيل وحاول تعملها بره لانها في التوكيل الله اعلم هتاخد افراج امته بنسمع ان بعض العربيات بتعقد كتير عندهم وبعض التوكيلات بتاخد ارضية منك علشان تواجدها عندهم ......
رابعا وده الاهم الاخ اللي بيقول عليك مستفز لا تعليق عليه وبعدين انت حصلك مشكلة وبتاخد المشورة وباب اتفتح واستهتار ايه الكلام الفارغ بتاعه ده ... ده كان يكتفي بكلمة لا تعليق الحادث قضاء وقدر من الله عز وجل يبقى ده استهتار كل واحد معرض لذلك وحتى لو كده النصيب والله يعوض او ادي نصيحة وكلمة كويسة للشخص اللي حتى ولو مستهتر كما قال فهو اكيد مدايق ومتعكنن والله يعوض عليك وعليك بالصدقة والتبرع لله والدعاء والصبر وحاول بعد الاصلاح تامن عليها وبالتوفيق

كلم مركز الخدمة لكيا اعرفو فى العبور انشاء الله ممكن يكون تكلفة اقل و ناس شغلهم معقول كويس و خبرة فى كيا
24770901

إحنا المفروض نشكر الأخ صاحب الموضوع لأنه بالرغم من ان المشكلة الي هو فيها ..حاطط بيانات ومعلومات عن قطع الغيار من التوكيل و هي معلومات عن عربيه جديده عشان الناس تستفيد . لو هو كان عايز مصلحته بس كان قال الرقم النهائي للمقايسه في التوكيل وخلاص و برده الناس كانت حتحاول تساعده ...يبقي المفروض نشكره مش نقطمه بلغه إنجليزية ركيكة كمان ....الله يكرمك يا عم يا كيلو احمد ..اكتب بالعربي احسن و بلاش انزحه

الى klioahmed بدل ماتتكلم و تعمل فيها عبده الناصح يا ريت تشكر الراجل اللى تعب و كتب لنا المقايسة تفصيليا و تقول له اهم حاجة ان انت بخير و مش مهم العربية ( و ايه يا عم انت مش عارف تكتب لا عربى و لا انجليزى وايه حدسة ديه اسمها حادثة بص اقولك حاجة يا ريت ماتكتبش تانى خالص اتكلم بس )

ربنا يعوض عليك خسارت وان شاء الله العربية تتصلح وتكون زي الأول

بالنسبة للزميل m.mostafa80 معاه حق ان في الشركة الألمانية المصرية لصيانة السيارات في 6 أكتوبر انا كنت وديت عربيتي هناك عشان بيضبطوا حاجات في كهرباء السيارة المهم قعدت مع صاحب الشركة هما اخين لبنانيين وكل شوية بيسافروا المانيا عشان بينقلوا الجديد للشركة هنا في مصر .

المهم عندهم افران ضخمة للدهان وعلى كذا دور وشايف والواضح ان شغلهم حلو لأن هما واخدين تعاقد مع شركة شيفورليه مصر لدهان اكصدامات العربيات اللانوس وشفت ده بعيني .

بس المشكلة عندهم ان أسعارهم حراقة بس اعتقد ممكن تفاصل معاهم لغاية ما توصل لسعر يرضيك وانا انصحك بمركز صيانة محترم عشان حرام العربية متتبهدلش وربنا يكرمك ويعوض عليك ان شاء الله .

اقتباس:

---

المشاركة الأصلية كتبت بواسطة m.mostafa80

بص ياسيدى فى شركه أسمها الألمانيه موجوده فى 6 أكتوبر ناس محترمه جدا وعمرها ما هتوصل لسعر التوكيل أبدا لو كدا قولى وانا أجيبلك عنوانهم وارقام تليفوناتهم

---

يا ريت تليفوناتهم و عنوانهم و شكرا

اقتباس:

---

المشاركة الأصلية كتبت بواسطة ahraah

كلم مركز الخدمة لكيا اعرفو فى العبور انشاء الله ممكن يكون تكلفة اقل و ناس شغلهم معقول كويس و خبرة فى كيا
24770901

---

همة فرع من التوكيل وللا مركز معتمد و لا ايه

اولا : اقدم اعتذارى عن اسلوبى فى الرد على klioahmed بس هو استفزنى جدا .
ثانيا ( و هو المهم ) : نفس الحادثة اللى حصلت لـ mexxxxxx حصلت لاخويا ( و يمكن تكون اخطر شوية ) و هو معاه لانسر بومة و راح التوكيل قالوله هتكلفك 23 الف جنيه راح سابهم وراح عملها برة بحوالى 3 الاف جنيه فجرب كده و ربنا يوفقك .

