عرض للطباعة
ازيكم يا شباب :049:
بصراحه انا محتار قوى بين العربيتين دول
1- نيسان صنى سوبر صالو ن 2009 اوتوماتيك
2- تويوتا يارس فول اوبشن اوتوماتيك
يا ترى لو مكانى تختار ايه ؟؟؟؟؟ و ليه
ياريت الكل يصوت و بعدين يكتب رأيه
علما بان نيسان صنى 2009 الشكل الجديد فيها abs و اعتقد ان استهلاكها للبنزين عالى شويه بالنسبه ل 1600
فى انتظار اصواتكم و ارائكم
طيب انت محتاج العربيه فيه ايه سفر عائله واسعه كده يعنى علشان نعرف نحدد
بس ميدئيا كده توفير بنزين يبقى يارس بدون كلام
لا مش شرط تكون عائليه ..... احنا 3 افراد ..... و بالنسبه للسفر ممكن اسافر من القاهره الى الاسكندريه مرتين فى الشهر
أنا عندى نيسان صنى 2005 يابانى 1.6 أوتوماتيك
هى مينفعش نقول عليها عربيه أقتصاديه لأنها بتستهلك جو البلد لو مكنتش بتجرى بالعربيه 8.6 كيلو لكل لتر بنزين و طبعا ده من غير تكييف
و على الطريق بتعمل 15 كيلو لكل لتر لو سرعتك كانت 80 و 12.5 كيلو فى اللتر لو كنت ماشى على 120 و طبعا ده من غير التكييف
بس بالنسبه للثبات فهى أفضل من اليارس ب 20 مره لأنها عند واحد من أصحابي و أنا جربتها
و بالنسبه للراحة فى القعده النيسان أحسن 500 مره
النيسان عربيه كويسه جدا و قطع غيارها معمره و أسعرها معقوله و أرتفاعها عن الأرض معقول و أنا شايف أنها عربيه ممتازه فى السفر لكن جوه البلد اليارس هتكون أفضل منها بكتير
لو أنت عايش فى القاهرة برشحلك اليارس لأنها ممتازه جدا فى أستهلاك البنزين بتعمل حوالى 15 كيلو فى اللتر جوه البلد و ده طبعا للعربيه الأوتوماتيك غير أن الصاج بتاعها و أكصدامتها فيها مرونه حلوه بتمتص الصدمات و بترجع لشكلها بأقل مجهود ممكن متحتاجش تروح لسمكرى خالص
أما لو أنت مش عايش فى القاهرة فأشترى الصنى أحسن لأنها هتستحمل أكتر من اليارس بهدله
أحب أضيف أن الرؤيه الخلفيه فى اليارس وحشه شويه لصغر حجم الزجاج الخلفى
ارشح لحضرتك النيسان سوبر صالون
ماتور قوى
تكيف ممتاز
عفشة رياضية
التقفيل ممتاز
شيك جدآ من الداخل و الخارج
جميع عوامل الأمان
( BA system (Brake assist) - EBD ( Electric brake-force distribution) - ABS (Anti-lock brake system
2 Air Bags
توكيل محترم
حضرتك ممكن تأخذ فكرة أكثر عن العربية من اللينك القادم و ربنا يوفقك فى الأختيار
نيسان صني بكل تاكيد موتور 1600 و 118 حصان وواسعة ومليئة كماليات وعوامل امان وثبات عالي انما الياريس 1300 و 92 حصان وثبات مش قوي وتابلوه بسيط وفي النص لكن ميزتها انها عالية عن الارض وايضا سعرها عالي قوي مقارنة بامكانيتها
شكرا للردود و فى انتظار باقى الاراء ..... هو سعر النيسان صنى سوبر صالون اوتوماتيك 2009 بكام بالظبط ؟
نيسان صنى 2009 سوبر صالون اوتوماتيك
اقتباس:
المشاركة الأصلية كتبت بواسطة hany_c_v
السعر 106 الف و فى تخفيض لأخر الشهر 3000 جنية يعنى السعر لأخر الشهر 103 ألف
و السبع بيدى دفتر تخفيض بقيمة 1000 جنية على شكل كوبونات كل كوبون ب 50 جنية يتم استخدام فى كل صيانة كوبون واحد فقط يعنى فى كل عملية صيانة بيتم خصم 50 جنية من اجمالى الفاتورة مقابل كوبون
النيسان صنى بلذات لو انت بتسافر كتير
النيسان عوامل امان وثبات اعلى
ماتور اقوى
الياريس قد تكون ناعمه شويه عن النيسان
النيسان استهلاك بنزين اعلى من الياريس
لا النيسان صنى افضل من الياريس
تويوتا ياريس
لغاية دلوقت النيسان مكتسحه ....... مفيش حد يؤيد اليارس ولا ايه ؟؟؟؟
الظاهر كده ان النيسان افضل
الموضوع مش حد مؤيد الياريس سياره جميله
طبعا بس اكيد ديما فى الى احسن
وكذلك فى الى احسن من النيسان
ولو فعل انلاقى ان النسيان انتششت اكتر من الياريس كشكل افضل واداء وقوه
الصني في فئة الكورولا ....
