-
افيدونى افادكم الله
السلام عليكم ازيكم جميعا :Y_hi_3[1]:
نوبيرتى 2007 الفرامل ضعيفه شفت الزيت لاقيته ناقص هل ازود الزيت ولا اغيره ولا اغير تيل الفرامل علما ان العربيه عمله 30 الف كم محتار اعمل ايه ياريت اعرف منكم الحل الامثل لان مشوار التوكيل تقيل على قلبى ولو هاغير التيل افضل فى التوكيل ولا اجيبه منين منتظر ردكم يا شباب وخصوصا راى الاستاذ والمايستر و
-
الزيت ناقص كده عندك مشكلة
ممكن تكون تيل
او عندك تسريب للزيت
حاول تكشف على العربية
-
لا متزودش زيت الا أما تكشف على التيل الأول .....ويفضل أن تسرع بالكشف على التيل فى أسرع وقت ......لأن نزول مستوى الزيت كده دليل على تآكل التيل .....وبقه خلاص على وشك يبقى على الحديد .....وطبعا لو أستمريت على كده الطنابير حتبوظ منك.....داغير ضعف الآداء الفرملى.......طبعا مع أطمئنانك أن مفيش تسريب زيت باين قدامك فى دايرة الفرامل من الخراطيم مثلا ......أو من دايرة الدبرياش ولما تغير التيل مستوى الزيت حيعللى تانى معاك أوتوماتيك .....وعملية تغيير الزيت المره دى أو اللى جايه ترجعلك (ممكن تغيره لو حبيت المره دى بالمره بس خللى بالك ان فيه زيوت فرامل مغشوشه فى السوق )............وعلى ما أعتقد أفضل نوع تيل الأخوه بيشكرو فيه أسمه جولد ...........gold والأسعار فوق فى المواضيع المثبته ............
Content Relevant URLs by
vBSEO 3.6.0 PL2