ياريت نعرف من ملاكها هيا ثابته ولا لا ولغايه سرعه كام وهل الجنوط بتخليها اثبت
عرض للطباعة
ياريت نعرف من ملاكها هيا ثابته ولا لا ولغايه سرعه كام وهل الجنوط بتخليها اثبت
اللي أعرفه أن الالنترا الشكل القديم ثابته جدااااااا , لكن الشكل الجديد مش متأكد ناس بتقول أه و ناس بتقول لأ ياريت ملاكها يقولوا لنا
انا معايا الى نزلت بجنوط من غبور ثبات تام حتى 190 كم - ساعة وبصراحة مزوتش اكتر من كدة
ياريت يا جماعة مش عاوز ين مبالغة انا واحد قاللى ثباتها حلو لحد 160 بس
وبعدين هى بورش عشان يبقى ثباتها تمام لحد 190 ياباشا
190 و كمان 210 و ثابته تمام
الالنترا ثابتة طول ما الطريق مستقيم ومافهوش مراجيح لكن عدم ثباتها يظهر في حالتين
1- المنحنيات
2- لو الطريق فيه مطبات هواء واذكر من سنة لما كان معايا النوبيرا كنت ماشي بليل على طريق محور التعمير الواصل من برج العرب وكارفور اسكندرية وانا كنت ماشي عليه وحافظ مطباته الهوائية المهم كنت ماشي 110 كم/ساعة وعلى يميني عربيات وانا في الشمال ووببص في المرايات لاقيت صاروخ قادم من وراء معرفش ايه وكاالعادة النور العالي عاميني بالتقليب فضربت اشارة شمال يعني اصبر الطريق مشغوول الافندي مصبرش وزود التقليب بشكل مستفز جدا طنشته راح شاتم بالكالكس رحت اتغظت وقلبتله يمين وشمال وانتظار المهم راح رايح اقصى اليمين وحارق ولما بصيت لاقيته النترا بذنجاني روحت سخنت معاه وحصلته طبعا بالضاليين والحرق الجامد ورحت بالكالكس عادي بنبه راح شاتم بالكالكس بتاعه تاني وصلنا ل 170 ولحته في ارتفاع وانخفاض وكنت اترزعت فيها قبل كده قبل ماحفظها قلت جائت فرصة رزعه بالشفاء وحرقت لغاية ماعديته بحاجة بسيطة مكدبش خبر وحسيت بوحش هياكل الطريق رحت مهدي وسيبته يعدي بصراحة كانت الصدمة العربية بتاعته ارتفعت عن الارض وبعدين اترزع رزعة سوده وبعدها لاقيت العربية مش متزنة راحت يمين وشمال بشكل عوامان قلت الطلقة دي والتحفة كل ده ناقصه شوية اتزان وثبات وتبقى حكاية لكن لا شك انها فعلا عربية ممتازة .......انا مش قصدي اهاجم ملاكها انا كنت ناوي اجيبها فعلا بس جيبت السيراتو للسبب ده والاخر السيراتو صاجها شوية جامد عنها بس لغاية دلوقتي انا بحب العربية دي وبحترمها.......
هيا إلنترا ثابتها كويس بس الدركسيون بتعها محتاج تعود و حرص
يعني أنا بجري بيها و كويسه مشاء الله و البور بتعها عشان أنا اتعودت عليه بالنسبلي جامد جداً بس أول لم الواحد يجبها لزم يتعود على باور بتعها