الياريس أصغر حجما و محركا ........
شوف أنت عايز أيه من العربية
يعني لو عايز توفير بنزين و مفيش سفر مستمر و سواقة داخل المدن بإستمرار ...... يبقى ياريس .
عايز موتور شديد و ثبات علشان السفر ........ يبقى صني . و إستهلاكها في السفر هايكون معقول جدا .... هي إستهلاكها عالي داخل المدن إنما على طرق السفر بيقل الإستهلاك .
شكرا لكل من قام بالرد و ابداء المشوره
أختلف معاكاقتباس:
المشاركة الأصلية كتبت بواسطة tutankhamoun
الصني تقارن بالياريس
الكورولا فئة اعلي وده رأي الشخصي
:36_1_1[1]:
اقتباس:
المشاركة الأصلية كتبت بواسطة mohd2
أولا أختلاف الرأي لا يُفسد للود قضية بتاتا .
بس المشكلة هنا أن ده مش رأي
أحنا بنتكلم عن تصنيف عربيات مش رأي في شكل أو رأي في تصميم !!!
الياريس عربية بيتم تصنيفها على أساس super mini car أو sub-compact
أما النيسان صني و التويوتا كورولا فتصتيفهم هو compact cars .
لو حضرتك تقصد السعر .....
مش ده السعر الحقيقي بتاع الياريس لأنه مبالغ فيه شوية بالاضافة أن الكورولا كمان سعرها مبالغ فيه شوية و أن الصني تجميع مصري و بالتالي أرخص من المستورد ..... إنما لو كانت بيتم استيرادها من اليابان كانت هاتتباع بثمن عالي علشان خاطر الجمارك .
مقاسات العربيتين ( الكورولا - الصني )
طول ك 4539 مم ....... ص 4510 مم
عرض ك 1760 مم ........... ص 1710 مم
ارتفاع العربية ك 1448 مم ...... ص 1440 مم
قاعدة العجل ك 2600 مم ....... ص 2535 مم
الفروق بسيطة و في نفس الفئة الحجمية ..
و نلاحظ أن أهم عامل هنا هو قاعدة العجل اللي في الياريس 2370 مم فقط لا غير .
بالاضافة للمحرك الأكبر ..... اللي بيتم مقارنته بمحرك 1600 زيه ...... و قريب من نفس قوته .
يعني مفيش أي وجهة مقارنة بين الياريس أو الصني من ناحية الفئة الحجمية ....... لأن الياريس في فئة حجمية صغيرة بعكس الصني أو الكورولا .
النتيجة أن الصني و الكورولا في فئة الكومباكت كار
أما الياريس في فئة ...... سوبر ميني كر أو صب كومابكت .
و هو ده اللي بيصنف العالم به العربيات مش الآراء الشخصية .
