الصوت دة ظهر بعد عمل تغير فى سير الكاتينه لو كذالك يبقى سير الكاتينة مش مظبوط
عرض للطباعة
الصوت دة ظهر بعد عمل تغير فى سير الكاتينه لو كذالك يبقى سير الكاتينة مش مظبوط
كيمو باشا
انا لسة شارى العربية من شهرين والرجل الى انا شارى منه قالى انه مغيرة قريب وممكن اغيره لما العربية تكمل 100.000 كيلو وهى حاليا عملة 93.000 ك بس الصوت فكدة يبقى الصوت دة مش من سير الكاتينة لان العربية كانت تمام من حوالى اول ما ختها من شهرين والصوت دة بقالة اسبوع تقريبا
هو ممكن يكون فى علاقة بين التسقيف الى زاد معايا وصوت الموتور الى على معاه ولا اية ؟؟
موضوع التسقيف ادا من البنزين و توقيت اشعاله.
يا تري انت غيرت البنزين اللي بتحطه يعني كنت بتحط 92 مثلا و بعدين حطيط اقل؟؟؟؟؟
لو قللت رقم الاوكتان من غير ما تظبط الكهربا يبقي العربيه حتسقف.
اما بالنسبه للصوت ف دا ممكن يكون تاكيهات او حاجات كتير اوي يستحسن تروح لميكانيكي كويس يشفهولك علشان انا مش قادر اتخيله
اضبط التاكيهاااااااات
و صوت التكتكة اول الدوارة حايمنع
و راجع ضبط السير بتاع الكاتينة و ضبط كهرباء الاسبراتير علشان التسقيف
بس كدة
وماتنسانيش في الدعاء
و كل عام و انتم بخير
اخوانى الكرام
انا رحت لميكانيكى اضبط التاكيهات قلى ان العربية دة ملهاش ضبط تاكيهات بس فية ضغط زيت بس ( طبعا مش عارف يعنى اية )
هل الكلام دة صحيح ولا اية
ممكن اروح بنزينة محترمة اعمل check على الموتور ممكن يكون عايز يقل شوية لان صوت الموتور بيبقى عالى الى حد ما اول ما rpm يوصل لحد 3 ؟؟؟؟
كمان العربية دة فيها سلك دبرياج ولا ضغط زيت علشان الفتيس تقيل شوية وعايز اكشف على الدبرياج قبل ما خش فى دوامة الفتيس وتصليحة
اعمل اية للافادة
وشكرا
لو العربيه الدبرياج بتاعها باكم مش سلك حتلاقي في الكبود ماستر شبه ماستر الفرامل.اقتباس:
كمان العربية دة فيها سلك دبرياج ولا ضغط زيت علشان الفتيس تقيل شوية وعايز اكشف على الدبرياج قبل ما خش فى دوامة الفتيس وتصليحة
بالنسبه لتقل الفتيس احتمال يكون زيت الفتيس ناقص و الاحسن تروح تغير زيت الفتيس بماركه محترمه و حتلاقي الفتيس بقي كويس ان شاء الله.
الأحسن روح لحد متخصص هونداي او روح لحد بتاع ضبط تاكيهات كستبانات, فية واحد في جسر السويس عند سوق القنال على ماسمعاقتباس:
المشاركة الأصلية كتبت بواسطة moudy2002
لأن الكستبانات دي برضة بتتآكل و بتحتاج تغيير كل فترة, و مش اي ميكانيكي بيعملها
في ناس متخصصة لضبط و إحلال الكستبنات دي
حل مشكلتك هو تغيير الكستبانات (بلوف الزيت) ولكن ... جرب تستعمل flush oil لغسيل دوره الزيت يمكن تكون البلوف مش نظيفه انا كانت عندي نفس المشكله في الفيكترا واتحلت بالزيت دة والحمد لله جرب وادعيلي دعوة حلوة .