الموضوع: الكائن الحى الوحيد الذى لا يشرب الماء

الماء مكون أساسي للأجسام الحية ولا علاقة للشرب بالموضوع ..
يعني لو حللوا بدن هذا الكنغر سيجدوا أن الماء هو المكون الرئيس لهذا الجسد ..
بلاش نربط الآيات القرآنية بما لا تحتمله .. ربنا قال : " وجعلنا من الماء كل شيء حي " والآية لم تذكر الشرب على الإطلاق ..
تقبلوا خالص مودتي

تبارك الله أحسن الخالقين

اصل تسميه الحيوان ده ليه قصه طريفه
الموضوع اصله بيرجع لبدايه استيطان الرجل الابيض فى استراليا
البيض لما شافو الكنغر طبعا مكانشو عارفين ايه الحيوان ده
فسئلو اهل استراليا الاصليين فكان الرد
كانجارو
لما دارت الايام وتمت التعرف على لغه اهل استراليا الاصليين
اتضح ان معنى كلمه كانجارو هو
لا اعرف

المشاركة الأصلية كتبت بواسطة taotao

السؤال اللي كان في بالي عن السمك إذا كان "بيعرق"
وكان سؤال بجد برضه :)

هههههههههههه
و طلع ايه بيعرق و لا مقضيها مزيل عرق؟

يا اخوانا نص المعلومات دي غلط..انا مش عارف لماذا لا نحاول التأكد من المعلومات قبل إرسالها؟؟؟؟

اولا: الكنغر ده اسمه الفأر الكنغر Kangaroo Rats & Pocket Mice هو مش كنغر، ده من القوارض الجيبية (اي التي فيها جيوب)
ثانيا حجمة صغير جدا وموجود في الولايات المتحدة (ماعرفش موجود في استراليا ولا لأ)
ودي صورته الحقيقة


ياريت قبل مانبعت نتأكد وياريت قبل ما نشكر نتأكد برضه قبل ان نكون امة ضحكت من جهلها الأمم

كل حاجة موجودة على النت وكل المطلوب 10 دقائق بحث فقط. وعموما مشكور السيد العضو لإثارته هذا الموضوع الشيق


=====
http://images.google.com/images?hl=e...-8&sa=N&tab=wi

http://www.desertmuseum.org/books/nhsd_heteromyidae.php

http://www.biology-online.org/biolog...about9602.html

سبحان الله العظيم سبحان الله العظيم

المشاركة الأصلية كتبت بواسطة taotao

مش مقتنع !!
أولاً إيه علاقة الآية الكريمة بمعلومة (الله أعلم بمدى صدقها) أن هناك كائناً لا يشرب الماء؟! هناك كائنات حية عديدة لاتشرب الماء ولا تتنفس الهواء حتى.

حكاية تصاعد غاز الهيدروجين وحصة الكيميا .. كيميائياً الهيدروجين لا تتواجد جزيئاته في صورة مفردة، يعني دايماً موجود في صورة h2 يعني حكاية نحط ذرة على ذرة ونجيب عليهم واحدة أكسجين (جزئ الأكسجين برضه موجود في صورة ذرتين يعني المصنع المزعوم محتاج يفك ذرة أكسجين من أختها) باقول الحكاية مش دقيقة علمياً.. ده غير إن اتحاد الهيدروجين مع الأكسجين محتاج طاقة خارجية لدمج الجزيئات دي .. مافيش مصنع كهربا بالمرة في بطن الكانجرو؟!!

الخلاصة مافيش تعارض بين الآية الكريمة ووجود كائن لا يشرب الماء، والكلام -تقريباً كله- غير علمي وغير دقيق (ملفق) لتبرير تعارض غير موجود !!
وشكراً

بالنسبة لموضوع تكوين المياه داخل الجسم .. لو حضرتك تسمع عن حاجة اسمها سلسلة نقل الالكترون اثناء التنفس بنتهي دايما بتكوين كذا مركب من ضمنها جزئ المياه .. و دة على مستوى اغلب الكائنات الحية .. دة مثال على موضوع تكوين المياه من الهيدروجين و الاكسجين اقصد بيه ان موضوع تكوين المياه داخل جسم الكانجارو شيء وارد .. لكن ممكن يكون اللي كاتب المقال غير دقيق علميا في شرحه .. اما الطاقة اللازمة لعمل هذه الروابط في جزئ المياه فدة شيء سهل جدا ممكن من التنفس او من الطاقة المنطلقة من تكسير جزيئات الجلوكوز داخل الخلية .... أرجو اني اكون وضحت الصورة