لو بنتكلم عن السعر
قولي تصنف الميني في فئة أيه اللي ثمنها معدي ثمن الكورولا ...... و موتورها أصغر ..... و حجمها أصغر ؟؟؟؟؟؟
لو حضرتك صنفت الميني في فئة أكبر من فئة الكورولا
يبقى الياريس في فئة الصني :girlsthink:
أولا أرجو انك متضايقش من المناقشة
ثانيا نختلف بقه
نقطة التصنيفات و ودي بيحطوها هنا ودي هنا فده بيبقي علي اساس الحجم
ولو هنقارن بالحجم يبقي من حقي ادخا ال516 معاهم في المقارنة و 620 اسبيرانزا ممكن اقارنها بالbmw 3series و المرسيدس الc classوممكن كمان ال620 تغلبهم لتفوقها في السعر وكماليتها الكتير
عشان كده الحجم ده مش مبرر للمقارنة خالص ده وسيلة تسهيل لأختيار العربية حسب الحجم ومتطلباتك و ده رفاهية مش متاحة للمصريين نظرا لغلاء الأسعار غير الطبيعي اللي منعنا اننا نشوف عربيات كتير جدا
اما السعر فحضرتك قولتها دي مصري ودي مستورده وده نهى المقارنة بينهم لفرق جودة التقفيل والمشاكل اللي قبلت بعض ملاك الصني وهي لسه زيرو من تغيير حاجات تدل علي رداءة التقفيل وعدم مراعاة جودة القطعة اللي بتتركب
اما المقاسات فهرجع اقول تاني مش بالحجم والا هتدخل حاجات كتير في بعضها
اما المحرك فالصني كانت بتنزل قبل كده بموتور 1300 معني كده ان 1300 ممكن تقارن بالياريس وبعدين هتظهر مشكلة تانية لو جبت bm 330 ممكن اقارنها بمرسيدس e 280 مهو المتور تقريبا نفس القوة
سيدي الفاضل ممكن بزيارة بسيطة لأي معرض تقعد جو دي ودي وشوف خامات التابلوه وجرب قعدة الكرسي
وبالنسبة للثبات حضرتك جايبها عشان تجري هات صني عايز خامات افضل و راحة في المشاوير الطويلة اكتر ياريس
والكلام ده عن تجربة حيث انه يوجد ياريس عندنا في البيت و لو مسافر لغاية 140 الياريس جيدة وعن تجربة
بس انا شايف ان احنا اتفقنا في الأخر ان الكورولا لا تقارن بالميني كوبر
اسف للإطالة وإن كنت أتمني اكتبلك كمان ليه الصني لا تقارن بالكورولا
:colsmil: :colsmil:
حضرتك أنا مش زعلان من المناقشة بتاتا ..... و هازعل ليه ..... هو أنا ياباني ؟؟؟ أنا راجل مصري .
المهم ....... برضه نرجع و نقول ..... حضرتك أتكلمت في فئ السعر ......
يبقى عادي ممكن أقارن علشان أشوف أيه المتاح لي من عربيات في فئة سعر المتاح لي .
و أنا مش بتكلم عن فئة السعر .
أنا وضحت في كلامي ................. الفئة الحجمية .
اللي الصني و الكورولا بيشتركوا فيها .
توضيح تاني .
الصني 1300 .......... كانت أصغر قليلا من اللي موجودة دلوقتي و كذلك الكورلا 1300 أصغر قليلا من اللي موجودة دلوقتي .
و نرجع تاني و نقول أن السعر مش مُحدد الفئة .
زي ما قلنا ...... أن الأسعار بتختلف من بلد للتاني ومن توكيل للتاني .
يعني لما بتكون عربية شغالة كويس في السوق و توكيلها جشع شوية .....بيرفع من السعر حبتين تلاتة زي توكيل تويوتا .....
و لو قارنته بتوكيل ياباني تاني شوف الدايهاتسو و أسعار السيريون مثلا
مع أن السيريون و الياريس في فئة واحدة ...... و ثمنهم خارج مصر واحد .
بس علشان الدايهاتسو ملهاش سمعة زي تويوتا ...... فتوكليها ميقدرش يلعب في السعر زي توكيل تويوتا .
و برضه مينفعش أقول أن الياريس فئة الصني ....... لأختلاف الحجم .
بالنسبة لمقارنة حضرتك بعربيات صيني لأي عربية تانية
ليه لاءة لا تدخل المقارنة عربية مصنوعة في الصين و تكون في نفس الفئة الحجمية
هي الصين كوخة ؟؟؟؟ ........ كل عربية هاتدخل ....... و مش مهم مين يكسب المقارنة نهائي .
