الموضوع: كيف يمكن اصلاح عتب اللانوس؟؟؟؟؟؟؟؟؟؟

المشاركة الأصلية كتبت بواسطة se_coralsea

بعد أذنك ياباشمهندس / سمير , أسمح لي أرد علي وليد باشا...

أنا الخبطة اللي كانت عندي في عتب اللانوس حوالي 30 سم طول و 15 سم عمق (تقريبا علي ما أذكر) و لولا أن الباب كان مخبوط هو كمان من تحت كنت أشوف الارض و انا ماشي و أتصلحت و رجعت زي الاول بس ماعملهاش بالتسخين أتعملت قطع و لحام

لكن الجنب اليمين كانت الخبطة أقل من كده و أتعملت بالتسخين و الشد بزرجينة و بعد كده معجون و صنفرة و بعدين أترشت

بس عايز أقولك أن شغل القطع و اللحام كان أدق و احسن

معلش ممكن تشرحلى طريقة القطع واللحام بيكون ازاى؟؟ ,,, لانى جربت قبل كدة طريقة التسجين والشد وبعدين الرش وكانت نتايجها هايلة وكنت فاكر ان دى هية الطريقة الوحيدة
وياريت كمان تقولى كلفتك كام؟؟

لك خالص شكرى وتحياتى,,

المشاركة الأصلية كتبت بواسطة momohsen

انا عندى العتب مخبوط بقاله اكتر من 3 سنين و مفكرتش اعمله .لان اللى اعرفه انها علب و التصليح فيها لازم قطع و تسخين.
بس كان فيه موضع هما على المنتدى من فترة بيتكلم ان فيه طريقه تانيه عن طريق حاجه زى الشفط.
و انا كنت شفتهم مرة بيصلحو حاجات بالمنظر دة على pimp my ride بس كانت طريقة غريبه. و هى عبارة عن انه بيلحم لحام بسيط حاجة زى المسمار عشان يعرف يشد العلبه و يفردها و بعدين يشيل المسمار و يسحق مكانه بصاروخ.بس صعب ان تلاقى حد فى مصر يعملها كدة.

انا عملت الطريقة دى قبل كدة لواحد صحبى عند واحد فى الحرفيين والنتيجة كانت ممتازة بس مكنش فى العتب كان فى القايم

المشاركة الأصلية كتبت بواسطة elrasy

انا عملت الطريقة دى قبل كدة لواحد صحبى عند واحد فى الحرفيين والنتيجة كانت ممتازة بس مكنش فى العتب كان فى القايم

طيب ما تقولنا على عنوان السمكرى دة طالما بيفهم و انت بتشكر فى شغله

المشاركة الأصلية كتبت بواسطة nasroo

قدر الله وماشاء فعل يا وليد باشا -شوف- لو انت بتيجي القاهرة كتير يبقى سيبها زي ماهي لانك ممكن تلاقي حاجات تانية كمان لاقدر الله لكن لو هتقصر الشر وماتجيش غير كل فين وفين يبقى صلحها انا هبقى اصورلك عربيتي عشان تشوفها عاملة ازاي قاهرية بنت ستين قاهرية ده حتى القايم اللي فوق الباب فيه خبطة زغنطوطة -بوسة كده- كان كرسي وقع على العربية من بلكونة وهي واقفة مكانها وروحت ساعتها لسمكري وقال لي انه هيعمل حاجه كده زي اللي قال عليها mmohsen يلحم مسمار ويشد القايم لبرة وبعد كده يصنفره بس بعد ما اتباست من اتوبيس في الباب الخلفي وبوسة تانيه من نقل في الرفرف الامامي قررت اني ابقى اسمكرها لما اخرج من القاهرة اللي قهرتنا

انا عملت زيك كدة يا nasroo بقيت كل لما اتخبط خبطة اسيبها و اقول قدر الله و ما شاء فعل لما العربية بقت زى علبة السردين.
بس بردة ميزة جامدة دلوقتى بدخل و ابلطج مع اى حد حتى لو نص نقل .بعما بالمثل "ضربه الاعور على عينة قالك ما هى خربانه خربانه"

المشاركة الأصلية كتبت بواسطة elrasy

معلش ممكن تشرحلى طريقة القطع واللحام بيكون ازاى؟؟ ,,, لانى جربت قبل كدة طريقة التسجين والشد وبعدين الرش وكانت نتايجها هايلة وكنت فاكر ان دى هية الطريقة الوحيدة
وياريت كمان تقولى كلفتك كام؟؟

لك خالص شكرى وتحياتى,,

لما بتكون الخبطة اللي في العتب كبيرة يعني زي اللي كانت عندي كده (حوالي 30 سم في 15 سم) مابينفعش معاها التسخين و الشد فبيعملوا الاتي:
- بيقطع باللمبة المكان المخبوط
- يتم أستعدال العلب دي في الخارج
- أعادة تركيبها باللحام

لكن في الحالات البسيطة بيستخدم زرجينة علي شكل حرف t بيتم لحامها في العتب و يسخن عليه باللمبة مع الشد فيتم أستعدال الانبعاج و بعد كده بيستخدم صاروخ لصنفرة العتب مكان البروزات الناتجة من الحام ثم ملء الفراغات بالمعجون و رشه بعد ذلك

بصراحة الحالتين عايزين صنايعي كويس جدا لان التقفيل النهائي أو التشطيب مهم جدا
الصنايعي اللي بأتعامل معاه دايما عمل اللي الموضوع ده 3 مرات :
- العتب اليمين بأستخدام زرجينة (خبطة صغيرة بالمنتصف تحت القائم)
- العتب الشمال بالقطع و اللحام (خبطة كبيرة و عميقة تحت الباب الامامي)
- القائم الامامي اليمين بعد الحادثة الاخيرة

و بصراحة في المرات الثلاثة العربية ماحدش يقدر يعرف انها كانت مخبوطة

أستاذ/ وليد...
انا أتصلت بصاحبي اللي معاه نمرة السمكري و هو بيدور لي عليها و أنا كنت كتبت عنوانه و نمرته في مشاركة قبل كده بأدور عليها دلوقتي و اول ما ألاقيها هاكتبها هنا