كمبريسور هواء للطوارئ

**mrghost** · 25-06-2009 06:45 AM

انا جبت الصينى من سنتين بس بايظ دلوقتى للاسف بس بصراحه انقذنى كتييييييييييييير ايام ماكان سليم

**abo_hosni** · 25-06-2009 07:22 AM

الكومبريسور ده مفيد جداً
اللي عندي كومبريسور أمريكي من 15 سنة بمقاس ضغط منه فيه و لو العجلة نايمة على الأرض خالص بياخد 5 دقائق

**merosss** · 25-06-2009 09:44 AM

انا جبت واحد من كرفور صينى كان بحاجة واربعين جنية ولسة مجربتوش بس انا عايز اسأل المقياس الى عند ابو الجوخ الاطالى دة دجيتال و لا عادى اصل المقياس الى فى الكمبرسور انا مش فاهم هو بوحدة اية بالضبط وتقريبا ملوش لزمة ؟؟؟

**mmahermf** · 25-06-2009 11:12 AM

المشاركة الأصلية كتبت بواسطة merosss

انا جبت واحد من كرفور صينى كان بحاجة واربعين جنية ولسة مجربتوش بس انا عايز اسأل المقياس الى عند ابو الجوخ الاطالى دة دجيتال و لا عادى اصل المقياس الى فى الكمبرسور انا مش فاهم هو بوحدة اية بالضبط وتقريبا ملوش لزمة ؟؟؟

المقياس عادي أنالوج مش ديجيتال وايطالي

**د.محمود صلاح** · 26-06-2009 07:47 AM

استخدمه منذ 4 سنوات , الصينى ثمنه حوالى 50 ج لا يستخدم لأكثر من 8 دقائا والا موتوره يتحرق , بينفخ جيد جدا حتى 30 واكثر قليلا
ممتاز لكل سيارة بالذات الكاوتش التيوبلس

**Michael_Lanos** · 26-06-2009 03:50 PM

الله ينور

**samcar** · 27-06-2009 01:19 AM

المشاركة الأصلية كتبت بواسطة mmahermf

الأخوة الأعزاء..

إمبارح بعد الشغل رحت لأبو الجوخ في شارع الجمهورية واشتريت من عنده كمبريسور هواء مكتوب على علبته أنه تايواني وأول ما شفته قلت ده لعبة من حجمه وكان شرطي علشان أخده اني حنيم العجلة الأمامية بالذات على الجنط ونشوف اللعبة ده حيعمل ايه

المهم حصل الكلام وابتدي التحدي والراجل ادالي مفك بلف هدية ونيمت العجلة الأمامية الشمال ودورت العربية وحطيت الفيشة في الولاعة وابتدى النفخ وبعد 11 دقيقة لقيت العجلة تمام التمام

واشتريت من عنده مقاس ضغط ايطالي وقست لاقيته 32 وشوية ونزلت الضغط حتى 30 وكنت سعيد جدا.

الأسعار :
الكمبريسور 125 جنيه
المقاس الايطالي 40 جنيه وفي صيني 20 جنيه
اخدت الأداة بتاعة دخول الخوابير في الكاوتش مش عارف اسمها + 5 خوابير أمريكي ب15 جنيه
الخوابير وحدها عبوه 5 ب5 جنيه (يابلاش)
ولاقيت عنده الكوريك التمساح ب90 جنيه

حبيت اقولكم على الكمبريسور ده للطوارئ وبدل البهدلة في الحر ده.

وشكرا...

11 دقيقه علشان عجله واحده ؟؟ انا عندى منفاخ روسى كنت جايبه من شارع عماد الدين - او تفريعه منه كان بينفخ العجله فى خمس دقايق
واللى كنت دايما استخدمه منفاخ رجل كنت جايبه ب 12ؤ جنيه والله كان العجله بعد 4 او خمس دقايق بتبقى تمام وتمشى عليها لاى محل كاوتش - وكان تمرين مفيد لعضلات الرجل - ههههههه

11 دقيقه بصراحه كتير قوى الا اذاكانت عربيتك 4ء4 من الوزن التقيل