و بالتالي أتمنى حضرتك تكتبلي ليه الصني مش فئ فئة الكورولا مع أن الأثنين مقاساتهم في نفس الفئة الحجمية .........
و متقوليش السعر لوحدة ............ لأن السعر ده ملعوب فيه بطريقة أو بأخرى .
بالمناسبة التصنيفات الخاصة بالحجم دي اللي بيتم التصنيف عليها عالميا .
يعني مش بالسعر بس .
فيه نقطة كمان ......
الصني و الكورولا بينزلوا برة في الولايات المتحدة الصهيونية بمواتير أكبر من 1600
و بالتالي الموتور الكبير ...... هايخرج العربية من فئة أو يعليها في نفس الفئة بتاعة الحجم .
و بالتالي العربية الصني اللي بموتور 1600 في مصر
هاتكون مختلفة عن العربية الصني اللي بموتور 2400 في أمريكا الصهيونية .
و برضه مينفعش أقارنهم و أقول دول في فئة واحدة ........لأن المحرك كبر و تضخم و دخل في فئة محركات كبيرة في نفس الفئة الحجمية .
لو المقارنة مبنية علي الحجم يبقي الاتنين يقارنو ا ببعض وساعتها ننصح صاحب الموضوع يجيب اسبيرانزا 516 مهي برضه نفس الحجم وفيها جنوط سبور و abs دي كده ممكن تكون احسن من الصني الفئة الأولي وسعر أرخص يوفر الفرق
وبالنسبة للصني في امريكا فأظن معدش فيه صني 2009 زي اللي عندنا ديه اللي غير فانوس ويقول جديدة
وممكن تقولي التيدا كده بقت في فئة الياريس والسيريون واللي انت مصنفها تحت الصني ومع ذلك التوكيل بيبعها أغلي وده مش عشان مستورده بس لأن الزبون المصري مش بالغباوة اللي يدفع فلوس اكتر في فئة أقل من واحدة تانية من نفس الشركة و بسعر أرخص و فئة أعلي
وكده تبقي الميني كوبر تقارن بالياريس والتيدا والسيريون عشان هي برضو city car
واعتقد ان لم شركة تقدم خامات أفضل ومكونات ذات جودة أعلي لازم تغلي السعر لأنها مش هتدفع من جيبها عشان تنافس خامات أقل جودة وإن كنت أتفق معاك إن سعر العربية مغالا فيه وديه قاعدة بتنطبق علي كل العربيات اللي في السوق
ولو عايز تقار بين الصني والكورولا وتعرف ليه دي فئة تانية
شوف لما الكورولا غيرت كان تغيير جذري لذا قفز بالكورولا من فئة القديمة اللي تقارن بالصني الي فئة جديدة
وممكن تجيب كماليات دي والتانية وتعرف ليه فرق السعر علي الرغم اني مبتكلمش فيه
سيدي الفاضل في اعتقادي ان المقارنة بتبقي بين حاجات تعطيني كماليات واداء قريب من بعض
بغض البصر عن السعر والحجم
اقتباس:
لو المقارنة مبنية علي الحجم يبقي الاتنين يقارنو ا ببعض وساعتها ننصح صاحب الموضوع يجيب اسبيرانزا 516 مهي برضه نفس الحجم وفيها جنوط سبور و abs دي كده ممكن تكون احسن من الصني الفئة الأولي وسعر أرخص يوفر الفرق
ما أحنا قلنا بالحجم
الياريس ....... سوبر ميني كار
الصني كومباكت كار ..... و الكورولا كومباكت كار برضه
بخصوص دخول سيارات أخرى ...... و أيه المشكلة أنا مش شايف أي مشكلة خالص .
مش عارف حضرتك تقصد أيه بصراحة .
حجميا العربيات في فئة واحدة ....... و هل هي الخطيئة الكبرى لو قارنت عربية صيني بقديسة القديسيين اليابان ؟؟؟؟؟؟؟؟؟؟؟؟؟؟؟
أنا مش بصنف ............ ده العالم هو اللي بيصنف .اقتباس:
وممكن تقولي التيدا كده بقت في فئة الياريس والسيريون واللي انت مصنفها تحت الصني
التيدا قاعدة عجلاتها 2600 مم ..... و تم تصنيفها عالميا في فئة الكومباكت كارز
بكرر مرة تانية ....... مش أنا اللي بصنف . و الموضوع مش موضوع آراء شخصية .
