الموضوع: عايز رأيكم في الفلتر الجامد ده للنسر بومة 2007 انا لسة مركبه لعربيتي

هو جامد بس الاهام انت حاسس بفرق اذاي
قدرت تقيس الفرق

المشاركة الأصلية كتبت بواسطة ramezbw

هو جامد بس الاهام انت حاسس بفرق اذاي
قدرت تقيس الفرق

هو ده اللى عايزين نعرفه

المشاركة الأصلية كتبت بواسطة zocor742

بسم الله ماشاء الله
بجد جامد طحن واحسن مافية انة بياخد هواء من عند شبكة العربية بعيد عن الحوض
بس انا اول مرة اشوف الفلتر دة
ياترى دة صناعتة اية وجايبة بكام ياباشا
وينفع يركب على نوبيراولا نازل للنسر بس
والف مبروك الفلتر وربنا يباركلك فية
ياريت تعملنا تقييم عنة وعن الاداء الجديد

+111111111111111111111

أولاً الله يبارك فيكم يا جماعة ثاني حاجة أنا مبسوط جداً انكم اهتميتم بالموضوع ورديتوا عليه
(اعرفكم بنفسي الأول اسمي إسلام حنفي من اسكندرية)
خاصة وعلي ما أعتقد أن اللانسر البومة من أكثر السيارات المنتشرة في مصر واللي بيبان عليها التعديل جداً لأنها تعتبر من فئة السيارات الرياضية
نيجي بقي الفلتر هو نوعه سيموتا كربون تشارجر ودا علي فكرة ثاني فلتر أشتريه خلال شهر واحد كنت جايب قبله فلتر simota بس العادي وكان نوعه كويس برده وكان عبارة عن الفلتر ـ الكباية بس من غير الماسورة ـ كان سعره 140 جنيه طبعاً كان صوته حكاية وعاجبني في الأول ووهمت نفسي أنه عمل فرق جامد واني بطير مع كل كيك داون ولك في الآخر اكتشفت الحقيقة المرة أنه خنق العربية وأنها بالفلتر الأصلي بتاعها كانت بتسحب أكتر وكمان مزعج عالفاضي , لحد ما لقيت الفلتر الجديد وانا بلف في المحلات المحترمة وعرفت انه بيجي بالطلب من القاهرة لأن سعره غالي 775 جنيه وطبعاً بعد الواسطة والتزبيط نزل سعره 675 جنيه وطبعاً اشتريته علطول منزل من سعره 100 بحالهم بس بعد كده عرفت من محل تاني ان أنا خدته بسعر لوقطة ههههههه لأنه كان بيبيعه ب 550 جنيه
المهم علشان ما اطولش عليكم بعد ما ركبته شكله بصراحة كان تحفة تحس فعلاً انك مركب حاجة جامدة أوي في العربية شكله رياضيي بجد. بالنسبة للأداء فرق السما من العمي عن اللي قبله لأن أهم ميزة فيه انه كله من الكربون وأن الفلتر نفسه داخل علبة كربون والماسورة والكولر انتيك كربون أيضاً ودي طبعاً مابتسخنش وتسخن الهواء اللي داخل للموتور ذي المواسير ستناليستيل بعني بتدخل الهواء بارد للموتور خاصة وأنه بياخد الهواء مباشر من شبكة العربية لأنه بيركب في سدر العربية مكان الأصلي بالظبط ودا بيخلي الهواء اللي داخل علي السرعات العالية مضغوط وبنسبة أكبر كتير طبعاً والعملية دي بتفرق الأكسجين اللي داخل لجزيئات مضغوطة وبالتالي زيادة الاشتعال والاحتراق والسححححححححب طبعاً.
الفتر تايواني من شركة simota وعلي فكرة هي شركة محترمة وهي في الأصل شركة صناعة فلاتر طائرات
وطبعاً الفلتر ال k&n أحسن منه في الصوت والأداء لكن مش موجود بالمواسير والأنتيك الكربون اللي ذي simota ولوموجود بنفس الشكل اللي معاه يدفع أكيد حيشوف فرق أفضل
الفلتر ده نازل كامل لأنواع معين من العربيات ذي اللانسر البومة وشفت واحد للهوندا وأكيد في أنواع لعربيات تانية لكن دول اللي أنا شوفتهم
وعلي فكرة هو موجود كفلتر بس بنفس الشكل بدون الماسورة والانتيك مقاسات مختلفة يعني ممكن يركب لأي عربية بحوال 400 جنيه وطبعاً انتم عارفين اللي حصل معايا في فرق الأسعار فاخصموا انتم الفرق بعد التظبيط.
أخيرأ عشان أنا عارف انكم زهتوا مني انا كنت بجيب من صفر ل 100 في حوالي 12ثانية أو 13 بعد الفلتر حوالي 9 أو 10 ثواني للعلم العربية أوتوماتيك ومستني ردودكم وتحت أمركم في أي استفسار

بالمناسبة يا جماعة يا ريت حد يقولي طريقة وضع الصور في الصفحة للمنتدي بدل استخدام اللينكات