Citroen C3 Puriel

**Eslam.Elrefaey** · 24-06-2009 03:12 AM

الحقيقة يجماعة مش عارف أقول إيه عربية بجد جامدة وليها منافسين مش كتار فلم أجد منافس لها سوى الفيات 500
العربية دى عجبانى جدا وكتبت عنها فى منتدى السيتروين ولم أجد أى حد عرفها ورد واحد بس ورد يائس جدا على فكرة العربية ليس لها شهرة هنا خالص فى مصر نادرا لما تلاقى واحد عرفها أو حتى تشوفها.
الأول حبيت أعرف العربية للمنتدى صور العربية:-

ودلوقت مع الفديوهات :-
فيديو شرح العربية
[youtube]http://www.youtube.com/watch?v=F6nHLprAd9g[/youtube]
والجزء التانى
[youtube]http://www.youtube.com/watch?v=OTRdBTA55rQ[/youtube]
وطريقة فتح السقف
[youtube]http://www.youtube.com/watch?v=2705NoZyYX4[/youtube]
ودا سيت العربية
http://www.citroen.co.uk/new-cars/citroen-c3-pluriel/

واللى عجبنى فى العربية نادرة تبقى ماشى الكل يواور عليك وشكلها حلو جدا وسعرها جديد 160 ألف ولكن مستعملة من 70إلى90 ألف حسب الكماليات بس حجمها صغير والفتيس بتعها دا لوحده حكاية بجد حكاية غير إنها مليانة كماليات بس مش عارف أخبار قطع الغيار أسعارها إيه بس موجودة أكيد عند الوكيل ويريت لو حد عارف أسعارهم يقولنا عليهم ولو حد معاه العربية يحكى عنها لأنها بجد عربية جامدة موت وبتنافس الفيات 500 بس مش عارف ليه الناس مبيشتروهاش؟؟؟؟؟؟؟مش عرفنها........صغيرة..........قطع غيرها.........غير كدة مش عارف.........بس مجمولها عربية تحفة كفاية إنها تحت إسم ستروين الشركة الفرنسية العريقة يا ريت أكون أفدكم بصراحة أنا مش عارف مكان الموضوع دا فين بجد بس العربية حلوة وكنت ناوى عليها اليومين دول وفحصتها على النت فحص شامل بس فى شوية ظروف لما تخلص إحتمال أدور على واحدة مستعملة علشان مش ناوى أجيب واحدة زيرو ب160وأخصر فيها أكتر من نص ثمنها ويريت إلى عارف عنها أى معلومات تانية يقولها وأنا جبت الكاتلوج بتاعها بدل مشرح فيها إيه هديلكو الرابط بتاعه
http://www.citroen.co.uk/get-in-touc...p%3ac3-pluriel
وشكرا والسلام عليكم

**Mzeid** · 24-06-2009 04:01 AM

للأسف أنا اللي رديت عليك الرد اليائس ..
بس انت مش هتلاقي حد يقدر يفيدك في العربية لأنها من نوعية العربيات اللي الناس بتخاف تغامر فيها ..
زي عربيات تانية برضه الناس بتخاف تغامر فيها زي الليون ..
و من ضمن و أهم الأسباب هو غلاء قطع غيارها ..
و يا ريت لو حد عنده معلومات عنها اكتر يفيدنا و ينورنا بيها ..

**blazer** · 24-06-2009 04:12 AM

للاسف سعر العربيه عالى جدااا
160 الف يحطوها فى منافسه مع عربيات زى (الجولف -الاسترا -الميجان-البرافو-الليون) وهتبقى المقارنه مش فى صالحها تماما و بلذات انهم كلهم عربيات هاتشباك و رياضيين جدا جدا

**Mzeid** · 24-06-2009 04:22 AM

المشاركة الأصلية كتبت بواسطة blazer

للاسف سعر العربيه عالى جدااا
160 الف يحطوها فى منافسه مع عربيات زى (الجولف -الاسترا -الميجان-البرافو-الليون) وهتبقى المقارنه مش فى صالحها تماما و بلذات انهم كلهم عربيات هاتشباك و رياضيين جدا جدا

تمام ..
لأن كل اللي فيها بس الميكانيزم بتاع السقف اللي بيفرقها عن ال c3 العادية ..
ف ليه أدفع فرق كبير بالشكل دة 60 ألف علشان الميكانيزم دة و خلاص ..

**zocor742** · 24-06-2009 05:27 AM

انا شوفت العربية دى بس اية ميتعدوش على الايد بس هيا شكلها شيك جدا واعتقد مش منتشرة عشان سعرها
وعلى فكرة لو تفتكروا الc3 العادية اول ما نزلت حققت مبيعات كويسة مش وحشة بس الفئة دى غالية عشان تكلفة السقف
بس انصح حضرتك لو هتشتريها تعمل فى حسابك على انك هتخصر جامد اوى لو جيت تبيع الا بقى لو هتجيبها ومش مفكر فى موضوع البيع خالص
وفكر فى نقطة ان المبلغ دة ممكن يركبك عربيات عالية كتير واعتقد تفوق السيتروين فى الاداء

فكر اكتر فى الموضوع ولازم تبصلة من جميع النواحى عشان تاخد القرار السليم
وربنا يوفقك فى الاختيار

**Eslam.Elrefaey** · 24-06-2009 06:02 AM

المشاركة الأصلية كتبت بواسطة zocor742

انا شوفت العربية دى بس اية ميتعدوش على الايد بس هيا شكلها شيك جدا واعتقد مش منتشرة عشان سعرها
وعلى فكرة لو تفتكروا الc3 العادية اول ما نزلت حققت مبيعات كويسة مش وحشة بس الفئة دى غالية عشان تكلفة السقف
بس انصح حضرتك لو هتشتريها تعمل فى حسابك على انك هتخصر جامد اوى لو جيت تبيع الا بقى لو هتجيبها ومش مفكر فى موضوع البيع خالص
وفكر فى نقطة ان المبلغ دة ممكن يركبك عربيات عالية كتير واعتقد تفوق السيتروين فى الاداء

فكر اكتر فى الموضوع ولازم تبصلة من جميع النواحى عشان تاخد القرار السليم
وربنا يوفقك فى الاختيار

أنا قولت إنى ناوى أجبها مستعملة كانت فى واحدة كويسة بس الظروف تخلص

**evoo90** · 24-06-2009 10:26 AM

انا كنت فاكر العربيه دى من 3سنين كانت ب80 - 90 ؟؟؟؟؟؟؟؟؟؟؟؟

**كابوس الليل** · 24-06-2009 03:53 PM

الفيديو الاخير ده وجع قلب ومشلكة كبيرة اوى ممكن تنسة سقف العربية ف اى حتة كمان مدام السقف بتفك يبقا اكيد نسبة السلامة فيها مش قوية من نحية السقف عشان كدة عربية وحشة

**blazer** · 24-06-2009 05:47 PM

المشاركة الأصلية كتبت بواسطة evoo90

انا كنت فاكر العربيه دى من 3سنين كانت ب80 - 90 ؟؟؟؟؟؟؟؟؟؟؟؟

العربيه من ساعت ما نزلت وهى معديه ال 100 الف
اللى ب 80-90 هى ال c3 العاديه

**Ahmed Nouh** · 25-06-2009 12:08 AM

سمحت لى الفرصه انى اجرب العربيه دى

معجبنيش فيها اى حاجه من السقف لوضعيه القياده لحجمها ولا عمليتها

ونزلت منها بعد تجربه حوالى ساعتين عمال اقول نتخيل انها ب 50 ألف ايه اللى يشجعنى على شراءها ؟

ودايما وصلت ان مفيش اى سبب يخلى الواحد يضيع فلوسه عليها

التصميم واقعيا معجبنيش نهائى وحتى الحجم لا يليق بسعرها المبالغ فيه جدا

العربيه مفيهاش اى تميز فى الاداء وبرغم انها فرنسيه الا انها مفيهاش الراحه ولا الهدوء اللى بتقدمه العربيات الفرنساوى

السقف غير عملى بأى حال من الاحوال لانك مش هتعرف تفتحه فى شوارعنا دى والا حد هيرميلك اى حاجه للذكرى وانت ماشى او حتى تلاقيه نط قعد ورا ولو مشيت بيها على طريق سريع كدا مش هتعرف تعدى ال 90 ابدا

ونسيت اقول كمان انك لو قررت تخرج من البيت من غير السقف يبقى هتقضى كل المشوار من غيره لان الدعامات بتاعت السقف اللى فى الجنب ملهاش مكان فى العربيه ولو اتفكت مينفعش ترجع السقف تانى الدنيا مطرت بقا او ركنت فى اى مكان هتبقى العربيه مكشوفه بلا رجعه

بشكل عام مازلت من وجهه نظرى الشخصيه مقتنع انها من نوعيه العربيات اللى يتقال عليها هما عملوها ليه اساسا ؟؟

الموضوع: Citroen C3 Puriel

LinkBack

أدوات الموضوع

عرض

-

-

-

-

-

-

-

-

المواضيع المتشابهه

فرش جلد ل Citroen C4

فرش جلد ل Citroen C4

citroen c4

الكلمات الدلالية لهذا الموضوع

المفضلات

المفضلات

ضوابط المشاركة