ادعولى وساعدونى ......الفيزياء بكرة

**Fadi Ezzat** · 24-06-2009 11:02 PM

باجماعة انا قاعد دلوقتى مرعوب خلاص قربت اموت لدرجة ان دقات قلبى سامعها فى دماغى وشكلة كدة ناوى يفرفر ويطلع برة:K_crying[1]:
يارب الامتحان يجيى سهل
وياريت الى يعرف حاجة عن الامتحان يقولللللللل
وياريت بقى عواتكم معايا مش عايز حد ميدعيش هتكسبو سواب كبير..

**ams** · 24-06-2009 11:30 PM

جمد قلبك
و دوس
و اقرا الامتحان كله الاول وابدا بالسهل و لم درجات يعنى اكتب اللى تعرفه حسب المطلوب مهما كان قليل و متسيبش حاجة فاضية حاول على قد ما تقدر فى كل الاسئلة

**Mzeid** · 24-06-2009 11:38 PM

على رأي ams حل السهل الأول و بعدين خش في اللي حاسس أنه صعب الأول دة طبعا بعد ما تقرأ كل الورقة ..
و حاول تحل بنظام ..
و لو فيه مسئلة ممكن تحل فيها مطلوب قبل الثاني متعملش كدة وحل حسب المطلوب بالتتيب إلا إذا كانت الأمر يقتضي علشان ربنا يكفيك شر المصححين اللي بيصححوا طبقا لنموذج الإجابة ..
و حاول لو فيه مسءلة سهلة و أنت بتحلها وقفت معاك ادخل في اللي بعدها على طول و سيبها لحد ما تفتكرها ..

و أهم حاجة قبل ما تحل تقدم البسملة و تتوكل على الله ..
و إن شاء الله لو عملت اللي عليك مش هيضيع تعبك و يكرمك بإذنه تعالى ..

**TeXo** · 24-06-2009 11:50 PM

ربنا معااااك يا ريس

إن شاء الله خير

قوي قلبك

:)

**Haytham1212** · 24-06-2009 11:52 PM

ههههههههههههههههههههههه

انتا شب جميل

بس صدقنى لو عرفت انها
فترة وهنعدى وعشت الحالة دى هتبقى 100 100
وتروح واثق من نفسك هتبقى او هيبقى احلى امتحان تحل فية

دا انا فى واحد فى الجامعة بتاعتنا فى فترة الامتحانات
تشوفة من بعيد كدة تقول دا مثلا جاى يستلم عربية لامبورجينى من كتر الفرحة (ههههههههههههه)
اية دا
لا كان غريب
ما شاء الله حتة ابتسامة

نصيحة من اخ
خليك واثق من نفسك وقبل الامتحان هاتلك 2 لبان كلورتس اللى هو ابو ربع
واضربهم قبل الامتحان كدة او وانتا رايح

وقللى بقى عملت ايييييييييية

**WalidAdel** · 24-06-2009 11:58 PM

الله معك يافادي
و بكره ان شاء الله حتيجي تقولنا اخبار حلوه

**kemo0o** · 25-06-2009 12:21 AM

فعلا الثقة بالنفس وعدم الخوف هما العامل الاساسي بس ده لايمنع ان هناك رهبة من الامتحان ولو مش موجودة يبقى مش هتعرف تحل

**michohat** · 25-06-2009 12:40 AM

اولا الامتحانات كلها عامل نفسى بالدرجه الاولى ياما ناس داخله مزاكرة كويس واعصابهم مشدوده ومن رهبه الموقف يجي قدام ورقة الاسئله ويتخيل له انه نسى كل حاجه
علشان كده مش تدى للامتحان مهما كان حجمه اهميه كبيرة لانهم ببساطه مش بيجيبوا حاجه انت مش قابلتها قبل كده وتأكد مهما كان السؤال اللى انت شايفة صعب اتأكد انك حليته قبل كده بس كان بمنظر تانى بس هما هنا غيروا شكله و ربنا معاك وييسر ليك كل عسير و نام كويس قبل الامتحان و لما تخلص الامتحان مش تراجع مع حد لان خلاص اللى اتكتب اتكتب ومش هيفيد انك تراجع الا انه ممكن يسبب احباط يأثر على مزاكره الماده اللى جايه
ده دعاء لقاء ذوى الجاه والسلطان
"اللهم انا نجعلك فى نحورهم ونعوز بك من شرورهم"
اللهم لا سهل الا ما جعلته سهلا وانك تجعل الحزن سهلا
اللهم اشرح لى صدرى ويسر لى امرى واحلُل عقدهً من لسانى يفقهه قولى
سبحان الله والحمد لله ولا اله الا الله والله اكبر ولا حول ولا قوه الا بالله العلى العظيم
واكثر من الاستغفار

-

-

الموضوع: ادعولى وساعدونى ......الفيزياء بكرة

LinkBack

أدوات الموضوع

عرض

ادعولى وساعدونى ......الفيزياء بكرة - انشر الموضوع فى :

-

-

-

المواضيع المتشابهه

سؤال لخبراء الفيزياء عن كيفية حدوث ذلك

انا نازل بكرة سوق السيارات ....ادعولى

أفيدونى وساعدونى اخوتى عاجلا

شوف نيلز بور بيجاوب على إمتحان الفيزياء إزاى

اخوانى واخواتى باركولى وساعدونى

الكلمات الدلالية لهذا الموضوع

المفضلات

المفضلات

ضوابط المشاركة