فلتر زيت الفتيس الاتوماتك؟؟؟؟؟؟؟؟؟؟؟؟؟؟؟؟ ؟؟

**Adham** · 12-10-2007 12:43 PM

المشاركة الأصلية كتبت بواسطة Ibrahim Reda

طب بالنسبة للفتيس المنيول هو برضة بيتغير نص الكمية ولا اة وهل ممكن فى بنزينة زى شل أغيرة

الفتيس المانيوال قصة تانية خالص لا فية قربة مليانة 3 او 4 كيلو زيت وفية لا طلمبة زيت و لا رشاش زيت و مش بياخد زيت ATF

و زيت الفتيس المانيوال بينزل كلة (تقريبا) مع تغيير الزيت

و تقريبا دي لأن طبعا فية نسبة ضئيلة من الزيت بتوك على شجرة التروس و عالحلة مش بتنزل بسبب لزوجه الزيت

**أبو_حمزة** · 16-10-2007 12:00 PM

أخى "Adham"
الفلتر الداخلى ده فى لانسر الجديدة من 2004
اما عندى فهو خارجى وظاهر جدا و يتم تغييره مع غيار الزيت
انت قلت

و في كل الاحوال لما بتغير زيت الفتيس الاوتوماتيك انت فقط بتغير نصف كمية الزيت
لأنك بتنزل الزيت اللي في كارتيرة (حله) الفتيس لكن الزيت اللي في القربة مش بينزل الا لما الفتيس و القربة يتحل برة العربية خالص في حالة الأصلاح (ربنا يكفيكم شرة)

عفوا الكلام ده غير صحيح على الأقل فى عربيتى (لانسر 99) و بعض العربيات الأخرى
لكن تغيير الزيت بالكامل مش بسيط و بيتم و الموتور داير عشان يتغير بالكامل و عشان كده مش عملية بسيطة

**Adham** · 16-10-2007 12:50 PM

اول مرة اسمع ان فية فتيس اوتوماتيك فلترة من برة

انت متأكد انة مش فلتر زيت الموتور

لو ممكن تصورة صورة اشوف الفتيس و الفلتر دة

و انا برضة بكرة حاصورلك صورة لفلتر زيت الفرونتيرا و اوريلك شكلة اية علشان تعرف انة مش ممكن يتحط برة الموتور

و بالنسبة لموضوع دوراة العربية و انت بتغير زيت الفتيس دة برضة مش معناه انك بتغير زيت الفتيس بالكامل

و انما برضة التغيير بيبقى جزئي

وانا برضة باغير زيت الفرونتيرا بعد مافك الطبة و ننزل الزيت بارفع العجلتين اللي ورا و ادور العربية و اعشق مارشدير علشان الفتيس يسحب بقيت كمية الزيت من طلمبة بتغذي زيت للفتيس من تحت و بعد ما يتكلي بنقفل الطبة و ننزل العربية

بس برضة دة بيغير 4.5 لتر زيت و مش بيغير كل كمية الزيت اللي هيه اكتر من ضعف الكمية دي

علشان الزيت اللي في القربة استحالة ينزل ما لم يتفك الفتيس برة وتتفك القربة

**أبو_حمزة** · 16-10-2007 01:22 PM

بص يا استاذى انا مش با اكدبك
انا بقول ان العربيات منها بفلتر داخلى و منها بفلتر داخلى وكل واحد يشوف عربيته فيها ايه و يتصرف على الأساس ده
و ان شاء الله اصور الفلتر و اجيب الصورة
اما عن تغيير الزيت بالكامل فممكن ولكن مش بنزيل الزيت من الطبه
بيتم عن طريق انك تنزل الزيت من مخرج مبّرد الزيت مع صب كمية الزيت الجديد لحد ما تنزل كمية القديم بالكامل وتزود شوية عشان تبقى متأكد ان كل الزيت جديد طبعا و العربية دايرة زى ما انت بتعمل
و طبعا وارد جدا ان من عربية للتانية النظام و الطريقة تختلف

**Adham** · 16-10-2007 03:11 PM

ولا انا باكدبك ياباشا بس انا عمري ما شفت و لا سمعت عن فلتر زيت فتيس خارجي علشان كدة عاوز اشوف صورة الفتيس و الفلتر دة من باب العلم بالشيء

ومنكم نستفيد ياباشا, و الانسان كل يوم بيشوف و يتعلم جديد

و بالنسبة للطريقة بتاعة سحب الزيت من دورة تبريد الزيت اللي في اسفل الرادياتير, ايوة ممكن فعلا بالطريقة دي, بس عمري ما سمعت ان حد بيعملها, كل الناس بتغير عن طريق الطبة بتاعه كارتيرة الفتيس, و حتى صانعي السيارات كلهم عاملين الطبة علشان تغيير الزيت كدة و محدش ذكر اتباع الطريقة دي لتغيير الزيت

**ahmed326** · 05-04-2012 10:42 PM

السلام عليكم
يا جماعة انا عندى الحمد لله هيونداى لافيتا اوتوماتيك دراع الفتيس فيه زر بتاع ال odd driver قالولى لازم ما شغلوش باستمرار لانه مضر جدا .. المهم لقيت الزر داخل لجوه زى زر التلفزيون(فقلت دا معناه ان الاود دريفر شغال ودا خطر) فدست عليه خرج لبره ولقيت لمبة صفراء فى التابلوه ولعت مكتوب عليها (odd off)
ما فهمتش حاجة طبعا كلمت واحد صاحبى قالى لأ العكس دا مش معناه ان odd فاصل .. دا معناه انه شغال والعربية بتقولى انى اطفيه
بصراحة انا متلخبط ومش فاهم المفروض لو هو مطفى تبقى اللمبة مطفية ولا منورة وبعدين لو كده ليه كاتبين عليها odd off وليه هو عكس زر التلفزيون والكمبيوتر واى حاجة تانية المفروض لبره مطفى ولجوه شغال ..
أسف على الاطالة وارجو الرد ضروري ي ي ي ي ي لاهمية الموضوع وخطورته