الياريس الخليجي والمصري؟؟

**nav man** · 24-06-2009 12:18 PM

السلام عليكم اخواتي اليارسواية انشاء اللة اخوي ناوي يجيب ياريس من البحرين هي سعرها هناك 5800 دينار يعني تقريبا 87000 الف جنية. السوال هل في اختلاف بينها وبين اللي بينزل مصر علشان تقريبا السعر مقاربش, والتوكيل هناك قالوا ان الاوبشن الخليجي اكتر اوبشن بينزل في الشرق الاوسط وشمال افريقيا. فياريت يجماعة اللي عندة اي معلومة عن الفرق يقولي عليها.اللي انا عرفتوا ان الكاسيت عندة cd مدمج في التابلوة مش كاسيت زي هنا.

**moudyman** · 24-06-2009 12:55 PM

basha howa 3ala 7ad 3elmy, en el-khalegy beetznel be
1- CD mesh cassette
2- 3afsha sport
3- Spoiler
4- fog lights
5- genoot sport

da aly ana 3arfo we dy fee masr bte2reban tamanha 122,000L.E

**nav man** · 24-06-2009 03:07 PM

فعلا هو قالي انها سى دى مش كاسيت وفيها فوانيس شبورة وسبويلر بس مش عفشة رياضية هو مقليش علي الموضوع دا.وحاجة تانية مافيش ياريس في مصر ب 122 الف دا كان زمان اعلي فئة الاوتوماتيك ب 103 تقريبا.لو حد عندة معلومة عن الياريس الخليجي يقولنا هو هيجيب فتيس مانيول.

**alisleman** · 24-06-2009 03:38 PM

المشاركة الأصلية كتبت بواسطة nav man

فعلا هو قالي انها سى دى مش كاسيت وفيها فوانيس شبورة وسبويلر بس مش عفشة رياضية هو مقليش علي الموضوع دا.وحاجة تانية مافيش ياريس في مصر ب 122 الف دا كان زمان اعلي فئة الاوتوماتيك ب 103 تقريبا.لو حد عندة معلومة عن الياريس الخليجي يقولنا هو هيجيب فتيس مانيول.

لا هو عندة حق اليارس الخليجى بتباع هنا فى مصر 122 الف جنية
الحاجات الزيادة اللى فيها
الموتور 1500 cc اللى هنا 1300 cc
يوجد فيها عتب
فيها بلوتوث
الكاسيت C D
دة الفرق اللى اعرفة
لانى كنت بدور من شهرين على اليارس وكلمت واحد فى المهندسين
قالى مفيش عندى غير الخليجى و ب 122 الف وقالى الحاجات الزيادة على هنا

**nav man** · 24-06-2009 04:37 PM

جزاك اللة خير.علي المعلومات يبقي كدا الياريس الخليجي احسن من بتاعت مصر طيب لو عاوز يعملة صيانة في التوكيل ولية ضمان والا لا.

**alisleman** · 24-06-2009 04:48 PM

ملهاش ضمان طبعا بس بتعمل الصيانة بتاعتها فى التوكيل عادى جدا

**sa3dawy** · 24-06-2009 06:45 PM

العربية الخليجى تحفة..والله انا ساعات ببقى هتجنن وابيع واجيب الخليجى..خصوصا ان لقيت واحد بيبيعها ب 118...

العربية طلقة...وتسارع جامد جدا...من 0 الى 100 9.5 ثانية...يعنى تقريبا زى الجيتا ال التيربو 1400...
دا غير انها شكلها جامد بالعتب بالذات...والجنوط..

بس ايه موضوع العفشة الرياضية دا...حقيقى والا ايه؟؟
دا لو كده كمان ...تبقى عربية كاملة الاوصاف...

فى واحد اعرفة جايب الخليجى ..وحاطتلها جنوط 16 عريضة....
وبكده معاه سحب وثبات...مع مرونة وانسيابية الياريس....
نصيحة الخليجى دى جامدة..وانا شايف انها احسن ماتجيب كورولا اول فئة مثلا فيها..

والعربية واضح ان سعرها غالى حتى فى البحرين اهو...رغم انها فئة صغيرة..
بس دا عشان هى صغيرة...بس كفاءة..

**sa3dawy** · 24-06-2009 06:47 PM

على فكرة ال 1300...الى بجنوط هنا فى مصر..ثمنها مرخصش..وبتوصل ل 117 لسه..مش عارف ليه...

يبقى الخليجى كده سعرها تمام جدا...
بس انا سامع انها ممكن توصل ل 118 ...