تجربتي لBMW e90 320i 2005 بالصور و الفيديو

**novo** · 23-06-2009 03:54 PM

العربيه من غير آي درايف ولا شاشه في الكونسول ولا باركينج سنسور ولا فتحه سقف,بس هي الماني مش مصري(جمرك).
انطباعي عنها كالاتي:
عجبني1)الفتيس بتاعها شكله جميل جدا و علي فكره هو مش بس فيه بلس و مينس دا كمان فيه نقله اسمها ds و دي زي الدي بس بتحرق علي النقلات.
2)العربيه صوت موتورها جميل جدا.
3)الكواليتي جوه رائعه جدا و المواد المستخدمه روعه.
4)متعه القياده: ودي اهم نقطه لان الفئه التالته عربيه متعه,تسارع جميل مع ثبات يخليك مش قادر تصدق اللي انت بتعمله,انا قفلت عدادها علي طريق السخنه230كم و لما الطريق كان بيلف كنت بهدي ل200 ,حاجه لا تصدق.
ما عجبنيش فيها1)تظام الثبات بتاعها غتت قوي DTC Dynamic traction control ,غلاسه النظام ده انه مفصول شغال برضه معاك رخامه يعني,و ده بخلي الدرفتات صعبه جدا, وأي حد ساق بي ام قديم هيعرف معني كلامي.
2)التسارع مش رهيب و اكيد ال330 هتبقي احسن.
3)العربيه تعتير غاليه بالنسبه لكماليتها و ان كانت مستعمله اسعارها رائعه.
4)قطع الغيار تعتبر غاليه جدا في التوكيل,بس الاسعار في الحرفيين رائعه,مثلا فانوس امامي 1500 ,اكصدام امامي 1200 ,فانوس خلفي 600 و دي اسعار من غير فصال.
رأيي النهائي:لو كنت بدور علي كماليات و حركات فالعربيه دي مش اللي انت عايزه,ممكن تجيبلك باسات هاي لاين و هيبقي مبسوط.بس اللي عايز يستمتع بالسواقه و بكل ملف في مصر المحروسه يبقي bmw 320
العربيه دي سواقه للاخر,هي فعلا القمه في متعه السواقه...............اجمل عربيه سوقتها.
تحياتي:novo

**Ahmed Selim** · 23-06-2009 04:12 PM

تقييم جامد يا باشا

بس يا ريت لو عندك وقت تكتب بأستفاضه أكتر و شرح أكتر زى الموضوع ده
تجربة قيادة هيونداى أزيرا 2008

و تحط الموضوع فى ساحة تجارب القيادة

**novo** · 23-06-2009 08:38 PM

شكرا يا باشا ,علي العموم التقييم اللي حضرتك عامله للازيرا جميل جدا

**novo** · 28-06-2009 01:11 PM

المشاركة الأصلية كتبت بواسطة ahmed _abo samra

شكرا على التقييم يا باشا بس لى كذا ملحوظه
البى ام 320 اخرها خالص 220 كم واكيد ممكن تجيب 230 كم بس لو فى منازل العين السخنه والعربيه دى متحسش انها 2000 سى سى خالص لان وزنها ثقيل شويه فعلشان تحصل على الاداء الصح من الفئه الثالثه يبقى بداية من 325 مرورا ب 330 و 335 وصولا الى m3 عموما هى وزنها فاضيه 1470 كجم وده كثير قوى
نظام الثبات فى البى ام اسمه dsc اللى هو اسمه Dynamic Stability Control
انما ال Traction control ده علشان يمنع العجل من انه يلف على الارض من قوة ال Burn Out
وطبعا البى ام 320 دى عربيه اقتصاديه مش علشان تعمل بيها Drags ودريفتات وكدا
اخيرا مع احترامى للباسات بس البى ام دبليو 320 2008 فيها كل الكماليات اللى تحلم بيها وما تحلمش بيها وفيها طبعا I Drive
الفئه الثالثه متربعه على عرش فئتها بدون منافس من حيث الثبات لانى كان لى تجربه اخرى مع المرسيدس c200 والمرسيدس كويسه بس تحس انها ناعمه ومريحه فى السواقه انما الفئه الثالثه للشراسه والتوحش على الملفات بس طبعا تسارع ال c200 اعلى كثير والباسات تنفع لعائله علشان واسعه ومريحه وبتوقيع فولكس فاجن ...........انما الفئه الثالثه سياره لا تضاهى فى فئتها
تحياتى

اولا بشكر حضرتك علي زوقك
بص يا سيدي بالنسبه للتسارع فهو بيقل قوي بعد ال200 بس لو فضلت دايس لمده فال230 مش صعبه قوي,أنا جبتها مرتين.
اما بالنسبه للDTC , DSC فالعربيه مفيهاش غير زرار واحد و مكتوب عليه DTC ,و هقول لحضرتك بيشتغل ازاي
هو بيأدي نفس دور ال DSC لو عايز ما تسمحش بأي درفتات شغله ,و ممكن تخليه تبقي تدخلاته في حدها الادني لو علقت صباعك علي الزرار 3 ثواني,ساعتها هيفصل تماما و العب يا معلم.
يعني من الاخر زرار الDTC بيختصر التحكم في باقي الانظمه وده بعكس الفئه الخامسه من 1996 الي 2004 فالزرار اللي فيها مكتوب عليه DSC.
بالنسبه لموضوع الكماليات فالعربيه مكنش فيها غير جنوط 16 تعبانه و بدون اي درايف ولا فتحه سقف و ده يمكن اللي كان محسسني انها مش فخمه اوي,بس علي العموم الجديد فيه كل الكماليات دي و اكتر.
تحياتي novo

**novo** · 28-06-2009 03:15 PM

المشاركة الأصلية كتبت بواسطة kofta

يا باشا ده كفاية انها BMW اى عربية Bmw فخمة ....

بص يا باشا,مفهوم الفخامه نفسه بيختلف من شخص لاخر, بس انا بنسبالي اهم حاجه النوعيه,علشان كده بقول ان النوعيه في العربيه دي عاليه قوي , البلاستيك المستخدم هايل و الكواليتي رائعه............
اعتراضي ان عربيه زي دي كانت جديده ب365000 تقريبا مينفعش ميبقاش فيها فتحه او جنط محترم او سنسورز
تحياتيnovo