دي تصنيفات عالمية وضعها خبراء السيارات مش أنا و لا أنت .
تمام كدا ....... دول عربيات ...... سوبر ميني كار .اقتباس:
وكده تبقي الميني كوبر تقارن بالياريس والتيدا والسيريون عشان هي برضو city car
و لو أن الميني سعرها مبالغ فيه بطريقة غير معقولة .
التيدا أغلى علشان مستوردة بالكامل . و التيدا في فئة الصني و أكبر من الياريس و السيريون على سبيل المثال .اقتباس:
ني ومع ذلك التوكيل بيبعها أغلي وده مش عشان مستورده بس لأن الزبون المصري مش بالغباوة اللي يدفع فلوس اكتر في فئة أقل من واحدة تانية من نفس الشركة و بسعر أرخص و فئة أعلي
و معلش ....... أيه اللي جاب موضوع غباء و ذكاء و قدرات الشعب المصري في أسعار العربيات ؟؟؟؟؟؟
طيب يبقى على كدا الناس اللي بتشتري الميني ....... مفيش في مخهم ذرة ذرة ....... على أساس أن العربية سوبر ميني كار و ممكن بثمنها يركب حتة بي أم دبليو أستعمال كام شهر ...... أو يشتري هوندا سيفيك أو جيتا ...... و يبقى ركب عربيات كومباكت .... و صالون و موتور كبير .!!!!!
الياريس بتتباع في أمريكا بموتور 1500 ........بتبدأ من 66 ألف و أخر سعر هو 86 ألف للكاملة المتكاملة اللي مفيهاش مسمار ناقص زي بتاعة التوكيل المصري .اقتباس:
واعتقد ان لم شركة تقدم خامات أفضل ومكونات ذات جودة أعلي لازم تغلي السعر لأنها مش هتدفع من جيبها عشان تنافس خامات أقل جودة وإن كنت أتفق معاك إن سعر العربية مغالا فيه وديه قاعدة بتنطبق علي كل العربيات اللي في السوق
السيريون مش بتتباع في أمريكا ........ و سعرها في أوروبا ( بريطانيا ) قريب من سعرها في مصر .
و هانقول أن مصر فيها ضرائب عالية زي بريطانيا ( جمارك في مصر و ضرائب في بريطانيا ) ...... فأعتقد أن سعر الياريس في مصر .... مش عادل قوي .و مش السعر اللي يدخلها في فئة أعلى منها .
زي الميني بالظبط عمرها ما هتدخل فيئة البي أم دبليو أو فئة المرسيدس علشان خاطر السعر قريب .
شوف زبون المين مين ؟؟؟؟؟ أغلبهم شباب .
و زبون المرسيدس ........ و زبون البي أم ؟؟؟؟؟؟؟؟
السعر عامل من عوامل المقارنة ......... مش مُحدد الفئة نهائيا .
و النيسان صني و 516 و الكورولا ........... هايفضلوا في فئة حجمية واحدة و لن يُخرج السعر واحدة منهم لفئة أقل ...................دي المنطق في مقارنة فئات العربيات .
و بأكرر تاني السعر ده عامل من العوامل اللي بنقارن بيها .
مثال :
فيات بونتو 1245 سي سي كاملة .
تويوتا ياريس 1300 سي سي كاملة .
دايهاتسو سيريون 1300 سي سي كاملة .
لو قارنت الثلاثة ببعض ....... هاتلاقي ان أحجامهم واحدة ...... و في فئة السوبر ميني كار ........ و لكن كل عربية لها مميزات مش موجودة في التانية .... و السعر بيكون عامل من العوامل ....... و أسعار قطع الغيار والمقدرة على تحمل تكاليف الصيانة
وكل واحد عنده العوامل و يقارن ........ و بعدين يختار العربية اللي تناسبه في النهاية .
حاجة كمان ......... السيات الليون مثلا ...... ثمنها في ثمن الكورولا الجديدة .
واحدة هاتش باك و التانية صالون واسع و شكل مختلف تماما .
