ايمن نور: خبرة جمال مبارك تؤهله لرئاسة بنك وليس مصر

**نور العمر** · 23-06-2009 08:33 PM

مصر محتاجة واحد زي السادات
من قلب شعبها
اتبهدل واتمرمت
وجاع واتوجع واتظلم
تعب وصبر وكافح
يااااااااااااااه
فين أيامك يا سادات
بجد وحشتني قوي
ربنا أكرمك بالشهادة
أما البلد إللي ذبحتك
معتقدش حترتاح تاني

سامحوني يا جماعة
اصلي بحب الراجل ده جدا
رغم كل عيوبه
ورغم كل معارضيه
ورغم إني عشته بالتاريخ
مش عشرة وجها لوجه

**Samah AbdAllah** · 23-06-2009 08:38 PM

مش كل انسان عاش فى اسرة فقيرة هيمسك الحكم هيفكر فى الناس فكم من فقير عندما امتلك المال نسى اقرب الناس اليه فما بالك بمصير أمة وشعب بالكامل

لو حبيتوا تحكموا على كفاءة جمال مبارك من عدمها انسوا انه ابن الرئيس محمد حسنى مبارك وقيموه شوفوا ينفع ولا لأ وممكن يقدم ايه للبلد وهل يصلح سياسى ام لا وايه البدائل المتاحة

مصر حالها مش هيتحسن بتغيير حاكم .....الحاكم مش بيحكم لوحده

والفساد مش بس فساد حكام

**mobitic** · 23-06-2009 08:53 PM

مصر مليانة شخصيات تصلح لقيادتها
بس للأسف
إما يحدث إبعاد لها عن الساحة السياسية بطريقة أو بأخرى
أو لا تستطيع التقدم للترشيح بسبب التعديلات الدستورية الجديدة
المهم بقى فى اللى جاى انه ميقولش ان السلام خيار استراتيجى والكلام اللى بقى ملوش لازمة
يعنى لو قدر بس يحفظ لنا كرامتنا فى مصر وخارجها يبقى كتر ألف خيره

**Terrible_DaRsH** · 23-06-2009 08:53 PM

يا جماعة نظام الترشيح فى مصر اختلف تماما مش زى ما انتم فاكرين !

اللى هيرشح نفسه للحكم لازم و لا بد ان يكون تابع لاى حزب من الاحزاب و يتم ترشيحه بناء على ماوفقه الحزب التابع له .

يعنى مينفعش واحد ييجى من نفسه كده و يقول انا هرشح نفسي زى عضوية مجلس الشعب .

ايمن نور استقال من حزب الغد فبالتالى لن يكون له ترشيح للرئاسة .

اذا لن يوجد منافس لجمال مبارك فى الانتخابات سوا مرشح حزب الغد اللى هيكون مين ( الله اعلم ) و اؤكد مرة اخرى ان جمال مبارك هو الرئيس اقادم .

**M.almaghraby** · 23-06-2009 09:01 PM

انسوا انه ابن الرئيس محمد حسنى مبارك وقيموه شوفوا ينفع ولا لأ

دا مبدائيا مينفعش

**aboelnagah** · 23-06-2009 10:11 PM

أيمن نور

يارب ولى من يصلح

**أحمد سالم** · 23-06-2009 11:16 PM

وانت يا أيمن ... بك .... نور

مين قلك انك تصلح رئيس جمهورية
انت معرفتش تكون رئيس جمهورية بيتك
سيب مصر في حالها
مش ناقصينك

ايه اللى دخل بيته فى الموضوع انا مش معاك فى تجريح الراجل
انا شايف ان اللى ممكن يكون كويس لو رشح نفسه هو الدكتور محمد البرادعى
على الاقل له علاقات دوليه كبيره جدا
وله علم كبير بالعمل السياسى
ولا اعتراض على شخص جمال مبارك
فى حال ان تتعمل انتخابات نزيهه
ويكسب فعلا باصوات الشعب
وفى الاخير نتمنى من الله
ان يوفقنا لما فيه الخير
ولا تنسو مقولة الشيخ الشعراوى الشهيرة للرئيس مبارك
انه لا يحكم فى ملك الله
الا من يريده الله
وبأمر الله

**nabaster** · 24-06-2009 12:43 AM

المشاركة الأصلية كتبت بواسطة mahfouz1983

.
وقالوا إن المؤسسة العسكرية التي تمسك بالفعل بزمام الحكم وتملك الكلمة الاخيرة في من يحكم مصر قد لاتقبل تولي مدني شاب لرئاسة الجمهورية ما يعني توليه تلقائيا منصب الرئيس الاعلى للقوات المسلحة للمرة الاولى ، وربما تحتفظ المؤسسة العسكرية بمرشح"مفاجأة" سرعان ما سينال الدعم المطلوب للترشح كمستقل للرئاسة في الانتخابات، نظرا لما يحظى به الجيش المصري من اجماع وطني واحترام شعبي وسياسي واسع،

عمر سليمان

-

-

الموضوع: ايمن نور: خبرة جمال مبارك تؤهله لرئاسة بنك وليس مصر

LinkBack

أدوات الموضوع

عرض

-

-

-

-

-

-

المواضيع المتشابهه

شاب يصفع جمال مبارك

مبارك فين دلوقتى؟طيب جمال مبارك فين؟

الكلمات الدلالية لهذا الموضوع

المفضلات

المفضلات

ضوابط المشاركة