فكره عامه عن المارش الكهربى المستخدم فى السياره
المارش الكهربى أو بادىء الحركه أو موتور البدء STARTING MOTOR المستخدم
فى السيارات
بيعتبر موتور تيار مستمر DC CURRENT MOTOR
وفائدته : أعطاء عمود كرنك المكنه عدد لفات معين ( من 400 الى 450 لفه/ق ) فى
البدايه لكى يستطيع المحرك الخاص بالسياره من البدء فى أشواط الحريق
والدوران .......ويتكون المارش من الأجزاء الرئيسيه التاليه http://i728.photobucket.com/albums/w...ntitled-14.jpg
1- العضو الثابت أو الSTATOR رقم 17 بالصوره .......
2- العضو الدوار أو المتحرك أو الROTOR أو ال ARMATURE رقم 12 بالصوره ........
3- بيت ترس البندكس (قلة المارش )رقم 2 بالصوره ...........
4- ترس البندكس رقم 16 بالصوره ........
5- أوتوماتيك المارش رقم 10 بالصوره ويحتوى بداخله على كل من ملفى السحب واللقط .....
ملف السحب (لسحب البندكس للتعشيق مع الحدافه أو الفلام )
وملف اللقط لعمل الأتصال الكهربى بين البطاريه والعضو الثابت للمارش من خلال كوبرى
كهربى بين الأوتوماتيك والعضو الثابت بمجرد سحب البندكس فى أتجاه الفلام...........
6- جلبة المارش الأماميه رقم 3 بالصوره ودى بتكون مشحوطه داخل قلة أو بيت المارش .................
7 - جلبة المارش الخلفيه رقم 22 بالصوره ودى بتكون راكبه ومشحوطه على الوش الخلفى
للمارش وبتكون أأقصر شويه من جلبة المارش الأماميه .....
8- شوكة او زراع سحب البندكس للتعشيق مع الفلام وقت طلب التعشيق وقت الدواره رقم 4 بالصوره (نفس نظرية النقل بتاعة الغوايش فى الفتيس المانيوال ولكن بطريقه كهرومغناطيسيه )........
9- مجموعة بيوت الفحم بالشربون والسست ودى بتكون راكبه على نهاية العضو الدوار ( بيسمى عضو التوحيد أو الcomutator ) ودى رقم 21 بالصوره......
دى فكره مبسطه عن مكونات المارش لأن فيه زميل سألنى عن الموضوع ده فى قسم الورشه ......