و لكن في النهاية ......... الأثنين في فئة العربيات الكومباكت ....
طيب هل زبون اللليون زي زبون الكورولا ............. لاءة .
و و مازالو السيارتين في فئة واحدة .......................... فئة الكومبكت .
بالمناسبة ....... الجودة والخامات الداخلية هي عامل أخر من عوامل المقارنة .
بس هل فرق الخامات مثلا بين الصني المصري و الكورولا الجنوب أفريقي يستاهل فرق 55 ألف جندي ؟؟؟؟؟؟؟؟؟؟؟؟؟؟؟؟؟؟؟؟
يعني عربية تانية ؟؟؟؟؟؟؟
أعتقد أن أغلب الناس اللي بتطلع في فئة عالية من السعر ...... بتروح للفئة دي مش علشان فرق الخامات لوحده
لاءة علشان البرستيج الأجتماعي ......... و ده موجود في أغلب المجتمعات في العالم و مش عيب .............. بس ده ما يخليش عربية أغلى من التانية أعلى في الفئة .
أرجوا أن يكون مقصد كلامي وضح ......
و حضرتك تعرف أني مش أنا اللي بصنف ....... دي تنصيفات عالمية
تعليقا على أخر سطرين من مداخلة حضرتك
نقطة مقارنة عربتين على أساس السعر على أساس أني مش معايا غير الفلوس دي ...
ديحاجة تانية ...... انما برضه مينفعش أقول ان خلاص العربية خرجت من فئة علشان خاطر سعرها !!!!
و السلام عليكم و رحمة الله و بركاته
دي ابعاد الياريس
ENSIONS & WEIGHT Overall length (mm)43004300Overall width (mm)16901690Overall height (mm)14601460Wheelbase (mm)2550
دي ابعاد التيدا
Transmission4A/T, 5M/TOverall length (mm)4395Overall width (mm)1695Overall height (mm)1540Wheelbase (mm)2600
الفرق في قاعدة العجلات 50 مم والأبعاد تقريبا واحدة وهات الأتنين ووقفهم جمب بعض
النتيجة التيدا فئة الياريس
هل سعر اعادة البيع للنيسان صنى سوبر صالون كويس ولا لا ؟
الصنى حلوة لو لعائلة
لكن كنت من مؤيدي اليارس على الصني ..
الصني عربية 1600 و ثبات أفضل على الطريق في مقابل إستهلاك بنزين أعلى و خامات أقل جودة في التابلوه + أضيق في الصالون.
اليارس عربية 1300 و ناعمة جدا و شيك بلا تكلف و إقتصادية في مقابل ثبات أقل على الطريق و مقدمة العربية و حوضها بيقول إن أقل خبطة هاتكون مكلفة جدا لحوضها الضيق.
شفت العربيتين عند نفس المعرض في مصر الجديدة الصني كانت السوبر صالون و كانت صدمتي فيها كبيرة جدا لأني لقيتها ضيقة خاصة و إني طويل و لأني لقيت خامتها الداخلية أقل مما توقعت في أعلى فئة في الصني!
لما دخلت اليارس حسيت براحة نفسية بسبب التصميم الهادي للتابلوه و أضواؤه و سعة الصالون مع وجود شنطة مناسبة جدا لكن اللي خلاني صرفت النظر عنها النقطتين السابق ذكرهما.
خلاصة الكلام لو بتسافر بشكل دوري و بتسوق بسرعات عالية فالأفضل بلا شك هي الصني التي تتفوق في عامل الثبات لكن لو معظم سواقتك جوه المدينة أو بتسافر بس سواقتك هادية (مش بتاع غرز و 160 و الكلام ده) يبقى اليارس إختيار أفضل. و ربنا يوفقك للي فيه الخير.
كلامك صحيح ...اقتباس:
المشاركة الأصلية كتبت بواسطة mohd2
التيدا طلعت من فئة الياريس و طلعت سوبر ميني كار و ليست من فئة الصني أو الكورلا اللي هما كومباكت كارز .
شكرا لكل الردود و فى انتظار اراء باقى الاعضاء
اقتباس:
المشاركة الأصلية كتبت بواسطة beihoo
شكرا لردك الجميل