اقتباس:

---

المشاركة الأصلية كتبت بواسطة ahmed samy

حضرتك طبعا طبعا ما تعملهاش في التوكيل بالأسعار دي

لأن الخبطة معظمها صاج يعني مش مأساه

و في صنايعية ممكن يفردو العجينة فراشة

حضرتك انا هاسألك برضه لو ممكن تبعتلي صورة للعربية على الميل أو الخاص

بس ما تقلقش ..هاتتدبر و هاتكون خفيفة ان شاء الله

احنا معاك

---

جزاكم الله خيرآ
بالنسبه للصور انا مصورتهاش ، مجاش في بالي اني اصورها عشان كنت محبط جدا
الحمد لله الذي لا يحمد على مكروه سواه

اقتباس:

---

المشاركة الأصلية كتبت بواسطة hamada11111111

اولا : اقدم اعتذارى عن اسلوبى فى الرد على klioahmed بس هو استفزنى جدا .
ثانيا ( و هو المهم ) : نفس الحادثة اللى حصلت لـ mexxxxxx حصلت لاخويا ( و يمكن تكون اخطر شوية ) و هو معاه لانسر بومة و راح التوكيل قالوله هتكلفك 23 الف جنيه راح سابهم وراح عملها برة بحوالى 3 الاف جنيه فجرب كده و ربنا يوفقك .

---

شكرا اخي الفاضل و ححاول اشوف مكان كويس ان شاء الله

الشركه الألمانيه المصريه لصيانه السيارات
قطعه 168/6 المنطقه الصناعيه الثالثه
التليفون 0121718299///0127001655
حضرتك هتسأل على مصنع تجميع دايو موتورز هى قريبه منه بس خلى بالك علشان فى شركه تانيه أسمها ألمانيه بردو بتعمل صيانه هيونداى وعمتا معاك أرقام تليفوناتهم
وربنا يوفقك بأذن الله

قدر الله وماشاء فعل

معلش تتعوض ان شاء الله

احب اشركك تجربة اخويا معاه سيراتو وعامل حادث

انه اصطدم بالرصيف وادى لكسر العجلة الشمال والجنط اتعوج سنة

وكسر الفانوس الشمال وشرخ فى الاكصدام وثنى الشداد الخلفى

وانبعاج بسيط فى الرفر الشمال .....

راح التوكيل واتعملتله مقايسة شبيهة بمقايسة حضرتك من اعمال سمكرة ودهان

وميكانيكا وتكيف ...الخ بحوالى 18 الف جنيه وبما انه مأمن عليها

اعترض مهندس التأمين على ماجاء فى المقايسة وتم عمل لجنة لاعادة الفحص

وحضرتها انا معهم حاجات كتيرة اتشالت من المقايسة كل اعمال الميكانيكا والتكيف

وجزء كبير من قطع الغيار واصبحت بقيمة 8400 جنيه

ولما سئلت مهندس التوكيل قالى كل ده اغراض احترازية علشان لما نفك حاجة ونلاقى فيها مشكلة

مش كل شوية نرجع لشركة التامين ...

فحاول معاهم مرة اخرى وربنا يكرم باللى فيه الخير ...

اخى الحبيب اسف لاننى لن اضيف لك شيئا يفيدك ولكننى اردت المشاركة فى هذا الموضوع بالذات لاشكر كل الاخوة الاحباء الذى قدموا يد المشاركة والمساعد لك واشكر كل من واسوك على مصيبتك واشكر فيهم روح التعاون والبر باخيهم والله صدق رسول الله صلى الله عليه وسلم اذا قال الخير فيى وفى امتى الى يوم الدين ... لكم جميها احبتى فى الله جزاكم الله خيرا ... واما الردود الاخرى فلا تعليق ولكن نسال الله له العفو والعفية ان شاء الله

افتكرت دلوقتي المقايسة بتاعة الاوكتافيا الخاصة بوالدي ...كانت جاية في الأول ب-42000....اه مش بهزر
دفعنا كم احنا بقى؟؟؟
١٤٠٠٠ جنيه مصري

ربنا يعوض عليك ان شاء الله
وبدل ما انت في المعادي في هناك منطقتين كلهم ورش وحاجات زي الحرفيين كده وبشوفهم شغالين في حاجات حديثة
ممكن تسال هناك بردو هي اول منطقة في عرب المعادي جمب مكتبة المعادي كده وتاني منطقة في صقر قريش بقت كلها ورش ومراكز خدمة ممكن تسال هناك بردو وربنا يعوض عليك

قريت الموضوع بالردود مرتين علشان أشوف مبرر للأخ اللي مش عاجبة إن صاحب الموضوع يحكي عن الحادثة
الحقيقة مفيش حاجة مستفزة إيه المشكلة لما الراجل يتشير الناس مش عارف ..
عموما ربنا يهدي

اقتباس:

---

المشاركة الأصلية كتبت بواسطة klioahmed

انا تنباتلك اننتا حتعمل حادسسة من اول موضوع الباب بيفتح لوحدة لان كلامك يدل على كدة حتى بعد ما عملت الحادثة اسلوب كلامك مستفز و يدل على صغر سننك و عدم تحملك المسولية واحد عامل حدسة زي كدة ما و بيكتب بلاسلوب المستفز دة حيدل علي عدم الوعي حتي على الشخص الي خبطك ارجع للفىورا احسن ليك وللناس الغلابة الحتتعلم فيهم اسف على لهجتى القاسية بس انت خوت دماغنا :b4_592:

---

ربنا يهديك ويشفيك من اللى انت فيه وللاخ mexxxxx نفض لكلام الراجل ده واسال برحتك فى اى حاجة انت عايزها :B4_592: