الغباء المرورى و الاستهتار ليس فى مصر فقط .

الاستهتار لم يقتصر على دولة فقط !

الاستهتار و الغباء ليسوا محصورين فى مصر فقط يا جماعة .

بنتدايق لما عسكرى يفتح اشارة غلط او واحد يعدى الشارع باستهتار او كده .

شوفوا بقي اغبي تقاطع مرورى فى العالم كله و شوفوا اللى بيحصل .

فى روسيا الكلام ده .

http://www.youtube.com/watch?v=DuTCMegTYv0

الموضوع ده بقاله كتير جدا و للاسف مفيش حل , يوميا بيحدث الكلام ده عندهم و محدش شاف لهم حل للمشكلة دى .

لا الناس بتهدى قبل التقاطع و تعمل حساب الثلج ولا الحكومة فكرت تعمل على الاقل كوبرى !

الغباء المرورى ليس فى مصر فقط .

على كدة الشعب الروسى شكلة غبى اوى
دول حتى مش بيستفيدوا من تجارهم
فلحين فى حاجات حاجات

مستغرب ليه !!!!!!!!!!!العسكري من دول بيروح بلدهم ويقولوهم انا بوقف مصر باشارة من صوباعي؟؟؟؟؟؟؟؟؟؟

لاااااااااااااا احنا مش بالغباء ده ياراجل

بس انا شايف ان جزء كبير غلطة الى بيسقوا بيدخلوا فى التقاطع بسرعة اوى ومن غير ميشوفوا بس كانت الحكومة عندهم المفروض تعمل اشارة وتوقف حد . دول المفروض يجيوا مصر يخدوا كورس سواقة على فكرة الى بيعرف يسوق حلو فى مصر برة بيعتبروة سواق محترف واحد قريبى فى انجلترا قالى كدة مكنش مصدق الى عمال اعملة وانا سايق وتصرفات الناس التانية

الحمد لله ان احنا عندنا عساكر مرور
ربنا يحفظهم لنا

لو التقاطع ده فى مصر كنت هتلاقى قبل الاشاره تلاتين مطب مش مهم بقى طريق سريع او يكسرلك العفشه اوى حاجه من الكلام ده

المهم ان يوقفك غصبا عنك

انا بقترح روسيا تاخد بالتجربه المصريه

انا مش شايف غير تقاطع عادى جدا وسواقين اغبيا

انا عايز اعرف الناس دى كانت هتعمل ايه لو كانت بتتعامل مع تقاطع ميدان الاوبرا بتاعنا(اللى يستحق عن جدارة لقب اغبى تقاطع فى العالم) اللى بتدخله العربيات من 3 اتجاهات (شارع عبد الخالق ثروت وشارع الجمهورية اللى جاى من عابدين والناس اللى خارجة من نفق الأزهر وكوابرا الأزهر) وكلهم يتقابلو فى حتة يادوبك تساع 3 عربيات وبعدين يخرجوا فى 3 اتجاهات برضه(كوبرى الأزهر، ونفق الأزهر، ويسار جراج الأوبرا للمتجه الى العتبة وشارع الجيش) وكله بيدخل على كله وكله بيعجن فى كله وكله بيعمل حركات شقلباظية اكروباتية علشان يعرف ينشن بوز عربيته على المخرج اللى هو خارج منه وبعد كدة يقاتل اصحاب السيارات المجاوره للحفاظ على بوز سيارته فى الاتجاه الذى يريده ومن ثم الخروج من ميدان الأوبرا بدون خسائر وفى الاتجاه الصحيح( حصلت لى اكتر من مرة انى علشان اتلافى الخسائر فى سيارتى اطلع الكوبرى بدل ما انزل انفق، او ادخل الى يسار الجراج واعيد الدوران حول الميدان بدلا من نزول النفق)

انا نفسى اعرف لو العالم المرفهة اللى فى الفيديو دى تعرضت لتجربه ميدان الاوبرا هتبقى الحوادث بمعدل كام حادثة فى الثانية

والله العظيم احنا لنا الجنة

انا ملاحظ ان كل الحوادث في نفس التقاطع

اقتباس:

---

المشاركة الأصلية كتبت بواسطة mahamedaraby

لو التقاطع ده فى مصر كنت هتلاقى قبل الاشاره تلاتين مطب مش مهم بقى طريق سريع او يكسرلك العفشه اوى حاجه من الكلام ده

المهم ان يوقفك غصبا عنك

انا بقترح روسيا تاخد بالتجربه المصريه

---

عرفتوا بقي فايدة المطبات بتاعتنا أيه ؟؟
1- أنك تهدي سرعتك غصب عنك
2- لو ماهدتش سرعتك العربية ممكن تتقطم نصين قبل ماتوصل للتقاطع و بالتالي تبقي الخسائر في عربيتك أنت بس و ماتلحقش تخبط في العربيات التانية

و عماااااااار يامصر بمطباتك

مش بس كده...انا شفت حاجات زي دي في دول زي امريكا و في المانيا شفت ناس بتعدي الشارع زي ما احنا بنعدي الشارع كده ...بين العربيات و اكروبات ده غير بقي كسر الإشارات و السرعات الغباء و القيادة وهو متنيل بستين نيله و سكران وغيره....احنا بس الي بنعملهم اساطير ....ولكن هم طبعاً احسن مننا في النظام وده مفيهوش كلام ...لاكن المخالف هنا و هناك و الغبي هنا و هناك

لو اشارتين مرور يحلو المشكلة .... انا مش عارف ساكتين ازاى على الكلام دا

معندهومش اشارات ولا عساكر يعملوا مطبات معندهومش حد يعملهالهم يبعتولنا نبعتلهم اى عيل صغير من عندنا يملالهم الشوارع مطبات

على فكرة هما عملين الاشارة ضح والتقاطع صح برضوا بس العيب على المواطنين انهم بيمشوا بسرعة فكرين نفسهم ف سباق اول ما الاشارة تيجة خضرة يقوم طالع بسرعة ولاكن حل المشكلة سهل جدا
ان مش أول ما الاشارة تجيب احمر ف حتة تقوم التانية جايبة اخضر تستنة بتاع 10 ثوانى بحيث يكون كل العربيات الى كانت لسة بتطلع من الاشارة الخضرة
بمعنى ان يكون لما يكون ف اشارة خضراء وتقفل .. التانية متبقاش خضرا على طول تقلب اخضر بعط 10 ثوانى
حد فاهمنى ؟

هو العيب الاكبر على الشعب الروسي و بعديه الحكومة .

انا عندى فيديوهات لروسيين فى قمة الغباء و الاستهتار , الظاهر ان دى طبيعتهم .

بس فعلا هما دول اللى ينفع معاهم مطبات و ده مثال صغير لينا لو المطبات فى مصر اتشالت .

انا ماكنتش فاهم بعدين فهمت...
الناس في كلها مفرملة فعلا بس التلج والنياة على الأرض بتزحلق فا بيلبسوا في بعض.. !!!

اقتباس:

---

المشاركة الأصلية كتبت بواسطة sab3aawy

انا مش شايف غير تقاطع عادى جدا وسواقين اغبيا

انا عايز اعرف الناس دى كانت هتعمل ايه لو كانت بتتعامل مع تقاطع ميدان الاوبرا بتاعنا(اللى يستحق عن جدارة لقب اغبى تقاطع فى العالم) اللى بتدخله العربيات من 3 اتجاهات (شارع عبد الخالق ثروت وشارع الجمهورية اللى جاى من عابدين والناس اللى خارجة من نفق الأزهر وكوابرا الأزهر) وكلهم يتقابلو فى حتة يادوبك تساع 3 عربيات وبعدين يخرجوا فى 3 اتجاهات برضه(كوبرى الأزهر، ونفق الأزهر، ويسار جراج الأوبرا للمتجه الى العتبة وشارع الجيش) وكله بيدخل على كله وكله بيعجن فى كله وكله بيعمل حركات شقلباظية اكروباتية علشان يعرف ينشن بوز عربيته على المخرج اللى هو خارج منه وبعد كدة يقاتل اصحاب السيارات المجاوره للحفاظ على بوز سيارته فى الاتجاه الذى يريده ومن ثم الخروج من ميدان الأوبرا بدون خسائر وفى الاتجاه الصحيح( حصلت لى اكتر من مرة انى علشان اتلافى الخسائر فى سيارتى اطلع الكوبرى بدل ما انزل انفق، او ادخل الى يسار الجراج واعيد الدوران حول الميدان بدلا من نزول النفق)

انا نفسى اعرف لو العالم المرفهة اللى فى الفيديو دى تعرضت لتجربه ميدان الاوبرا هتبقى الحوادث بمعدل كام حادثة فى الثانية

والله العظيم احنا لنا الجنة

---

انا بقرا المعوذتين والشهاده فبل مااعدى ميدان الاوبرا وانا مش عارف مين هيبلس فى مين
بس الصراحه عندنا تقاطعات كتييييييييييييييييييييييي ييييير قوى فى منتهى الغباء

لما تسافر روسيا
تحس انك في مصر
الرووس شبه المصريين في حاجات كتيير
احنا مدمنين 128
هما مدمنين اختها الكبيرة لادا 2107
وهكذاااااااااااااااا